Face Pack for Skin Lightening – Twacha Ki Rangat Nikhare

Yadi ham sundarta ki baat kare to sabse pehle hamare man mai gore nikhre chehre ka khayal aata hai. Lekin har kisi ki twacha gori to nahi hoti. Aese mai jab bhi dark complexion wale vyakti kisi gore rangat wale ko dekhte hai to yahi sochte hai ki kash hamari twacha bhi aesi hoti.

Yadi aapki rangat sawali hai to aapko dukhi hone ki jarurat nahi hai. Kuch packs ki madad se aap apni rangat nikhar sakte hai. Yeh packs naa keval aapki rangat ko badhate hai balki isse aapke chehre par chamak bhi aati hai.

Inko lagakar aap twacha ki anya samasyae jaise keel, muhase, daag dhabbe aadi se nijat paa sakte hai. Aur iski khas baat yeh hai aapko isme koi paisa bhi kharch nahi karna hai. Ghar mai moujud chizo se hi aap inn packs ko bana sakte hai. Aaiye jante hai kuch Face Pack for Skin Lightening.
 

Face Pack for Skin Lightening – Twacha Ke Liye Faydemand Mask

 
Face Pack for Skin Lightening
 

Badam Ka Tel

Niyamit roop se badam ka tel lagane se bhi aapke chehre ki rangat nikharti hai. Dry skin walo ke liye to yeh bahut hi accha facepack hai. Darahsal badam ke tel aapki twacha mai ushnata utpanna hoti hai jisse rakt ka sanchar accha hota hai. Jitna jyada rakt ka sanchar accha hoga utni hi aapki twacha damakti hui dikhegi.

  • Badam ka tel lagakar raat bhar ke liye ise chod de aur subah besan se chehra dho le.
  • Yadi aap badam ka tel nahi istemal akrna chahte hai to badam ka paste bhi istemal kar skate hai. Iske liye 4 se 5 badam raat bhar ke liye bhigade aur agle din uska paste bana le.
  • Iss paste ko malai mai milakar 15 minute ke liye chehre par laga kar rakhe. Fir sade paani se chehra dho le.
  • Yeh mask naa keval aapko gora banata hai balki isse aapki twacha mulayam bhi hoti hai.

 

Haldi Ka Pack

  • 2 chamaach kaccha dudh ek bowl mai le aur isme aadha chammach nimbu ka juice, aadha chammach haldi aur aadha chammach chane ka aata dale.
  • Sare mishran ko acche se mila le aur chehre par lagaye. Ise ya to 15 minute ke liye ya to sukhne tak ke liye chod de.
  • Ab apne face ko pani se dho le aur gile cotton ke cloth se saaf kar le. Yeh behtarin Face Pack for Fairness

 

Besan Ka Pack

  • Besan ka aata bhi aapki rangat ko halka karta hai aur aapki twacha mai nikhar lata hai.
  • Iska jyada accha prabhav lane ke liye besan ke aate mai malai milaye aur apne chehare par lagaye.
  • Aap chahe to isme dahi aur chutki bhar haldi bhi mila sakte hai.

 

Santre Ka Peel Face Pack

Orange peel powder aapko market mai aasani se mil jata hai aur yadi aap chahe to ise ghar bhi bana sakte hai.  Iske banane ke liye dhup mai santre ke chilke ko sukha le. Sukhne ke bad iske chilko ko mixer mai barik pees le. Iska powder ek dum chikna to nahi hota, thoda thoda dardara rehta hai.

  • 1 chammach orange peel powder le aur usme dahi mila le. Isse iska gadha paste ban jayega.
  • Dahi ko girne se bachane ke liye gadhe dahi ka istemal kare, nahi to wo tapakta rahega.
  • Mask ko aankho ke aaspas ki jagah ko chodte huye chehre par lagaye aur 15 minute ke chod de.
  • Ab apne chehre ko thane paani se dho le. Aap khud farak dekhenge ki aapka chehra gora to hua hi he sath hi isme chamak bhi aa gayi hai.

 

Chandan Ka Pack

Jab face packs ki baat chal rahi hai to chandan ke pack ka naam kaise chut sakta hai. Yeh twacha ko gora banane ke liye bahut accha face pack hai. Chandan aapki twacha ko thandak deta hai isliye isse muhase ki samasya nahi hoti hai. Teliya twacha ke liye to yeh bahut hi accha pack hai.

  • Ise banane ke liye chandan ke powder mai thoda sa gulab jal dale aur ise pure chehre par laga le.
  • Apne chehre ko sukhne tak chod de aur fir bad mai thande pani se dho de.

 

Strawberries aur Shahad Ka Pack

Aapke skin tone ko halka karne ke liye yeh bahut hi accha pack hai. Iski khas baat yeh hai ki yeh har tarah ki twacha ke liye accha hai. Sundarta ko nikharne ke liye aap ise niyamit tour par bhi istemal kar sakte hai. Aaiye jante iss Whitening Face Pack ko banane ki vidhi.

  • Sabse pehle kuch strawberries ko mash kar le aur gadha paste bana le aur isme dudh aur shahad mila le.
  • Ab iss pack ko chehre tatha gardan par rakhe aur 20 minute ke liye chod de.
  • Baad mai thande pani se dho le.

 


Face Pack Fayda
Akhroth aur Milk Cream Twacha Ki Rangat Badhaye + Dead Cells Hataye
Badam Ka Paste Twacha Ki Rangat Badhaye + Dry Skin Se Nijat
Chandan aur Gulab Jal Twacha Ki Rangat Badhaye + Teliya Twacha Ke Liye Accha
Orange Peel Powder Twacha Ki Rangat Badhaye + Chehre Par Chamak Laye

 
Upar aapne jana Face Pack for Skin Lightening. Aap bhi inn mask ko lagakar apne chehre ki rangat ko nikhar sakte hai. Yeh sabhi packs gharelu chizo se bane hai. Isliye isse kisi tarah ka nuksan nahi hai.
 

Loading...

You may also like...