Subscribe Whatsapp

Labour Pain in Hindi: Prasav Pida Se Sambandhit Jankari

Maa banna har mahila ke liye ek alag hi anubhav hota hai. Ek bacche ko janm dene ke anubhav ke liye maa pure 9 mahine intejar karti hai. Bacche ke aane ki khusi se naa keval maa balki pura parivar khusi ke mahol me dub jata hai. Aur aesa ho bhi kyu naa. Koun nahi chahta ki uske ghar mai koi nanhe nahhe kadam lekar aaye.

Garbahvati mahila iss kimati pal ka intejar badi khusi ke sath karti hai. Lekin jab yeh samay najdeek aa jata hai to wo thode tanav mai chali jati hai. Iske piche ka sabse mukhya karan kuch aur nahi balki prasav pida se hone wala dard hai. Yeh ek aesa dard hai jisse har maa ko gujarna padhta hai.

Yeh dard behad hi asahniya hota hai. Lekin yeh dard iss baat ka sanket de deta hai ki maa kisi bhi samay bacche ko janam de sakti hai. Yadi mahila ki normal delivery hai to use iss dard se gujarna hi padega. Lekin kuch tariko ko apnakar iss prasav pida ke dard ko kam jarur kiya ja sakta hai.

Aaiye jane Labour Pain in Hindi. Yaha di gayi jankari ko jankar aap apni prasav pida ko kaafi had tak kam kar sakti hai.

 

Labour Pain in Hindi: Prasav Pida Ke inn Tathyo Ko Jane

 
Labour Pain in Hindi
 

Garbhavastha ke doran labor pain sabse aakhri aur antim charan hota hai. Iske baad hi maa ek bacche ko janm de pati hai. Iss douran mahila ko kaafi dard se gujarna padhta hai. Isse bachne ke liye chikitsak garbhavati mahila ko accupressur, massage, therepies aadi chize consult karte hai. Inn sabhi tariko se naa keval delivery ki prasav pida kam ho jati hai balki wo ek swasth bacche ko bhi janam deti hai.

Aaiye jane prasav pida se judi kuch jaruri bate. Labour pain mai mahila ko hamesha himmat dilane ki jarurat hoti hai, isliye unhe iss douran tanav nahi dena chahiye. Kuch aesi baate hai jise prasav ke douran dhyan mai rakhi jati hai lekin kuch chizo ko garbhavastha ke wakt se dhyan mai rakhna hota hai.

 

Garbhavastha Ke Douran Yeh Kare:-

Yog Ka Abhyas

Garbhavastha ke douran yog karna bhi prasab pida ko kam karta hai. Yeh hamari sharir ko majboot banata hai jisse hamara sharir dard ko sahne ke liye taiyar ho jata hai. Yoga for Pregnant Women jaruri hai.

Parvatasana: Kuch mahila ko aesa vyayam karna hota hai jo naa keval unhe prasav ke dard se nijad dilaye balki unke sharir ko baad mai bedhol hone se bhi bachaye. Parvatasana karne se sharir aage chalkar bedhol nahi hota hai. Iske atirikt unhe kamar dard bhi kam hota hai.

Anulom Vilom: Yeh Saas ka vyayam hai. Isse mansik tanav dur hota hai. Bahut si mahilaye prasav dard ke bare mai sochkar tanav mai aa jati hai. Unke liye yeh ek behtarin vyayam hai. Isse rakt ka sanchar badhta hai aur raktchaap bhi niyantrit rehta hai.

Titali Aasan: Tiatali aasan ko butterfly bhi kaha jata hai. Yeh best pregnancy yoga hai. Iss aasan ke abhyas se sharir ke nichle hisse ka tanav khulta hai aur sharir ka lachilapab badh jata hai. Jisse garbhavati mahila ko dard kam hota hai. Yadi aap prajnan ke douran ki dikkat ko kam karna chahti hai to titali aasan ko garbhavastha ke tisre mahine se shuru kar de.

 

You may also like:- Twin Pregnancy Symptoms in Hindi: Garbh Mai Judva Bacche

 

Acupuncture Ko Apnaye

Aapke sharir mai sui chubne ki kalpana ka sochkar hi aapko dar lagta hoga. Lekin aapko batade ki yeh aapki prasav pida ko prerit karne ke liye bahut prabhavi hai. Prasav pida ka dard kam karne aur prasav sahajta se pura karne ke liye acupuncture ka istemal kiya ja sakta hai. Aur yadi aapko sui chabhane ki prakriya ko pasand nahi karte hai to accupressure ko apnaye.

 

Strenthing Vyayam

Har garbhavati mahilao ke muh se aapne yeh suna hoga ki unhe kamar dard bahut hota hai. Darahsal garbhavastha ke douran kamar par sabse jyada dabav rehta hai. Isliye hi pre-pregnancy mai mahilao mai kamar dard ki samasyae aam hai. Isliye garbhavastha ko aasan banane ke liye strenthing vyayam karna labhprad hai.

Ise karne ke liye sabse pehle to sidhe khade rahe. Fir apne dono hatho ko upar kare. Fir apne sar ko niche ki aur jhukhaye aur kamar ko upar ki taraf strech kare. Kuch seconds isi mudra mai rahe, fir samanya avastha mai aa jaye. Iss prakriya ko shuruwat mai 2-3 baar kare. Fir dhire dhire 10 tak karne ki aadat dale.

 

Prasav(Delivery) Ke Samay:-

 
Labour Pain Information in Hindi
 

Mahila Ka Sathi Pas Rahe

Aesa kaha jata hai ki prasav pida ke douran yadi mahila ka sathi uske sath rahe aur pida sahne ke douran use chumta rahe to isse mahila ko dard sahne ki takat aur himmat milti hai.

 

Halka Belly Dance

Aapko yeh sunkar thoda aascharyajanak jarur lag raha hoga lekin Briten mai pregnant mahila lebour pain ko sah sakne ke liye pehle se hi body ko shashakt banane ke liye lagi rehti thi. Aur iske liye waha mahilaye light belly dance karti hai.

 

Gharelu Tarika

  1. Bathua ke 10 gram beej ko 500 gram pani mai dalkar acchi tarah ubale. Jab pani aadha reh jaye to utar ke chaan le aur prasuta ko pilaye. Isse prasav pida mai aaram milta hai aur baccha aasani se ho jata hai. Baby Delivery Pain ke liye bhi yeh accha hai.
  2. Iske atirikt amaltas ke chhilko ke 5 gram chhurn ko 200 gram pani mai acchi tarah autakar use chhan le. Fir shakkar milakar garbhavati stri ko pila de. Isse prasav pida mai aaram milta hai.

Iske atrikt prasav pida ko kam karne ke aur bhi kai tarike hai. Har jagah alag alag tarike apnaye jate hai jaise America mai labor pain ke douran peeth ki pida ko kam karne ke liye tennis ball ko mahila ke piche rakha jata hai. Aur kabhi kabhi use moov bhi kiya jata hai.

Iske alawa garbhavati mahilao ko kuch aesi baat kahi jati hai jo uske dimag mai bura asar dalti hai un bato ko kehne se bache.

  • Tumhari garbhashya greeva abhi nahi khuli hai iss baat ko sidhe sunne par garbhavati tanav mai aa jati hai. Isliye iss baat ko aaram se samjhaye.
  • Yadi garbhavati chhikti chillati hai to use yeh kehne ke bajay ki apni energy active phase ke liye bachakar rakhe, use himmat dene ki kosish kare.

 

You may also like:- Pregnancy Workout Plans: Garbhavati Mahilao Ke Liye

 

Prasav Pida Uteejit Karne Ke Tarike, Inhe Bhi Jane:-

Ananas Ka Sevan

Ananas bhi prasav pida ko uttejit karne mai sahayak hai. Kyoki isme bromelain namak enzym hota hai jo garbhashay ko naram karta hai. Yadi kisi garbhavati mahila ke 40 mahine pure ho chuke hai to wo ananas ka sevan karke khud ki madad kar sakti hai. Parantu iska simit matra mai hi sevan kare nahi to isse aapka pet bhi kharab ho sakta hai.

 

Walking Kare

Suabh Sham Chalna har garbhvati ke liye faydemand hota hai. Darahsal chalne se prakratik roop se prasav pida prarambh hone ki sambhavana hoti hai. Kyoki yeh stithi bahut sahi hoti hai tatha iske karan aapke bacche ko garbhshay ki greeva ki aur aane mai madad milti hai.

 

Arandi Ka Tel

Arandi ka tel prasav pida ko uttejit karne mai bahut prabhavi hota hai. Lekin ise lene se pehle aap apne chikitsak ki salah jarur le. Apne doctor se salah lene ke baad iski kuch matra santre ke ras mai mila le. Arandi ke tel ki chiknai pet ko uttejit karti hai jiske karan mal patla hone lag jata hai.

Isse garbhashay mai sankuchan hona shuru ho jata hai. Iske karan kuch logo ko matli bhi aa jati hai. Jis wajah se yeh tarika unke liye faydemand nahi hota. Matli aane ka yeh matlab bikul nahi hai ki isse aapko aur aapke bacche ko koi nuksan hai. Iska bus itna sa hi matlab hai aapka pet kharab ho gaya hai.

 

Gungune Pani Se Snan Kare

Garam pani mai nahane se bhi aapki prasav pida prarambh ho jati hai. Lekin ek baat ka khayal rakhe ki pani bahut jyada garam naa ho nahi to isse aapke bacche ko tanav bhi ho sakta hai. Kyoki aapke sharir ka tapman andar se adhik hi hota hai. Nahane ke pani mai aap levendar tel ki ek do bund bhi mila sakte hai. Isse aapko aaram bhi milega aur aapka mood bhi accha hoga.

 

Lehsun Ka Sevan 

Prasav pida ko uttejit karne mai lehsun bhi madadgar hota hai. Yeh aapke mal nishkasan ko uttejit karta hai jisse aapka mal patla ho jata hai. Parinamswarup aapka garbhashay uttejit ho jata hai aur usme sankuchan shuru ho jata hai. Iske alawa isse aapke bacche ko niche ki aur aane mai sahayata bhi milti hai.

 

Upar aapne jana Labour Pain in Hindi. Yadi aap garbhavati hai to upar di gayi jankari ko acche se samjhe jane aur bich bich mai chikitsak se jaanch bhi karwate rahe.