Subscribe Whatsapp

Parwal in Hindi: Jane Pointed Gourd Khane Ke Swasth Laabh

Aam sabjiyo ki tarah parwal bhi ek prakar ki sabji hai jo ki kai rasoi ghar mai banayi jati hai. Yeh pakne mai aasan, swadisht aur daam mai sasti hoti hai. Yaha tak ki bharat ke kuch sthano par to Parwal ki kai prakai ki mithai bhi banayi jati hai. Swasth ke liye yeh kis tarah se faydemand hota hai? Janne ke liye padhe Parwal in Hindi.

Parwal ko English mai pointed guard bhi kaha jata hai. Yeh guard family ki ek sabji hoti hai. Iske alava guard parivar mai karela, chacheda, torai bhi aati hai. Sardiyo ke mosam mai parwal ki sabji khana log bahut pasand karte hai. Yeh hamare pet ke liye bahut acchi hoti hai.

Parwal mai kai prakar ke vitamins jaise vitamin A, B1, B2 aur vitamin C ke sath-sath calcium aadi yogik tatv bhi paye jate hai. Yeh poshak tatv hame kai prakar ki bimariyo se bachane mai madad karte hai. Iske alava parwal mai calorie ki bahut kam matra payi jati hai jisse iske sevan se sharir mai cholesterol ka level badh nahi pata.

Kuch logo ka manna hai ki parwal ke juice mai thodi matra mai sonf aur pisa hua heeng ka churn milakar sevan karne se motape se nijad paya ja sakta hai. Sath hi yeh juice takat aur urja bhi deta hai. Jab parwal mai itne gun hote hai to aaiye iske kai swasth labho ke bare mai padhe.
 

You may also like: Bajra Benefits in Hindi: Jane Millets Khane Ke Bemisal Fayde

 

Parwal in Hindi: Sharir Ko Inn Bimariyo Se Dur Rakhne Mai Sahayak

Parwal in Hindi
 
Shayad aap jante hai ki 100  gram Parwal ke chhilke mai 24 calorie urja, bharpur matra mai vitamin A, Vitmain C, magnesium, potassium, phosphorous aur bhi bahut se poshak tatv milte hai. Isme aese bahut se aushdhiya gun hote hai jo ki hamare sharir ko kai prakar ke twaha rog, bukhar aur kabj aadi pareshaniyo se rahat pahuchane mai madad karte hai.
 

Madhumeh Ke Liye Faydemand

Madhumeh se grasit marij ke rakt mai glucose ki adhik matra payi jati hai. Aese mai parwal ka sevan karne se rakt se sharkra ki matra ko kam karne mai madad milti hai. Parwal ke beej mai lactones namak yogik hota hai jo ki sharkra ki matra ko kam karne mai madad karta hai. Iske sath hi yeh hamare rakt mai vasa ki matra ko bhi niyantrit karne mai madad karta hai.
 

Piliya Mai Aaram De

Jo log piliya rog ke shikar hote hai unme bhuk na lagna, kamjori aana jaise lakshan dekhne ko milte hai. Aese mai parwal ka sevan karna bahut hi faydemand hota hai. Parwal ka sevan karne se pet ke keede aur bacteria mar jate hai jisse piliya rog ke upchar mai bahut adhik madad milti hai.
 

Cholesterol Level Kam Kare

Parwal ka sevan karne se sharir ki bed cholesterol ke star ko kam karne mai madad milti hai. Sath hi yeh sharir mai HDL ke star ko badhane mai bhi madad karta hai. Cholesterol ka level niyantrit rehne se sharir ko ucch raktchap aur hriday se sambandhit kai prakar ki pareshaniyo se ladne ki shakti bhi milti hai.
 

Khun Saaf Rakhe

Parwal ki sabji khane se sharir ka khun bhi saaf hota hai. Isse pet aur twacha se sambandhit pareshaniyo aur cough aadi se nijad pane mai madad milti hai. Khun ko saaf kar parwal chehre ko kantimay banane mai madad karta hai.
 

You may also like: Benefits of Barley Water: Jau ke Swasthvardhak Fayde

 

Badhti Umra Ko Roke

Badhti umra ke sath-sath mahilao ki twacha mai jhaiya aur twacha se sambandhit kai prakar ki pareshaniya dekhne ko milti hai. Inhe rokne ke liye parwal ki sabji ka sevan karna faydemand hota hai.

Parwal kai prakar ke vitamins aur anti-oxidant se bharpur hota hai jisse yeh anti-ageing ki pareshani ko dur karne mai sahayak hota hai.
 

Flue Se Ladne Mai Sahayak

Parwal mai kai prakar ke anti-oxidant gun hote hai jisse yeh sharir ko hone wali kai prakar ki pareshaniyo aur rogo se ladne ki shakti deta hai. Parwal gale ki pareshani, bukhar, khansi aadi ko dur karne mai ek dawa ki tarah kam karta hai.
 

Kabj Se Rahat De

Parwal ka sevan karne se pet se sambandhit kai prakar ki pareshaniyo se nijad milta hai. Isme fiber ki matra hoti hai jo ki bhojan ke pachan mai madad milti hai. Sath hi parwal ke beej ka sevan karne se mal aur sharir ki sabhi vishakt padartho ko bahar nikalne mai madad milti hai, jisse kabj jaisi samasya dur hoti hai.
 

Sar Dard Dur Kare

Sar dard hone par bhi parwal bahut faydemand hota hai. Sar dard ko dur karne ke liye parwal ke ras se sar ki malish kare. Parwal ki pattiyo ka ras mathe par lagane se sar dard mai aaram pahuchta hai. Iske alava parwal ko acche se piskar uske nikle ras se mathe par lape karne se sar dard dur ho jata hai.
 

Pet Ki Samasya aur Pachan Mai Sahayak

Aniyamit aur dushit khanpan ki wajeh se pet ka mal sahi se saaf nahi ho pata hai jisse pet mai sujan ki samasya ho jati hai. Iske alava pet mai pani bhar jane ki samsya bhi logo ko ho jati hai. Aese mai parwal ek dava ka kam karta hai. Pet ki pareshaniyo ko dur karne ke liye niymit parwal ki sabji ka sevan karna shuru kar de aapko jald hi aaram mil jayega.

Parwal mai fiber ki adhikta hone se yeh bhojan ke pachan mai madad karta hai. Fiber ki madad se yeh jigar, lever aur pet ke swasth ko banaye rakhne mai madad karta hai.
 

Motapa Kam Karne Mai Sahayak

Parwal mai calorie ki bahut kam matra payi jati hai jo ki vajan ko kam karne mai sahayak hota hai. Sath hi isme fiber ki adhikta hoti hai jo ki bhojan ka sahi se pachan karne mai madad karta hai aur fat ko bhi burn karne mai sahayak hota hai. Iss tarah parwal motape ko kam karta hai.

Iske alava subah nashte mai parwal ka sevan kar lene se lambe samay tak pet bhara hua mehsus karta hai jisse vyakti overeating se bach jata hai. Parwal ke juice mai thoda sonf aur pisi hui heeng ka churn milakar khane se bhi motape ko dur kiya ja sakta hai. Shayad aap jante honge ki parwal se bana juice sharir ko urja dene ka kam karta hai.
 

Fode-Funsi Ko Dur Kare

Twacha mai hone wale fode aur funsi se chutkara pane ke liye parwal bahut hi labhdayak hota hai. Yeh fode funsi ko jad se khatam karne mai madad karta hai. Iske upyog ke liye parwal ke patto ko piskar fode-funsiyo aur ghav par lagane se ghav jaldi bhar jate hai aur fode-funsi bhi mai bhi aaram milta hai.
 

Pet Ke Keede Khatam Kare

Pet ke keedo ko khatm karne ke liye 20 gram parwal ke sath 20 gram hari dhaniya ko pis le. Ab 250 ml pani mai ise bhigokar rakh de. Subah iss pani ko chankar iska teen hissa kar le. Ab iss mishran mai thoda shahad dalkar din mai teen bar le. Aesa karne se pet ke keede mar jate hai.
 

Parwal in Hindi: Anya Fayde Inhe Bhi Padhe

  1. Parwal mai kai prakar ke anti-oxidant gun hote hai jiski madad se Parwal twacha mai kasav lata hai aur twacha se judi sabhi pareshaniyo jaise jhaiya, aur jhurriyo ko dur karne mai sahayak hota hai.
  2. Chehre aur sharir ke fode-funsiyo ko dur karne ke liye rojana 15 dino tak parwal ki sabji ka sevan karne se labh milta hai.
  3. Parwal ka sevan karne se sharir ki rog pratirodhak kshamta badhti hai jisse is bimariyo se ladne mai madad milti hai. Parwal ke sevan se sharir ko sardi, khansi, kisi bhi prakar ke twacha sankraman se bachane mai bhi madad milti hai.
  4. Parwal ke beejo mai aese gun mojud hote hai jisse peshab aur kidney se sambandhit pareshaniyo ko dur karne mai madad milti hai.
  5. Parwal se bani sabji aur iske juice ka sevan karne se twacha mai aane wali barik rekhaye kam ho jati hai.
  6. Parwal mai vitamin A, vitamin B1, vitamin B2 aur vitamin C ke alava kai prakar ke poshak tatv hote hai jo ki twacha ko free radicals se ladne ki shakti dete hai
  7. Lever se judi kai prakar ki pareshaniyo ko dur karne mai parwal ka bahut bada yogdan rehta hai.

Upar aapne jana Parwal in Hindi. Yadi aap bhi apne sharir ko upar dee gayi pareshaniyo se dur rakhna chahte hai to aaj se hi apne aahar mai parwal ka upyog karna shuru kare aur rahe swasth.