Subscribe Whatsapp

Halitosis in Hindi – Gharelu Mouthwash Se Durgand Dur Kare

Har vyakti apni personality ko nikharne ke liye aur dusro se alag dikhne ke liye  kuch na kuch different karte rahte hai. Aap kitne hi mahange aur acche kapde pahan le aur makeup bhi bahut accha ho lekin muh se aane wali badbu aapki acchi-khasi image ko chand minute mai kharab kar sakti hai.

Yah ek aisi samasya hai jo samanya roop se kai logo mai payi jati hai. Agar aapke muh se badbu aa rahi hai to koi bhi vyakti aapke baithna pasand nahi karta hai aur na hi koi aapse baat karta hai aur log aapse dur bhagne bhi lagte hai. Iss wajah se bahut baar aapko sharminda bhi hona padta hai.

Sanso yam uh se aane wali badbu ko Halitsios bhi kaha jata hai. Muh ki badbu ki wajah se kai baar logo ka atmvishvas bhi dhire-dhire kam hone lagta hai aur wah apne aap ko anya logo se alag manane lagte hai. Aaj hum aapko issi Vishay mai mahatvpurn jankariya dene wale hai. Aaiye jante hai Halitosis in Hindi.

 

Halitosis in Hindi: Janiye Iske Karan aur Upchar Ke Tarike

 

Halitosis in Hindi
 

Muh se aane wali badbu aur sanso ki durgand aksar muh mai mojud bacteria se hoti hai. Iss bacteria se nikalne wale sulfur compound ki wajah se sans ki badbu paida hoti hai. Kai baar log iss samasya se anjan rahte hai. Iss badbu ke kai karan ho sakte hai.

 

You May Also Like:-  Teeth Whitening Home Remedies: Danto Ka Pilapan Dur Kare

 

Causes of Bad Breath: Jane Iske Karan

Muh ki durgand ke pramukh karano mai se ek karan hai pachan kriya thik na hona. Jab aanto mai chipka khana sadne lagta hai to yah badbu ka karan ban jata hai. Kabj bhi iska ek karan ho sakti hai. Iske alawa shushk muh, adhik dhumrapan karna, masude ke rog, sinus, Pieria aadi danto ki bimario ke chalet bhi muh se badbu aane lagti hai. Yah sabhi Causes of Bad Breath ho sakte hai.

 

How to Cure Bad Breath: Jane Upchar ke Samanya Tarike

Muh ke acche swasthya ko banaye rakhne ke liye, muh ki gandgi ko saaf aur niyantrit karna bahut hi avashyak hai. Yaha hum aapko visheshagyo dwara bataye gaye upchar bata rahe hai, jinki madad se iss samasya se chutkara paya ja sakta hai aur muh ko swasth rakha ja sakta hai. Aaiye jante hai How to Cure Bad Breath

Aahar visheshagya aur vajan prabandhak visheshagyo ne sanso ko tajgi se purn rakhne ke liye kuch aasan tarike bataye hai.

 

Pani

Pani sanso ko taja banaye rakhne ke liye sabse avashyak hai. Khana khane ke baad, aapko muh ko acchi tarah se saaf karna chahiye. Iske liye aap muh mai thoda sa pani lekar garara ya halka-halka kulla kar sakte hai. Yah aapke danto mai atka bhojan bahar nikal deta hai. Sharir mai pani ka sttar santulit rakhkar bhi sanso ki tajgi ko banaye rakha ja sakta hai, kyoki jab humare sharir mai jal ka sttar kam ho jata hai to muh mai lar banana kam ho jati hai. Lar banane se muh mai panapne wale jivanu saaf hote rahte hai. Jisse sanso ki badbu nahi aati hai.

 

Vitamin C

Visheshagyo ke anusar, santra ya nimbu prajati ke anya mithe phal aur sabhi khatte ras wale phalo mai Vitamin C bharpur matra mai payi jati hai tatha yah phal sanso ki badbu dur karne mai bhi sahayak hote hai. Vitamin C ko jivanuyo se ladne wale padarth ke roop mai bhi jana jata hai.

Iske alawa amrud ki komal pattiyo ko chabane se aur anar ke chilke ko pani mai ubal kar uss pani se kulla karne se bhi muh se aane wali badbu ko dur kiya ja sakta hai.

 

Seb

Jab bhi hum seb yani apple ko kaatkar khate hai, to humare muh mai lar teji se banti hai. Isse muh ki ek tarah se safai ho jati hai aur sare jivanu bhi bahar nikal jate hai hai. Iske baad humari sanso aur muh mai badbu paida nahi hoti hai.

 

Dalchini ki Chai

Humari rasai mai se ek samanya masala hai dalchini jo aasani se sabhi gharo mai mil jata hai. Yah sirf ek masala nahi hai balki anek prakar se humare sharir ke liye labhkari hota hai. Agar aap muh ki durgandh se pareshan hai to, khade masalo mai shumar dalchini ki chai pine se muh se aane wali badbu se chutkara paya ja sakta hai.

 

Mouthwash in hindi

 

Homemade Mouthwash in Hindi: Janiye Inhe Banane ki Vidhi

Danto ko swasth majbut aur muh ki durgand ko dur karne ke liye hum aapko kuch gharelu nuskhe bata rahe hai. Aaiye jante hai Homemade Mouthwash banana ki vidhi –

 

Baking Soda Mouthwash

Ise banane ke liye 2 chammach baking soda aur 2-2 bund T-Tree oil aur peppermint oil ko mila le aur usme thoda sa garm pani dalkar acche se apas mai mila lijiye. Iss mishran se din mai 2 se 3 baar kulla karne se, behtrain parinaam aapko dikhenge aur muh ki durgandh bilukil gayab ho jayegi.

Iss mouthwash ke istemal se aapke dant saaf aur chamakdar ho jate hai. Sath hi isme peppermint hone se yah muh ko fresh banaye rakhta hai. Baking Soda for Teeth ke liye bahut hi faydemand hota hai.

 

You May Also Like:-  Janiye Kuch Lajawaab Benefits of Baking Soda in Hindi

 

Dalchini Mouthwash

Humare dusre homemade mouthwash ko banane ke liye hum long, dalchini aur pani ka upyog karenge. Iske liye hum ek cup mai thoda garm pani lenge aur usme long aur dalchini ka tel mila lenge. Iss mishran se niyamit roop se pratidin kulla karenge. Agar aap chahe to adhik matra mai ise banakar bhi frieze mai rakh sakte hai. Taki aapko ise roj-roj na banana pade.

Iss mishran se kulla karne se muh ki badbu to dur hoti hai hi sath hi tajgi bhi bani rahti hai. Iss mouthwash mai anti-bacterial gun hote hai, jo danto ko kitanuo se bachate hai.

 

Seb ke Sirke Ka Mouthwash

Jaisa ki humne aapko upper bhi bataya ki seb muh ki durgandh dur karne mai kafi madadgar sabit hota hai. Aap iska mouthwash banakar bhi istemal kar sakte hai.

Iske liye aapko seb ka sirka aur pani ki jarurat hogi. Ise banane ke liye aap 3 chammach seb ka sirka le aur usme thoda sa pani mila le aur ise acche se milakar, iss mishran se pratidin din mai 3 baar kulla kare.

Iss mishran se kulla karne se danto mai kitanu nahi lagte hai aur dant chamakdar bana rahte hai tatha unki majbuti bani rahti hai.

 

Glycerin Mouthwash

Iske liye 2 chammach glycerin mai kuch bunde nimbu ke ras ki mila de. Ab ise acchi tarah milakar iss mishran se din mai 2 se 3 baar kulla karne se muh ki durgandh ko dur karne mai kafi labh milta hai.

Nimbu mai adhik matra mai amelia gun hote hai, jo danto ko safed banaye rakhte hai aur unpar gandgi jama nahi hone dete hai. Wahi glycerin se danto mai sankraman nahi hota hai aur masude majbut bane rahte hai.

 

Peppermint aur Aloe Vera Mouthwash

Ise banane mai baking soda, peppermint aur aloe vera ka upyog kiya jata hai. Iske liye hum 2 chammach baking soda mai peppermint ka tel lekar aloe vera juice mai acchi tarah se mila dete hai. Iss mishran mai thoda garm pani dalte hai aur ise acche se mila lete hai. Ab iss mishran mai thoda garm pani dale aur inhe mila le. Iss mishran se pratidin kulla karna chahiye.

Iss mishran ke upyog se hanikarak micro base ka ant ho jata hai aur muh ki gandgi bhi saaf ho jati hai. Isme anti-inflammatory gun hote hai, jo masudo ko mulayam aur swasth banaye rakhte hai.

 

Neem Juice Mouthwash

Neem ki pattiya ho ya iska ras dono hi humare sharir ke liye bahut hi labhkari hote hai. Iss mouthwash mai hum iska upyog karenge.

Iske liye hum neem ki pattiyo ka acchi tarah piskar, isma 2 chammach neem ka ras mila lenge aur peppermint oil mila lenge. Iss mishran se niyamit din mai 2 se 3 baar kulla karenge. Yah pure din aapke muh ko taja banaye rakhenge.

Neem to sadiyo se hi danto ke liye faydemand mana jata raha hai. Humare purvaj iski komal tahniyo se daant saaf kiya karte the. Isme anti-bacterial aur anti-septic dono gun hote hai. Danto ke sankraman ko yah mouthwash dur karta hai.

Aaj aapne jana Halitosis in Hindi, yani muh se aane wali durgand ko dur karne ke aasan aur gharelu tarike. Yaha humne aapko isse bachne ke liye kuch mouthwash bhi bataye hai, jinhe aap bahut hi aasani se ghar par bana kar iss samasya se bach sakte hai. Waise to yah ek samanya samasya hai lekin kabhi-kabhi yah kisi rog ke wajah se bhi ho sakti hai. Phle aap inn nuskho ka prayog kare agar kuch fark na lage to bina deri kiye chikitsak se paramarsha lewe, kyoki ho sakta hai yah kisi rog ki wajah se ho raha ho.