Subscribe Whatsapp

Health Benefits of Green Beans: Acchi Sehat aur Vikas Ke Liye

Green beans yane ki hari sem ek behad lokpriya sabji hai jise aap aksar dinner table par dekh sakte hain. Chahe ise chhote se makkhan ke sath parosa jaye ya fir pulav mai mukhya ghatak ke roop me milaya jaye, yeh bahut hi swadisth hoti hai aur sehat ke liye behad faydemand bhi hai.

Green Beans ek aisi sabji hai jo vyapak roop se uplabdh hai aur aamtour par sasti bhi hai. To rozaana ise apne aahar mai lene mai koi duvidha nahi hai. Kaachi har beans bahut se prakar ke mahatvpurn poshak tatva jaise fiber se lekar mineral fluoride pradaan karti hai. Bhojan mai kacche green beans khana aasaan ho sakta hai, kyunki ise pakane me jyada samay kharch nahi hota hai. Ise sifr dhokar bhi kha sakte hain. Aaiye jane Health Benefits of Green Beans.
 

Health Benefits of Green Beans: Hari Sem Ke Fayde

 
Health-Benefits-of-Green Beans
 

Green Beans Ke Prakar:-

Green Beans mukhya roop se 2- prakar ki hoti hai

  1. Pole: Is tarah ki beans ko viksit hone ke liye pole ya salakhon ki jarurat hoti hai. Yeh kayi tarah ki payi jati hai.
  2. Bush: Is tarah ke beans mitti ke najdik viksit hoti hai. Yeh bhi kayi tarah ki payi jati hai.

 

Kis Tarah Iska Sevan Hai Fadyemand

Bhojan ke roop me pakayi hui green beans khane ke bajay agar kacchi green beans khayi jaye, to ye poorn green beans nutrition deta hai. Ise lambe samay tak pakane par ise poshak tatvon ki matra kam ho sakti hai, jabki paani me ubaalne se iske paani me ghulansheel vitamin, jaisi ki- Vitamin C kam ho sakte hai.
 

You may also like:- Fenugreek Benefits in Hindi: Methi Ke Swasthvardhak Gun

 

Janiye Hari Sem ke Fayde

Sehatmand Dil

Vastav mai green beans ek aesi sabji he jo dil ke anukool hai. Yeh na keval, fiber ko kam karne ke liye cholesterol ke bahut accha strot hai, balki yeh anti-oxidant vitamins A aur C bhi pradaan karti hai, jo cholesterol ke oxikaran (dhamani aur hriday rog) se bachne mai madad karte hai. Sath hi yeh potassium aur magnesium ke acche strot hain jo rakt chaap ke star ko niyantran karne ke liye aavshyak hai.
 

Majboot Haddiyon Ka Nirmaan

Bhale hi green beans mai calcium ki bahut hi kam matra hoti hai, parantu iska ahaar karne se din ki vitamin- K ΒΌ jarurat poori ho jati hai, jo ki haddiyon ko shaktishaali aur santulit karne mai aavshyak hota hai. Research se pata chalta hai ki Vitamin-K se bharpoor bhojan asaani se haddi ki shakti ko viksit karta hai aur apriya haddi ke fracture se bhi bachata hai. Green beans magnesium ka bhi achha strot hai jo ki haddiyo ke swaasth ke liye sharir mai hone wali kayi pratikriyaon mai bhaag leta hai.

Ek vishesh roop se kiye gaye sodh se pata chala hai ki magnesium ke har 100 milligram khapat se haddi ke ghanatv mai 1% ki vraddhi hui hai. Yeh ek bahut hi achha karan hai green beans ko adhik matra mai grahan karne ke liye.
 

Fiber Se Bharpur

Kisi bhi tarah ki green beans mai calorie ki matra kam hoti hai. Par aapki sehat ke liye jaruri protein, calcium aur iron aadi moujud hote hai. 45 Calories ke liye aap ek cup green beans ka aanand le sakte hai. Iske alawa, fiber ke liye bhi green beans bahut faydemand hai, jo ki swasthya ke liye bhi achha hai.
 

Madhumeh Ke Rogiyo Ke Liye

Hari Sem aamtour par fiber se yukt hoti hai aur iska glycemic index bhi kam hota hai. Yeh rakta sharkra ke badalte star ko rokne me madad karta hai, joki madhumeh rogiyon ke sath sath gair-madhumeh rogiyo ke liye bhi achha hai.
 

Colon Health

Green Beans mai paye jaane wale fiber pet ke swasthya ko behtar rakhte hai, kyoki isme cancer paida karne wale vishakt toxins mai shamil hone ka gun hota hai, joki aise toxins ko aanto ki koshikaaon ko nasht karne se pahle hi sharir se bahar kar dete hain.Yeh ek faydemand cancer fighting foods mai se ek hai.
 

Anti-inflammatory

Green beans mai anti-inflammatory ghatak hote hain, joki inflammatory bimaari jaise ki- gathiya aur asthma se bachaate hai.
 

You may also like:- Parwal in Hindi: Jane Pointed Gourd Khane Ke Swasth Laabh

 

Garbhavati Mahilao Ke Liye

Kayi tarah ke rogon se bachane ke alawa green beans pregnant women ke liye bhi labhdayak hai. Green beans jinme folic acid hota hai, aesi beans garbhavati mahilao ke liye bahut hi aavshyak hai. Garbhavati mahila garbhavasta ki shurwat se maa banne tak niyamit roop se ghari sem khaane ki salaah di jati hai, Kyunki ek adhyan ke anusaar, hari sem mai paya jaane wala folic acid bahut hi prabhavshaali hota hai, joki garbhashay ke bhitar shishu ki naso aur mastishk ke vikaas ke liye behad achha hota hai.
 

Stan Cancer

Green Beans mai sankraman ka mukabla karne wale padaarth shaamil hote hai. Yeh padhart stan mai moujud cancer ki kaushikaon ke vikaas ko kam kar deti hai. Yeh padhart tumor kaushikaon ko rokne mai madad ke liye bhi jaane jaate hai.
 

Inn Baato Par Bhi Gour Kare

Aamtour par green beans nakaratmak prabhaav ke liye nahi jaani jati hai. Halanki, isme oxalates paye jate hain, jo ki prakratik roop se ped poudho, jaanwar aur manushyo me bhi paye jate hai. Jab is starah ke oxalates sharir ke bhitar ke taral padarth mai viksit ho jate hai, to yeh crystal ka roop le lete hain jo ki swasthya ki sthiti ko bigaad sakta hai. Isliye, kidney aur pittashay se judi samasyao se pidhit logo ko green beans ka sevan nahi karna chahiye.

Oxolates sharir ke bhitar calcium ke sokhane ko bhi rok sakta hai. Agar aapka pachan tantra swasth hai aur aap bhojan achhi tarah se chabakar khaate hain, to ye pareshaani aapko nahi hogi.
 
Upar aapne hari sem ke fayde jane. Green beans vastav mai bahut hi shaktishaali sabji hai, Health Benefits of Green Beans kayi tarah ki badi bimaarion ko rokne ke liye mahtvpurn hai.