Subscribe Whatsapp

Gulkand Benefits in Hindi: Pet Dard, Susti aur Thakan Mitaye

Aap sabhi ne kabhi na kabhi gulkand to jarur khaya hoga. Iska swad sabhi ko pasand aata hai. lekin kya aap jante hai ki yahi gulkand aapko swasth ke bhi kai fayde deta hai.

Isliye hi iska upyog ayurvedic dawao mai kiya jata hai. Sath hi iska istemal kai bhartiya vyanjano mai bhi kiya jata hai.

Gulkand ko gulab ki pattiyo aur shakkar ki madad se banaya jata hai. Yeh aapke sharir ko thandak pradan karta hai, isliye yeh garmi se sambandhit kai samasyae jaise thakan, susti, khujali aadi. Jin bhi logo ko hatheli aur pairo mai jalan ki samasya hai wo bhi ise khakar apni samasya ko dur kar sakte hai.

Gulkand aapke swasthya se lekar aapke sondarya tak ki samasya dur karta hai. To aaiye kyu na aaj ke lekh mai ham vistar se iske faydo ke bare mai jaan le. Aaiye jante hai Gulkand Benefits in Hindi.
 

Gulkand Benefits in Hindi – Kai Samasyao Se Nijat Dilaye

 
Gulkand Benefits in Hindi
 

Dehydration Se Bachaye

  • Vaise ko aap gulkand ko har mousam mai kha sakte hai. Lekin ise khaskar garmi ke dino mai khaya jata hai. Kyoki gulkand gulab se banta hai, jisse aapke sharir ko thandak milti hai.
  • Jin bhi logo ko garmi ke dino mai pet dard aur pet mai jalan jaisi samasya hoti hai unhe gulkand jarur khana chahiye. Yeh pet mai thandak pahuchata hai.
  • Yeh dehydration ki samasya se bhi rahat dilata hai, tatha aapko tarotaja rakhta hai.

 

Garbhavastha mai Faydemand

  • Garbhavati mahila bhi gulkand ka sevan kar sakti hai. Kyoki ayurveda ke anusar ise garbhavastha mai lena safe hai.
  • Garbhavastha ke douran kabj ki pareshani se nijat dilane ke liye ise garbhavati ko diya jata hai.
  • Darahsal yeh mal ko patla kar deti hai aur isme moujud sharkara aanto mai pani le jati hai. Jiske chalte kabj ki samasya se chutkara milta hai.

 

Twacha Ko Accha Banaye

  • Yadi aap pani kam pite hai aur iss wajah se aapki twacha bejan ho rahi hai to roj gulkand khana shuru kar de. Isse twacha hydrate hoti hai aur wo bejan nahi dikhti.
  • Isme moujud antibacterial guno ke chalte isse muhaso jaisi samasyao se bhi chutkara paya ja sakta hai.
  • Yeh rakt ko saaf karta hai, jisse aapki rangat sudharti hai aur twacha ki kai samasyao mai fayda milta hai. Gulkand for Fair Skin wakai kaam karta hai.

 

Gas Ki Samasya

  • Aaj ke wakt mai kai log pet mai gas ki samasya se pareshan hai. Bahut se log aese hai jo khali pet anti acid drugs lete hai.
  • Gas ke karan logo ko kai samasyao ka samna karna padhta hai jaise gale mai jalan, apachan, pet mai marod, muh aur gale mai chhale aadi.
  • Yadi aap niyamit tour par Rose Gulkand khana shuru kar de to inn sabhi samasyao se aapko nijat mil jayegi.
  • Aap ise roj raat ke samay kha sakte hai. Ayurvedic physicians ki baat kare to yadi aapko gas aur chalo ki samasya hai to wo aapko bhojan ke bich mai gulkand khane ki salah dete hai.
  • Garmi ke dino mai baccho ko naam se khun nikalne ki samasya hoti hai. Ise theek karne ke liye unhe gulkand ka sevan karwana chahiye.

 

Gulkand Uses: Itna Sevan Kar Sakte Hai Aap


Umra Matra
Shishu 500 mg
Bacche 2-3 gram
Vayask 5-10 gram
Garbhavati 2-5 gram
Budhe Vyakti 5 gram

Anya Fayde Inhe Bhi Janiye

  1. Gulkand aankho ki roshni badhane mai bhi sahayak hai. Sath hi yeh conjunctivitis ke liye bhi acchi dawa hai. Yeh aankho mai jalan ki samasya ko dur karta hai.
  2. Yeh aurto mai purane sankraman, yoni ke sankraman aadi ke karan hone wale pile strav ko bhi kam karne mai madad karta hai.
  3. Yeh aapke mansik tanav ko kam karta hai, tatha aapke man ko shanti pahuchata hai.
  4. Yeh antibiotic aur painkiller se hone wale side effects ko bhi dur karta hai. Ya fir kisi strong dawa ke sevan ke karan aapko jalan ya fir chhalo ki samasya ho rahi hai to yeh use bhi dur karta hai.
  5. Yadi aap uccha raktchaap ke marij hai to aapko rojana 20 gram tak gulkand khana chahiye. Isse aapko kabj ki dikkat nahi rahegi.

 
Upar aapne jana Gulkand Benefits in Hindi. Aap bhi gulkand ka sevan karke iska fayda pa sakte hai. Lekin yadi aap madhumeh ke marij hai to aapko ise nahi leni chahiye, kyoki isme shakkar bhi rehti hai. Aur yadi fir bhi aap ise lena chahte hai to bajar se milne wale gulkand ka sevan na kare. Ghar par hi ise banaye wo bhi bahut kam shakkar se.

Related Post