Subscribe Whatsapp

Fast Food Khane se Dimaag Par Padta Hai Yeh Prabhav

Fast Food ka swaad bhale hi aapko lajij lagta hai aur ise baar-baar khane ka mann karta ho, lekin sacchai yeh hai ki yeh dimaag ko nuksaan pahuchahta hai aur iska adhik sevan karne se sochne-samajhne ki kshamta kam ho jati hai.

Yeh baat to sabhi jante hai ki Fast Food motapa badhata hai. Lekin kya aap jante hai ki fast food dimaag ke liye bhi accha nahi hai. Ji haan naye shodh ki  mane to fast food dimaag ko nuksaan pahuchahta hai. Iske anusar tale huye khane mai paye jane wale chemicals dimaag mai gadabdi paida karte hai. Jisse vyakti ka apni bhukh par niyantran nahi rehta hai.

Oregon Health and Science University ka Shodh:

Oregon Health and Science University ke ek shodh ki research je anusar junk food khan eke baad vyaktiyo ka dimaag khaye gaye fast food ka hisab rakhne mai saksham nabi reh pata hai, jisse vyakti khate chala jata hai. Daily Mail mai chapi huyi khabar ke anusar, research team ne bataya hai ki yeh sabit ho chukka hai ki junk food aur trans fat dil aur dimaag dono ke liye kharab hota hai. Researcher ke anusar junk food se sehat sambandhit kai pareshaniya jese dil se judi samasyaye, high cholesterol, motapa aur diabetes aadi ka karan banta hai. New York aur Switzerland ke kai restaurants mai trans fat ki matra wale dishesh ko serve karne par pabandi laga di gayi hai.

You may also like:- Sharir ki Gandagi Dur Kare Popular Detox Foods

Fast Food Effect: Inn Khadya Padarth ke Sevan se Hone Wale Nuksaan

To aaiye vistaar mai jane ki fast food kese dimaag par nakaratmak prabhav dalta hai:-

Fast Food Effects

Avsad se Grast ho Sakta Hai:

Ek Spanish study ke anusar bahut Fast Food khane wale log fast food na khane wale logo kit ulna mai tanavgrast hone ki ashanka 51% se adhik hoti hai. To log jitna adhik burger aur frech fries khayege unke tanav grast hone ki sambhavna bhi utni jyada hogi. Haalaki iss sambandh mai abhi aur adhik shodh hone ki jarurat hai.

Sugar ki Lat:

Aksar log kewal itna hi sochte hai ki fast food mai calorie aur vasa uccha matra mai hote hai, lekin hum mai se kai logo ko iss baat ka ahsaas hi nahi hota hai ki kuch fast food mai sugar ki behad ucch matra hoti hai. Unn khadya padarth mai bhi jo behad poshtik lagte hai, example ke liye ek vendy garden chicken salad mai 33 gm tatha MacDonald Asia salad mai 22 gm sugar hota hai. Iske karan motape, madhumeha se lekar heart jese kai rog ho sakte hai.

Dimaag ki Kshamta Kam Hoti Hai:

Ek shodh mai paya gaya hai ki fast food aur cold drink aadi khadya padartho ke atyadhik sevan se dimaag ki kshamta par nakaratmak prabhav padta hai. Inke adhik sevan se pratikriya dene ka samay, ekagrata, sikhne ki shakti aur memory aadi kam hoti hai. Agar ek 14 saal ke kishore ke khan-paan mai fast food ki adhik matra hai to 17 saal ki umra tak pahuchte-pahuchte uski boddhik kshamta mai kami aati hai. Brain Food ki madad se aap apne dimaag ki kshamta ko badha sakte hai.

Expert ki Salah:

Hari pattedar sabjiya aur phalo aadi ka sevan karne walo ki boddhik kshamta, fast food khane wale logo se apekshakrat jyada dekhi gayi hai. Fast food khane wale log taaze phal aur hari pattedar sabjiyo mai moujud suksham poshak tatvo se vanchit reh jate hai. Yeh suksham poshak tatva boddhik vikaas ke liye behad jaruri hote hai.

Omega 3 aur Omega 6 Fatty Acid ka Bigda Anupat:

Fast food mai moujud Omega 6 Fatty acid ka badha level humare boddhik vikaas ko nakaratmak roop se prabhavit karta hai. Science network ke mutabit sharer ki metabolic reaction tab sabse kaam karta hai jab aahar mai omega 3 aur omega 6 fatty acid ka anupat 1:1 hota hai. Lekin jab bhojan mai fast food ki adhikta hoti hai to yeh anupaat 1:20 se 1:25 tak pahuch sakta hai, jo ki aapki sehat ke liye hanikarak hota hai.

Upar aapne jane Fast Food Effect. To aaj se hi iss tarah ke khadya padarth ko apni diet se dur kare aur rakhiye apne dimaag ko tandaroost.