Subscribe Whatsapp

Lemon Water Benefits in Hindi: Nimbu Pani Pine Ke Fayde

Ham sabhi nimbu ke faydo se parichit hai. Yeh hamare sharir ke liye bahut faydemand hai. Iska ras lagane se naa keval ham chehre ki sundarta ko badha sakte hai balki iska sevan hame kai tarah ki bimariyo jaise ki vajan ka badhna, acidity aadi chizo se nijad dilata hai.

Jis tarah yeh kahawat bani hai ki rojana ek apple ka sevan karne se hame doctor ke paas nahi jana padhta hai. Usi tarah nimbu ke ras ka 2 chammach rojana lene se hamara sharir bimariyo ko dur rakhta hai.

Nimbu ke prayog ham kai tarah se kar sakte hai. Ya to ise sabut khane mai chidakar ya fir ise pani me nichod kar. Lekin khane mai nichod kar khane ke bajay yeh pani ke sath lene par jyada fayda karta hai. Vaise bhi hamare ghar mai roj roj aesa khana nahi banta hai ki ham ise us par chidkar iska rojana sevan kar sake.

Isliye ise pani mai milakar piya jaye to hi accha hai. Roj subah nimbu ke ras ko gungune pani mai milakar pine se vajan kam hota hai. Pet ko saaf karne ke liye bhi yeh sahayak hai. Jane aur bhi kai Lemon Water Benefits in Hindi.

 

Lemon Water Benefits in Hindi: Swasthya Ke Liye Faydemand Nimbu Pani

 
Lemon Water Benefits in Hindi
 

Vajan Ghatane mai Sahayak

Nimbu pani pine se aapko vajan ghatane mai madad mil sakti hai. Iske liye subah ke wakt gungune pani mai nimbu ka ras dalakar pina chahiye. Yeh pine se aapko bhukh kam lagti hai aur aap khana kam khate hai. Iske atirikt subah ke wakt liya gaya nimbu pani hamare sharir se hanikarak tatavo ko bahar nikal deta hai.

Nimbu mai viyamin c moujud hota hai jo hamare sharir ke metabolism ko badhata hai jisse vajan kam hota hai. Ise sada pina thoda muskil hai isliye aap isme kala namak mila sakte hai. Isse aapko gas ki samasya se chutakra mil jayega. Vaise to aap iss pani ko din ke kisi bhi wakt pee sakte hai, lekin Lemon Water for Weight Loss subah ke wakt pina faydemand hai.

 

Cough Ki Samasya Dur Kare

Kuch logo ko subah uthte hi gale mai cough mehsus hota hai. Unke liye bhi nimbu pani pina behad faydemand hai. Bar bar cough hone ka sambandh pachan tantra ka kamjor hona bhi hai. Roj subah subah gungune pani mai nimbu dalkar pine se cough ki samasya se nijad milti hai.

Nimbu mai moujud vitamin c hamare sharir ki rog pratirodhak shamta badhta hai jisse aksar rehne wale cough aur khasi ki samasya dur ho jati hai. Garam pani gale ko saaf karne mai madad karta hai.

 

Sharir Ki Garmi Mitaye

Garmi ke dino mai sharir ka tapman badh jata hai. Aese mai thande pani mai nimbu nichodkar aur use shakkar milakar aap sharbat bana sakte hai. Iss sharbat ko pine se sharir mai thandak mehus hoti hai. Isse sharir ko garmi se milne wali thakan bhi dur ho jati hai aur sfurti aati hai.

 

You may also like:- Benefits of Sugarcane Juice in Hindi: Ganne Ke Ras Ke Fayde 

 

Charbi Jalaye

Kuch logo ko pani kam pine ki aadat hoti hai. Jiske karan unke sharir mai vasa urja ke roop mai jalne ke bajay ektrit hona shuru ho jata hai. Aur sharir par motapa badh jata hai. Motapa se naa keval aapka sharir bedhol dikhta hai balki isse sharir ko kai bimariya bhi gher leti hai.

Darahsal sharir mai moujud vasa ka energy mai convert hona aapke sharir mai moujud pani ki matra par nirbhar karta hai. Aap jitana jyada pani pite hai utni hi charbi aap apne sharir se jala pate hai. To yadi aap gungune pani wala nimbu pani nahi bhi pasand karte hai to nimbu pani ka meetha sharbat bhi pee sakte hai.

 

Sharir Se Vishele Padhart Hataye

Suabah Ke wakt khali pet nimbu pani pine se sharir ke andar ki gandagi aur vishele padharth bahar nikal jate hai. Iske atiritk yadi aapko kabj ki samasya hai to garam pani mai nimbu aur shahad dalkar piye.

 

P.H. Level Santuliut kare

Nimbu pani ka sevan hamare sharir mai kshariya aur amliya tatvo ko santulit rakhne mai madadgar hai. Darahsal jab sharir mai amla ki matra bahut adhik ho jati hai to iske karan kai tarah ki bimariya hone lagti hai. Vaise to bimariyo ke karan kuch aur bhi ho sakte hai. Lekin karan kuch bhi ho apne sharir ko bimariyo se bachne ke liye repair kare aur majbuti de. Iske liye kshariya chizo ka sevan jaruri hai aur nimbu pani kshariya padhartho mai se ek hai.

 

Pachan Tantra Thik Kare

Jaisa ki ham sabhi jante hai ki sharir ko swasth rehne ke liye aapke pachan tantra ka theek hona jaruri hai. Agar aapki pachan kriya bekar hai to yeh sharir mai kai samasyao ko janm deti hai jaise diarrhea, khane ka na pachana aadi. Nimbu pani ka niyamit sevan aapke sharir ki pachan kriya ko samanya rakhne mai madad karta hai. Darahsal yeh anaavyashak tatvo ko bahar nikalta hai aur pitta ke nirman mai madad karta hai.

 

Thand aur Sankraman se Lade

Thand ke dino mai gungune pani mai nimbu pani pine ke bhi kai fayde hai. Isme bharpur matra mai Vitamin C hota hai jo hamare sharir ko thand aur sankraman se ladne mai madad karta hai.

Darahsal khatte pey padhartho mai potassium ki bhi matra jyada hoti hai. Jo ki aapke dimag aur tantrikao ke karya ko behtar karti hai. Yeh pottasium laal koshikao ka nirman karta hai sath hi ucch raktchaap ko niyantrit karne mai bhi sahayak hai. Iska kam sharir se free radicals ko kam karna bhi hota hai.

 

You may also like:- Jaljeera Benefits in Hindi: Garmi Ke Mousam Mai Jarur Piye

 

Nimbu Pani ko Shahad Ke Sath lene Ke Fayde:-

 

Drinking Lemon Water in Hindi

Nimbu pani ko shahad ke sath lene ke bhi kai fayde hai. Aaiye jane hai wo kya hai.

 

Kidni Stone

Aajkal kidni mai stone hone ki samasya bahut hi aam hoi gyi hai. Kidni mai hone wala stone kuch aur nahi balki jama hua calcium hota hai. Lekin yadi nimbu pani mai shahad ka sevan ise jamne se rokta hai.

 

Twacha Rogo mai Fayda

Jo log gungune pani mai nimbu aur shahad milakar pite hai. Unse naa keval unka pet saaf rehta hai balki khoon bhi saaf hota hai. Khoon ke saaf hone se twacha mai nikhar aata hai. Nimbu mai moujud vitamin c se chehre par chamak aati hai.

Pani ke sevan se twacha mai nami aati hai. Wahi shahad chehre ki elasticity badhane mai madad karta hai. Shahad mai moujud jivanrodhi guno ke karan niyamit yeh mishran pine walo mai twacha ke rog dur hote hai.

 

Kabj mai Rahat

Aajkal ki busy lifestyle mai logo ko aniyamit khanpan ke karan kabj hona aam hai. Aese mai kabj ki samasya se chutkara dialne ke liye Drinking Lemon Water sabse sasta aur uttam illj hai. Iss samasya se rahat pane ke liye subah ke samay gungune pani mai nimbu aur shahad milakar piye. Isse pet mai sust padi aantadiya fir se karya karna shuru kar deti hai.

Iss mishran se pani ka stravan theek se hota hai. Jisse sukhe mal aasani se bahar nikal jate hai. Aur pachan theek hone se kabj ki samasya theek ho jati hai.

 

Muh Ki Durgandh Se Nijad

Gungune pani mai nimbu aur shahad milkar pratidin subah ke wakt pine se muh se aane wali durgandh se chutkara milta hai. Nimbu aur shahad muh ki safai karne mai madadgar hai. Isko pine se jeebh ki safed parat bhi nikal jati hai aur muh se aane walo durgandh se chutkara milta hai.

 

Behatarin Energy Drink

Aapne aksar dekha hoga jab ham kamjori mehsus karte hai aur uske baad meetha khale to sharir ko urja mil jati hai. Usi trah shahad ko lene se bhi turant urja milti hai. Nimbu ka swad aur sugandh se nav chetnya prapt hota hai. Uthne ke baad subah khali pet ise pine se din ki shurwat urjawan hoti hai aur ham din bhar urja se bharpur mehsus karte hai. Yeh ek healthy energy drink se kam nahi hai.

 

Gale Ki Kharash

Kya aapko gale ki kharash ki samasya hai to aapko nimbu aur shahad ka sevan karna chahiye. Shahad mai antibacterial tatva paye jate hai. Jo backteria aur jerms ko saaf karta hai. Sath hi garam pani bhi gale mai se cough ko ekdam saaf kar deta hai.

 

Murta path Saaf Kare

Shahad mai moujud antibacterial gun aapke sharir ko infection se ladne mai madad karta hai. Jab shahad ko nimbu aur pani ke sath milaya jata hai to yeh pey mutra path ko saaf karne mai madad karta hai.

 

Upar aapne jana Lemon Water Benefits in Hindi. Nimbu pani hamare sehat ke liye behad hi faydemand hai. Vaise bhi garmi ke din shuru ho chuke hai to aese mai bahar milne wale cold drinks ke bajay jo ki sharir ko nuksan pahuchate hai, nimbu pani ke sharbat ko piya kare. Iske atrikt jab thandi ke din ho aur aapko kuch garam garam pine ka man karta hai to gungune pani mai nimbu aur shahad dalkar piye.