Subscribe Whatsapp

Causes of Pimples in Hindi: Muhase Hone Ki 5 Mukhya Wajah

Muhaso ki samasya se kai log pareshan hote hai. Adhiktar logo ko muhaso ki samasya teenage mai hoti hai. Kyoki yahi aesa samay hota hai jab aapke hormones mai sabse jyada parivartan hota hai. Umra ke badhne par yeh samasya dhire dhire apne aap hi khatam ho jati hai.

Muhase bhale hi khatam ho jate hai lekin iske jiddi daag piche hi chut jate hai. Jinhe hatana aasan nahi hota. Aur kuch logo ko to umra hone ke baad bhi muhaso ki samasya ho jati hai.

Vaise to iske liye kai ilaj moujud hai. Jaise gharelu upchar aur dawaiya. Yadi gharelu upcharo ki baat ki jaye to isse illaj karne mai kaafi samay lagta hai, aur yadi condition bahut jyada kharab ho to aap iske bharose nahi reh sakte. Wahi yadi aap muhaso ke liye dawao ka ilaj karte hai to isse kai side effect hone ka khatra rehta hai. Kai logo se suna hai ki muhase ke ilaj ke liye dawai lene par unhe anya samasyae jaise liver mai problem, period ka miss hona aadi dekhne ko milta hai.

Isliye behtar hoga ki aap ise aane hi na de. Muhaso ke karano ko jankar aap ise aane se rok sakte hai. Kyoki precautions karna hi behtar ilaj hai. To aaiye jante hai Causes of Pimples in Hindi.
 

Causes of Pimples in Hindi: Muhase Hone Ke Karan Jane

 
Causes of Pimples in Hindi
 
Pimples ke karano ko janne se pehle kyu na ham ek najar iss baat par dekh le ki muhase kaise hote hai:-

Twacha ki satah par aane se pehle hi muhase ki shuruwat ho jati hai. Yeh twacha ke andar takriban 2 se 3 hafte rehta hai. Yeh aapke baalo ke rom chhidra ya pores mai banta hai. Har follicle ke bich mai aapki sebaceous granthi sebum tel banati hai jo ki aapki twacha ko mulayam banane ke liye jaruri hota hai.

Jab bhi aapki nayi twacha aati hai to purani koshikaye mar jati hai. Dhire dhire yeh koshikaye hatati jati hai aur nayi koshikao ke liye jagah banati jati hai. Lekin yadi mrit koshikaye asaman roop se hat rahi hai to wo twacha ke prakratik tel ke sath mil jate hai aur ek plug ki tarah bana lete hai.

Yeh plug rom chidra ke andar jakar tel aur bacteria ko apne andar khichte hai. Iss plug mai sujan aane lagti hai aur tel ka nirman chalta rehta hai. Aese mai jab bhi aapke sharir ke white blood cells bacteria par hamla karte hai to iska parinaam muhaso ke roop mai dikhai deta hai.
 

Kuch Aaharo Ke Sevan Se

Yeh to bahut purane wakt se kaha jata hai ki jo bhi aap khate hai uska asar aapke swasthya par padhta hai, aur sath hi aapki twacha par bhi. Yadi aap apne sharir ko junk food, trans fat, dhumrapan aadi dete hai to aapka sharir bhi aapko vesi hi twacha dega. Asantulit aahar lene se aapke sharir mai sujan aati hai jiske karan collagen and DNA ko hani pahuchti hai aur aap jyada umra ke lagne lagte hai.

  • Aapko apni twacha ko accha dikhane ke liye kuch khadya padartho se duri bana lena chahiye.
  • Chips: Chips mai carbs moujud hota hai. Jab aap bahut jyada chips ka sevan karte hai to aap dekhenge ki aapke chehre par jhurriya, lakire aur badhti umra ke anya lakshan dikhai dene lage hai.
  • Yaha tak ki 2014 mai kiye gay eek adhyan ke anusar refined carbs muhase aane ke mukhya karano mai se ek hai.
  • Dudh: Dudh hamare sharir ke liye to accha hota hai kintu hamari twaha ke liye nahi. Yeh hamari twacha mai tel ke nirman mai vraddhi karta hai.
  • Lekin yadi aap calcium ya anya jarurato ke chalte dudh ka sevan karna chahte hai to organic milk ka sevan kare, isme keval regular hormones hote hai na ki alag se add kiye huye.

 

Hormones mai Parivartan Ke Karan

  • Hormones mai parivartan muhaso ke hone ki mukhya wajaho mai se ek hai.
  • Aapne dekha hoga ki purusho ki tulna mai mahilao ko muhase jyada hote hai. Kyoki ladkiyo mai masik dharm chakra ke douran hormones parivartan hote hai.
  • Kai bar to yeh hormones itne jyada asantulit ho jate hai ki isse bahut jyada muhase hone lagte hai, jo bhale hi hat jate hai lekin iske chalte twacha mai gehra gadhha ho jata hai.

 

Kuch Cosmetics Ke Istemal Se

  • Bahut se log apne twacha ko sundar banane ke liye cosmetic cream ya jel ka istemal karte hai. Lekin kya aap jante hai ki bahut se beauty products aapki twacha ke anuroop nahi hote hai.
  • Isliye kai bar sondarya samagri ka istemal bhi twacha ko nuksan pahuchata hai.

 

Gande Takiye Ke Istemal Se

  • Ham jo takiya istemal karte hai us par hamare baalo ka tel lagta hai. Iss takiye par dhul bhi baithti hai.
  • Fir jab aap bina takiye ka cover badle bahut dino tak iss takiye ko istemal karte hai to isse fungus, dhul mitti aapke chehre par chipakti hai.
  • Causes of Pimples on Cheeks ke piche aapka takiya kai had tak jimmedar hai.

 

Tanav Ke Chalte

Kuch log bahut jyada tanav bhare mahol mai rehte hai. Tanav ke chalte bhi hormones ka santulan bigad jata hai aur muhase hone lagte hai. Kuch logo ko yeh samasya anuvanshik bhi hoti hai.
 
Upar aapne jana Causes of Pimples in Hindi. Kuch baato ka khayal rakhkar aap muhaso ko aane se kai had tak rok sakte hai. Twacha ko accha banane ke liye phalo ka ras lene ke bajay direct phalo ka sevan kare.