Subscribe Whatsapp

Amla Juice Benefits in Hindi – Poshak Tatvo Se Bharpur

Amla prakrti ka diya hua ek anutha uphar hai, jo humare sharir ke liye bahut faydemand hai. Aayurved mai to ise kai bimariyo se nijat pane ki aushdhi mana gaya hai. Kyuki amle mai iron, minerals aur vitamin c bharpur matra mai hota hai. Isme moujud antioxidant gun rog pratirodhak shamta ko badhane mai madadgar hai.

Iska upyog kai prakar ke twacha rogo ko thik karne mai kiya jata hai. Sath hi yeh sharirik samasyao jaise balo ko swasth banana, aankhon ki kamjori ke liye bahut faydemand hai. Amla wese to kai tarah se istemal kiya jata hai.

Wese to amla ka upyog bhartiya gharo mai acchar, jam, chatni, murbba aadi rupo mai kiya jata hai. Aap jis bhi rup mai iska sevan karte hai iska fayda hi milega. Jaise amla ko aap ras ke roop me bhi le sakte hai. Amla ka ras aapke swasthya ke liye bahut faydemand hai.

Amla ke juice mai bhi utne hi gun hote hai jitney ki amla mai. Yadi aap swasth bane rehna chahte  hai to amla ke juice ka sevan rojana kare. Taaki aap ek acchi sehat pa sake. Isliye aaj hum aapko batane wale hai Amla Juice Benefits in Hindi.
 

Amla Juice Benefits in Hindi – Sehat Ke Liye Faydemand

 
Amla Juice Benefits in Hindi
 

Muh mai Hone Wale Chhale

Yadi aap muh ke chhalo ki samasya se pareshan hai to amla ka juice aapke liye bahut faydemand hai. Ise thik karne ke liye aadhe cup pani mai thoda sa amla juice ko mila le. Tatha usse roj kulla kare kuch hi dino mai chhalo ki samasya se nijat mil jayegi.
 

Rakt Ko Saaf Kare

Sharir mai kai bar khun acche se saaf nahi ho pata hai jisse aapko kai prakar ki bimari ho jati hai. Khun ko saaf karne ke liye amla ka juice bahut labhkari hota hai. Isliye  rojana amla ke ras ko thoda se shahad ke sath milakar pine se rakt saaf ho jata hai.

Iske atirikt iss mishran ko pine se asthma jaisi bimari mai bhi rahat milti hai. Yadi aapko gas se judi samasya hai to shahad ki jagah ghee ka istemal kare.
 

You may also like:- Amla Benefits in Hindi: Is Phal Me Chupe Hai Dhero Laabh

 

Sharir Ke Tapman Ko Niyantrit Kare 

Amla ke ras ko garmi ke dino mai pina bahut labhkari hota hai. Yeh aapke sharir se garmi ko bahar nikalta hai aur sharir ke tapman ko banaye rakhta hai.  Iske atrikat yeh parabegni kirno se bhi aapki raksha karta hai.
 

Jhurriyo Par Asardar

Amla mai antioxidant ke gun bharpur matra mai hota hai. Jo ki aapke chehre par padi hui lakire, jhurriya aur badti umra ko thamne mai madad karte hai. Amle ke juice ko rojana pine se aap kaafi samay tak jawa bane reh sakte hai. Sath hi yeh chehre ko chamakdar banaega aur chehre ke sare daag dhabbe hat jayenge.
 

Baalo Ke Liye Labhkari

Amla mai kai minerals, vitamin C aur antioxidant moujud hota hai. Yadi aapke baal rukhe aur bejaan ho rahe hai, jhad rahe hai aur samay safed ho rahe ho to pratidin amle ke juice ko piye isse baalo ki samasya se chutkara mil jayega. Iske aalwa yadi aapke baalo mai rusi ki samasya hai to wo bhi dur ho jayegi aur aapke bal kudrati khubsurat bane rahenge.
 

Muhase Se De Mukti

Kai log muhase ki wajah se pareshan rehte hai. Muhaso ki wajah se unki khubsurati mai daag lag jata hai. Amla se bana hua ras aapke chehre ki khubsurati ko kam karne wale muhaso ko jad se mita deta hai. Tatha aapke chehra ko muhaso se puri tarah nijat mil jati hai. Isliye muhaso ko dur karne ke liye amle ke ras ka sevan pratidin kare.
 

Aankho Ki Roshni Badaye

aankho ki roshni ko badane ke liye amla se behtar koi aur accha vikalp nahi hai. Aajkal chhote chhote baccho ko bhi chashma lag jata hai. Isliye aankho ki roshni ko wapas pane ke liye ya use banaye rakhne ke liye amla ke ras ka sevan karna chaiye.
 
Benefits of Amla Juice
 

Vishele Tatvo Ko Sharir Se Dur Kare

Aajkal ki tanav bhari jindgi mai tanav se mukt hone ke liye kai log sharab aur dawaiyo ka sahara lete hai isse wo kuch samay ke liye to tanav se mukt ho jate hai kintu unke sharir mai kai sare vishele tatva aa jate hai. Unn tatvo ko sharir se dur karne ke liye amla ka ras aapke liye bahut faydemand sabit hoga. Kyuki amla liver aur bladder ko sahi tarike se kaam karne mai sahayta karta hai.
 

Acidity Se Nijat

Amle ke ras ko pratidin sevan karne se yeh aapke pet ke andar acid ke star ko niyantrit karta hai jisse aapke sharir ki pachan shamata badti hai aur acidity ki samasya hone ki sambhavana bahut kam ho jati hai.
 

Ekagrata Ko Badhaye

Amla dimagi vikas ke liye ek accha tonic hai. Iske ras ko rojana pine se yeh dimag ki yaddasht aur ekagrata ko badata hai. Isse kisi bhi umra ka vyakti pee sakta hai iske koi dush parinaam nahi hai.
 

You may also like:- Amla Powder in Hindi – Anek Bimariyo ki Ek Dawa

 

Metabolism Ko Rakhe Thik

Amla metabolism ko sudharne mai madad karta hai. Sath hi yeh motape ko kam kare mai bhi sahayak hota hai. Jitna adhik aapka metabolism majboot hoga aapke motape ko niyantrit karne mai utna hi accha hoga. Isliye yadi aap motapa ghatana chahte hai to amla aapke liye sabse acchi Home Remedy hai.
 

Dil Ki Bimari Ko Dur Kare

Amla ke ras ka rojana sevan karne se dil ki bimari dur hoti hai isko pine se hriday mai saaf rakt ka pravah hoga. Iske alawa yeh manspeshiyo ko shakti pradaan karta hai.
 

Jane Amla Ras Ke Kuch Anya Fayde

  1. Amla ka ras kabj se mukti dilane mai madad karta hai.
  2. Amla ke ras ka sevan pathri ki bimari mai bhi bahut faydemand hota hai.
  3. Amla Juice for Weight Loss bhi hai. Iske sevan se motapa ghatane mai madad milti hai.
  4. Amla ke ras mai thodi si haldi aur shahad milakar pine se madhumeh ki bimari mai labh milta hai.
  5. Yadi aapko mutra se sambandhit koi bhi bimari hai to 30 ml amle ke ras ka pratidin sevan karna accha hota hai.

 
Upar aapne jana Amla Juice Benefits in Hindi. Yadi aap bhi uprokt labh pana chahte hai to amla juice ka niyamit sevan kare.