Subscribe Whatsapp

Palak Ke Fayde in Hindi: Spinach Se Milne Wale Laabh

Palak swasth ke liye bahut hi labhkari hai. Isme iron ki prachur matra payi jati hai. Isliye hemoglobin ki kami hone par ise khane ki salah dee jati hai.

Palak apne aap mai sampurna bhojan hai. Iska prayog salad ke rup mai, sabji ke aur soup ke roop mai bhi kiya jata hai. Palak na keval sharir mai iron ki kami ko pura karta hai balki sharir ko kai prakar ke rogo se bhi dur rakhta hai. To aaiye jane Palak Ke Fayde in Hindi.

Palak mai calorie ki bahut kam matra payi jati hai jo ki sharir ki fitness ke liye bahut hi jaruri hai. Isme iron ke sath-sath kai prakar ke protein, khanij aur vitamins paye jate hai jo ki hamare swasth ke sath-sath twacha aur baalo ke liye bhi faydemand hote hai.

Palak ki pattiya, ghulansheel potassium ka sabse accha strot mani jati hai jo ki sharir mai aasani se ghul jata hai. Sath hi isme magnesium aur fiber ki bhi prachur matra payi jati hai. Iske alava palak hamare sharir ke fefado aur daanto ke liye bhi faydemand hai. Niche janiye palak ke aur bhi kai gun.
 

Palak Ke Fayde in Hindi:  Swasth Ko Hone Wale Fayde

 
Palak Ke Fayde in Hindi
 

Ucch Raktchap Ghataye

Palak mai we sabhi gun paye jate hai jo ki sharir ki nalikao ko kholane ka kam karte hai. Isliye yeh high blood pressure se pidit marijo ke liye bahut hi jaruri hota hai. Yeh dil ka doura padne se bhi rokta hai. Iske sath hi blood ke circulation ko bhi control karne mai sahayak hota hai.
 

Khun Badhaye

Sharir mai khun ki kami hone se kamjori aana, aankhe safed padna jaise lakshan dekhne ko milne lagte hai. Isliye khun ko badhane ke liye sharir mai iron(lohe ke tatva) ka hona bahut jaruri hota hai. Iron sharir ke rakt mai milkar sharir ki rog pratirodhak kshamta ko badhata hai sath hi yeh rakt mai laalpan lata hai.

Iron ki kami se sharir ke kai ango jaise honth, naak, kapol, kaan aur netra par bura prabhav padne lagta hai. Iron ki kami hone par chehre ka lalpan chala jata hai jisse chehra murjhaya sa dikhayi dene lagta hai. Iske alava aalas, durbalta, thakan aadi pareshaniya dekhne ko milne lagti hai.

Palak na keval sharir mai khun ko badhata hai balki khun ko saaf rakhne ka kam bhi karta hai. Isliye sharir mai khun ki kami hone par palak khana chahiye.
 

Daanto Ke Liye

Palak danto ko majbut banane aur pyria rog ke liye bhi bahut hi faydemand hota hai. Pyria hone par roj subah khali pet  ½ glass palak ka soup pina chahiye iske alava palak ko kaccha chabane se bhi pyria rog kuch hi dino mai dur ho jata hai.

Daanto aur masudho se khun aane par palak ke juice mai gajar ka juice milakar pine se khun aana band ho jata hai aur daant majbut bhi bante hai.
 

You May Also Like:- Goats Milk Benefits in Hindi: Bakari Ke Dudh Ke Fayde

 

Rukhi Twacha Ke Liye Faydemand

Palak mai pani ki adhik matra payi jati hai jisse yeh sharir mai pani ki kami ko bhi pura karne mai sahayak hota hai. Isliye rojana palak ka sevan karne se chehre mai chamak bani rehti hai aur twacha mulayam dikhne lagti hai. Iske sath hi isme upasthit iron twacha mai laalpan lakar chehre ki twacha ko nikharne mai sahayak hota hai.

Spinach benefits for skin mai yeh bhi bataya gaya hai ki isme antioxidant gun bhi paye jate hai jo ki dark circle ko hatane aur jhurriyo ko kam karne mai bhi sahayak hota hai.
 

Fefado Ke Liye

Health Benefits of Spinach bhi hai. Isme upasthit tatvo ki wajeh se yeh fefado ko sadne se rokta hai. Sath hi yeh aanto ke rogo aur adhik dast lagne par bhi gunkari aushadhi  mani jati hai. Yeh khansi aur fefado ki sujan ko bhi dur karne mai sahayak hota hai.
 

Anemia aur Pilia Rog Ke Ilaj Ke Liye

Palak, anemia aur pilia se grasit rogiyo ke ilaj ke liye mahatwapurn hoti hai. Anemia se grasit logo ko din mai teen bar iska 1 glass juice pina chahiye. Aur pilia rogi ko rojana palak ke ras ko papite ke sath dena chahiye. Isse pilia mai aaram milta hai.
 

Baalo Ke Liye

Spinach benefits for hair bhi hai. Darahsal isme upasthit iron na keval hemoglobin badhata hai balki yeh baalo ki growth mai bhi sahayak hota hai. Iske alava palak ke juice ke sath, gajar aur kakadi ke juice ki saman matra milakar pine se baal kale bante aur lambe bante hai.
 

Palak Ke Fayde in Hindi: Anya Fayde Inhe Bhi Padhe

  1. Palak mai vitamin A ki matra bhi payi jati hai jo ki aankho ki roshani ko badhane ke liye bahut jaruri hoti hai.
  2. Isme flavonoids ki matra payi jati hai jo ki Prostate cancer se ladne ki kshamta pradan karti hai.
  3. Isme vasa aur calorie ki kam matra payi jati hai jo ki vajan ko kam karne aur motape ko bhi badhne se rokane mai madadgar hai.
  4. Isme upasthit folic acid aur calcium garbhvati mahilao ke liye bahut jaruri hota hai.
  5. Palak mai iodine ki matra bhi hoti hai jisse yeh thyroid ko khatam karne, yaddasht badhane sath hi dimaki thakan ko dur karne mai bhi sahayak hota hai.

Aaj aapne jana Palak Ke Fayde in Hindi. Yadi aap bhi upar diye gaye pareshaniyo se pareshan hai to aaj se hi apne aahar mai palak ko shamil kare aur rahe swasth.