Subscribe Whatsapp

Salad Benefits: Jane Ise Khane Ke Sehatmand Fayde

Salad khana hamare swasth ke liye bahut faydemand hote hai. Kai gharo mai khane ke sath salad khaya jata hai. Kya aap jante hai yeh dikhane mai jitna accha dikhta hai utna hi sehat ke liye bhi faydemand hota hai.

Pet ke liye to salad bahut hi labhprad hai kyoki isse pachan kriya durust hoti hai. Ise kacchi sabjiyo se taiyar kiya jata hai. Kuch log phalo ka bhi salad ke roop mai upyog karte hai. Salad mai aap jitne rango ka istemal karte hai, sehat ke liye wo utna hi faydemand hota jata hai. Alag alag sabjiyo se bana salad se hame kai tarah ke poshak tatva milte hai.

Salad se milne wale labho ko dekhte hue chikitsak bhi ise khane ki salah dete hai. Chikitsak ki mane to Jo log salad ka sevan karte hai unhe pet se sambandhit pareshaniya nahi hoti hai. Iske sath hi salad khane se vajan bhi nahi badhta hai.

Salad banane mai bhi bahut aasan hota hai. Ise banane ke liye sabhi sabjiyo ko katkar ek plate ya bowl mai mila lijiye aur apne aahar ke sath rojana khaiye.  Lekin ek baat ka khayal rahe ki salad mai jyada mirch masala upyog nahi karna chahiye. Kyoki masale ka adhik prayoug karne se isme mojud poshak tatva kam ho jate hai. Aaiye jante hai Salad Benefits, ise khane se sharir ko hone wale faydo ke bare mai.
 

Salad Benefits: Jane Salad Ke Prakar Aur Ise Khane Ke Fayde

 
Salad Benefits in Hindi
 

Benefits of Eating Salad: Salad Khane Ke Fayde

Calorie Kam Karne Mai Sahayak:

Salad sharir se atirikt calorie ko kam karne mai madad karta hai. Yeh sharir se atirikt charbi ko kam karta hai, jisse vajan ghatta hai. Yadi aap salad mai avocado aur olive oil ka upyog karte hai to aapke sharir ko iron jaise tatvo ko avshoshit karne mai madad milti hai.

Bhook Control Karne Mai Sahayak

Jin logo ko bahut jyada khane ki aadat hoti hai. Ya fir meetha khane ka jyada man karta hai unke liye salad bahut hi faydemand hota hai. Yeh khane mai swasdisht bhi hota hai sath hi yeh bar-bar bhook lagne ki pareshani ko bhi dur karta hai. Iske alawa isse din bhar kam karne ke liye urja bhi milti hai.

Anek Rogo Se Bachaye

Salad mai antioxidants gun paye jate hai. Jisse yeh kai prakar ke rog jaise hriday rog, cancer jaisi bimariyo se ladne mai sharir ki madad karta hai. Salad mai kai prakar ke phalo ko shamil karne se yeh motape ko kam karne mai bhi sahayak hota hai. Kai shodho se pata chala hai ki jo log rojana salad ka sevan karte hai unme bimariyo se hone wali mritu dar kam dekhi gayi hai.
 

You may also like:- Coffee Benefits in Hindi: Jane Ise Pine Ke Bemisal Fayde

 
Fiber Ki Purti Kare

Salad, bhojan mai milkar sharir mai fiber ki matra ko badhane mai madad karta hai. Jisse pachan tantra durast hota hai aur kabj aur pet ki samasya dur ho jati hai. Yeh sharir ko urja paradan karta hai.

Salad Khane Ke Anya Fayde Inhe Bhi Jane

  1. Salad kai prakar ke minerals aur vitamins se bharpur hota hai jo ki sharir ke immunity system ko badhane mai sahayak hote hai.
  2. Benefits of Eating Salad kai hai. Yeh hame kai prakar ke rogo jaise twacha rog, hriday rog, pet rog aadi aur kai prakar ke sankraman se bachane mai bhi madad karta hai.
  3. Isme calcium aur Iron ki bharpur matra hoti hai jisse haddiya majbut banti hai aur khoon mai hemoglobin badhta hai.


How To Make Salad: Jane Salad Ko Banane Ki Vidhiya

Hari Sabjiyo Se Bana Salad

Green salad Vitamin B12 ka accha strot mana jata hai. Ise hari sabjiya jaise kakdi, patta gobhi, palak, mirch aadi se banaya jata hai. Salad khane se sharir mai serotonin aur dopamine jaise tatvo ki purti hoti hai. Jiske chalte thakavat aur jhunjhlahat jaisi pareshaniyo se mukti milti hai.

Har Rang Ko Kare Shamil

Aap salad mai jitni jyada alag alag prakar ki chize shamil karenge wo itna hi faydemand hoga. Iss tarah ke salad ko banane ke liye tamatar, gajar, muli, hari sabjiya, khira aadi milakar banaya jata hai.

Phalo Ka Salad

Phalo ke salad mai sabhi prakar ke phal shamil hote hai. Iss tarah ka salad kai poshak tatvo se bharpur hota hai. Yeh swasth aur sehat dono ke liye bahut accha mana jata hai.

Desert Salad

Yadi aap meetha khane ke bahut jyada shokin hai to desert salad ka aapke liye behtar vikalp hai. Isme kisi bhi sabjiyo ko shamil nahi kiya jata hai. Ise kai prakar ke mevo jaise illachi, khajur, kismish aadi se banaya jata hai.

Ankurit Anja Se Bana Salad

Ankurit anajo se bane salad mai sharir ke liye upyogi sabhi poshak tatva paye jate hai. Ise ankurit chane, daale, mung aadi se milakar banaya jata hai. Aap chahe to isme pyaj aur tamatar ka upyog swad badhane ke liye kar sakte hai.
 

Download our Health Tips in Hindi App to get easy access on Blogs