Subscribe Whatsapp

Pedicure at Home in Hindi: Ghar Par Pairo ki Khubsurti Nikhare

Humare pair kitna kuch sahate hai aur jab baat unki dekhbhaal ki aati gai to hum unhe najar andaj kar dete hai. Pedicure na sirf humare pairo ko naram aur najuk banane mai madad karta hai, balki unki sehat ka bhi khayal rakhta hai. To aaiye jante hai Pedicure at Home in Hindi.

Har vyakti apne aap sundar aur swasth rehna chahte hai. Phir chahe wah mahila ho ya purush ya phir koi bhi baccha. Aisa tabhi sambhav hai jab aap apne pure sharir ki sahi dekhbhal karenge.

Lekin baat jab khubsurti ki aati hai to hum apne chehre aur twacha par hi adhik dhyan dete hai. Aur iss puri prakriya mai humare pair andekhe reh jate hai. Halaki hum pairo par kafi nirbhar hai, lekin phir bhi hum inn par sahi dhyan nahi de pate hai. Sharirik dekhbhal pairo ki saaf-safai ke bina adhuri hai. Pairo ki safai nischit samay par hoti rehni chahiye. Isse aapke pair sundar aur saaf ho jayege aur aap swasth bhi reh sakege.

Agar aapko kale pade pairo ko gora karna hai to iske anti tan pedicure karwaye, isse aapke pairo ka rang gora ho jayega. Agar aapke pairo mai bahut dard rehta hai to aap hot stone pedicure karwa sakti hai. Aur aapko saaf-suthre pair chahiye to aap normal pedicure karwa sakti hai.
 
You may also like:- Foot Care Tips in Hindi: Pairo ki Sundarta ko Badhane ke Liye
 

Pedicure at Home in Hindi: Pairo ke Liye Kuch Khas Tarah ke Pedicure

Ghar par pedicure karne se aapke paise bhi bachege aur aapke pair bhi sundar lagege. Bina kisi chinta ke aap ghar par hi aaram se pedicure kar sakti hai. To aaiye step by step mai jante hai ki ghar par kese kare saste mai pedicure:
 
Pedicure At Home
 

Hot Water Pedicure:

Garam pani mai pair daal kar baithna bahut hi kasth nivarak lagta hai. Isse na kewal pair saaf hote hai balki pair mulayam bhi ho jate hai.
 

French Pedicure:

Isme aapke pair saaf, massage aur moist kiye jayenge. Uske baad aapke pairo ke nakhuno ko kaat kar set kiya jayega aur safed rang ki nail polish lagayi jayegi.
 

Fish Pedicure:

Iss Pedicure mai aapke pairo ko pani mai daal diya jayega jiske saath chhoti-chhoti machliya bhi hogi. Yeh machliya aapke pairo ki dead skin ko khayegi aur aapke pair chamak uthege.
 

Aromatherapy Pedicure:

Iss tarah ke pedicure mai aapke pairo ko khusboodar tel aur bath salt scrub kiya jata hai. Isse pairo mai nami aayegi aur pair khubsurat banege.
 

Wine Pedicure:

Twacha par wine ka bahut hi accha asar padta hai. Yeh jhurriyo ko mitata hai isliye wine facial mahilao mai khaas hai. Pairo ko wine mai daal kar rakhne se unki jhurriya mitati hai.
 

Phulo Wala Pedicure:

Isme pairo ko phulo se bhare pani mai daal kar uski safai ki jati hai. Phulo ki khushboo aapke tann mann ko mahaka deti hai aur isse pair mulayam bante hai.
 
You may also like:- Home Remedies for Smelly Feet: Dur Kijiye Pairo ki Gandh
 

Hot Stone Pedicure:

Agar pairo mai dard hai to yeh pedicure bahut upyogi hai. Garam pattharo par pair rakhne se pairo ki mashpeshiyo ko bahut aaram milta hai.
 

Anti Tan Pedicure:

Jab pair tan ho jate hai to wah bahut hi kharab lagne lagte hai. Iss pedicure ko karwane se pairo ka rang nikharta hai aur wah saaf ban jate hai.
 

Furr Spa:

Yeh pedicure pairo ko aaram dene ke saath-saath tanav bhi dur karta hai. Isme aapko ek foot massage bhi diya jata hai.
 

Paraffin Pedicure:

Soundarya samagri mai paraffin wax ka bahut mahatvapurna yogdan hota hai. Isse pairo ki gandagi saaf ki jati hai aur pairo mai nami pahuchai jati hai.
 

Gel Pedicure:

Gel pedicure ko ghar par bahut hi aasani se kiya ja sakta hai, iss pedicure mai gel polish ka upyog kiya jata hai. Gel ko aapke pairo tatha nakhuno par acche se lagakar malish ki jati hai. Isse aapke pair mulayam aur chamakdar ho jate hai.
 

Chocolate Pedicure:

Chocolate pedicure mai cocoa hota hai jab aap aapke pairo par chocolate mask lagate hai to yeh natural tarike se pairo ko moisturizer karta hai. Iske atirikt iss massage se aapke pairo ko antioxidant bhi milta hai aur pair chamak jate hai.
 

Dudh aur Shahad Pedicure:

Iss pedicure ko ghar par karna bahut aasan hai tatha iske liye aapko jyada kharcha bhi nahi karna padta hai. Iske liye dudh ko halka sa garam karle aur aapke pairo ko usme kuch dere bhigo ke rakh de. Ab pairo par shahad ka mask lagaye aur jab shahad sukh jaye to use hatho ki sahayata se ragad le aur saaf pani se pairo ko dho le. Aisa karne par apke pair mulayam aur chamakdar ho jayenge.
 


Step 1 Pairo ko pani mai bhigoye
Step 2 Pairo par scrub kare
Step 3 Nakhun ko kate aur shape de
Step 4 Pairo ki malish kare
Step 5 Nakhun par nail polish lagaye

 
Upar aapne jane Pedicure at Home in Hindi ke bare mai kuch jaruri jankari. To agar aap bhi pane pairo ko khubsurat banana chahti hai to inn upay ki  madad se bana sakti hai.
 

Ghar Par Inn Chizo ke Dwara Kare Pedicure

Pedicure At Home in Hindi
 

  • Sahi Saman:

    Sabse pehle to aapko sahi saman kharidne ki avashyakta hai. Ek chhota sa tub, nail cliper, pumice stone, cuticle stick aur nail polish jarur rakhe.

  •  

  • Purani Nail Polish ki Safai:

    Agar aapke pairo mai koi nail polish lagi thi, to use sabse pehle saaf kar le. Isme bilkul bhi alas na kare.

  •  

  • Pairo ko Bhigoiye:

    Ek chhote se tub mai garam mai garam pani bhare, usme tel ya bath salt dale. Ab baith kar isme apne pairo ko 10 minute kar duboye.

  •  

  • Nakhuno ko ke Liye:

    Ab pairo ko pani se nikale aur phir nail cutter se gile aur najuk nakhuno ko chokor aakar ka kate. Isse aapke nakhuno ka shape dekhne mai accha lagega.

 
You may also like:- Nail Care Tips in Hindi, Nakhun ko Banaiye Sundar
 

  • Cuticle ka Dhyan Rakhe:

    Gile pairo mai se kinare ki aur jo dead skin hoti hai use nail cutter se kaat le. Isse aapko kafi had tak aaram milega.

  •  

  • Pumice Stone:

    Pairo mai se dead skin ko saaf karne ke liye aapko pumice stone ki avashyakta padegi.Isse pairo ke uppar aur aidiyo par ragde aur jami hui mel saaf kare.

  •  

  • Pairo ko Sukhaiye:

    Pair jab saaf ho jaye tab use saaf pani se dho le aur baad mai towel ki madad se use poch kar sukha le.

  •  

  • Nail Polish:

    Jab pair sukh jaye tab usme cream lagaye aur apni mann pasand nail polish lagaye. Isse aapke pair aur bhi jyada sundar dikhege.

 
Aaj aapne jane Pedicure at Home in Hindi. To inn upay ko apnakar swasth aur sundar dikhiye aur apne pairo ki khoi hui khubsurti ko wapas paiye.
 
Pairo ki sundarta ko banaye rakhne ke liye dekhiye Beauty Tips in Hindi.