Subscribe Whatsapp

Exercise to Increase Height in Hindi: Kad Badhane Ke Vyayam

Bada hua kad aapki personality ko accha dikhane ke liye bahut aham hota hai. Isse aap aakarshit aur bheed mai alag najar aate hai. Isliye iss baat mai koi shak nahi hai ki log uchai badane ke liye hamesha pareshan rehte hai, aur uske liye kai tarah ke raste chunte hai.

Vaise to bajar mai kad badhane ke kai upay hai jaise davai, acupressure illaj aadi, parantu yeh sabhi kaafi mehnge hote hai jinhe har vyakti kharid nahi sakta aur inki 100% guarantee bhi nahi hoti hai. Isliye kad badane ka sabse accha tarika agar kuch hai to wo hai vyayam aur accha aahar.

Rojana vyayam karna aapki maspeshiyo ko majboot tatha growth hormones ko sakriya kar deta hai jisse kad bade lagta hai. Wahi accha aahar hormones sakriya kar unhe fir se banane mai madad karte hai. Aaiye jante hai Exercise to Increase Height in Hindi.
 

Exercise to Increase Height in Hindi: Uchai Badhane Ke Liye

 
Exercise to Increase Height in Hindi
 

Latakana- Vertical Hanging

Rojana latakane se aapka kad to badega hi sath hi ridh ki haddiya aur maspeshiya majboot aur lachili banti hai. Yeh ek prabhavi way to increase height hai. Iss vyayam ko karne ke liye jameen se 7 feet uchai par chand ko acche se bandh de kyoki jab aap iss par latke to aapke pair aur jameen ke bich mai kam se kam 4 se 6 inch ki duri hona chahiye.

  1. Dono hatho se chand ko pakde dhyaan rakhe dono hatho ke bich ki duri na to jyada honi chahiye na hi kam hona chahiye.
  2. Iss chand ko aapki shamata ke anusaar pakde rakhe jab tak aap thak nahi jate aur dhire dhire upar niche hokar jameen ko chune ka prayas kare.
  3. Dhyan rakhe jab bhi aap iss vyayam ko kar rahe ho upar niche jate samay kalai mai chout ya moch na aaye.

 

Kudna – Jumping Exercise

Kudna Height Increase ke liye sabse accha sath hi sath prabhavkari vyayam hai. Jab aap kudne wala vyayam karte hai to ridh ki haddi tatha jangho par iska sabse jyada asar padta hai, kyoki jab aap balpurvak kudte hai to sabse jyada khichav jangho aur ridh ki haddi mai aata hai.

  1. Kudna aapke rakt sanchaar ko badata hai aur rakt ko saari haddiyo mai pahuchata hai jisse haddiya majboot hoti hai aur growth hormones ko uttejit karte hai jisse kad badne lagta hai.
  2. Kuch kudne wale vyayam jaise rassi kudna, chhlang marna, sidhe kudna, aur basketbaal khelte samay aap kudte hai inn sabhi ke dwara aapka kad badne mai madad milti hai.

 

Tairna – Swimming Exercise

Jab Height Badhane Ki Exercise ki baat ki jaa rahi ho aur tairaki ka naam naa aaye aesa ho nahi sakta hai. Kyoki kad badhane ke liye isse jyada accha prabhavi koi vyayam nahi hota hai. Yeh bahut hi sadharan si tatha aapko tarotaja rakhne wala vyayam hai, kyoki isse sharir ke har ek manspeshiyo mai khichav banta hai. Jo aapka kad badane mai sahayata karta hai.

  1. Har hafte mai kam se kam 5 ghante tairaki karna chahiye isse aapki hight bahut jaldi bad sakti hai. Lekin aap pehli baar tairaki karne ja rahe hai to expert ki dekh rekh mai kare.
  2. Yadi aapko pani se dar lagta hai ya swimming nahi aati hai to aap kamre mai yu hi tairaki ka abhyas kar sakte hai, isse kad badne ke sath pet ki charbi bhi kam hoti hai.

 

You may also like:- Home Remedies To Increase Height: Kad Badhane ke Upchar

 

Bhujangasana –  Cobra Pose

Bhujangasana kad badane ke bahut aacha vyayam hai, ise karna bahut hi aasan hota hai tatha isko karne se sharir par jyada khichav nahi aata hai. Iss asana ko karne se ridh ki haddi majboot banti hai tatha sim lachilapan aakar kad badta hai.

  1. Iss asana ko karne ke liye jameen par chatai bicha kar pet ke bal let jaye.
  2. Aab dono hatho ko kandho ke niche rakhe aur pairo mai khichaav banaye dhyaan rakhe ghutne mude nahi.
  3. Ab saans lete huye upar ki taraf aaye aur upar aane ke liye bhujao ka sahara le tatha saans chodte huye niche jaye.
  4. Iss prakriya ko kam se kam 10 minute tak rojana kare.

 

Trikonasana – Triangle Pose

Trikonasana ko rojana karne se hight to badti hi hai sath hi isse kai aur fayde bhi milte hai jaise ise karne se ridh ki haddi, kulhe, jangho ki manspeshiyo aadi mai lachilapan badta hai. Iske sath hi yeh pachan tantra ko thik karta hai aur kamar dard tahtha tanav ko dur karta hai.

  1. Iss aasan ko karne ke liye sabse pehle samtal jagah par khade ho jaye aur daye pair ki taraf jhuk kar hatheli ko jameen par rakhe.
  2. Dusre hath ko upar ki taraf rakhe aur 90 degree ka kon banaye. Iss stithi mai kam se 30 second tak khade rahe aur dhire dhire apni samay sima badaye.

Upar aapne jana Exercise to Increase Height in Hindi. Yadi aap bhi apne kad se santust nahi hai aur uchai badhana chahte hai to upar diye gaye vyayam ko apni dicharya mai shamil jarur kare.