Health Benefits of Pistachios: Pista Khane ke Swasth Laabh

March 16, 2015

Pista mukhya roop se western Asia me paya jata hai. Poshak tatvo se samruddh pista ek mewa (Dry Fuit) hota hai. Shayad hi kisi ko pata hoga ki, pista khane ke dhero swasth laabh hai. To aaiye jante hai Health Benefits of Pistachios aur apne aap ko rakhe fit and fine.

Vastav me pista ek phal hota hai, parantu iss phal ke bahari aavaran ko nikal diya jata hai aur andar ka pila rang ka beej khaya jata hai.

Piste Virya vardhak(Dhatu ko badane wala), rakt ko shuddh karne wala, shakti vardhak, pitt ki samasya se nijat dilate hai. Iska sevan karne se aankho ki samasya nahi hoti hai aur mastishk (dimag) ki durbalta dur hoti hai. Pista takat dene wala poshtik dryfruit hota hai.

Bina namak ke mutthibhar piste khana sehat ke liye laabhdayak hota hai. Niyamit roop se inka sevan kar sakte hai. Pista calorie-mukt hota hai aur cholesterol ko niyantrit karne me sahayak hota hai. Aaiye jante hai Pistachio Benefits aur iske swasth laabh.

Health Benefits of Pistachios: Sehat ke Liye Faydemand Pista

Humare paas dhero Health Benefits of Pistachios hai. To aaiye jante hai unhe:

1) Swasth Dil

Pistachio kharab cholesterol LDL ko kum karne aur acche cholesterol HDL ko badane me sahayak hai. Iss prakar ye dil se sambandhit bimariyo se humari raksha karta hai.

2) Jalan Se Bachaye

Pista me Vitamin A, Vitamin E aur Jalan rodhi gun hote hai jo sharir me kisi bhi samasya se hone wali jalan ko kum karne me sahayak hai.

3) Diabetes se Bachav

Pista madhumeh jesi khatarnak bimariyo se bachata hai. Ek cup pista humare sharir ke liye pratidin avashyak phosphorus ki 60% avashykta ko pura karta hai jo Type-2 prakar ke diabetes se humari raksha karta hai.

4) Hemoglobin aur Rakt

Piste me Vitamin B6 namak ek protein hota hai jo khoon me oxygen le jata hai. Yadi pratidin isse khaya jaye to rakt me oxygen ki matra bad jati hai aur hemoglobin bhi badta hai.

5) Nervous System

Piste me paye jane wala Vitamin B6 tantrik tantra yani Nervous System ke liye bahut faydemand hota hai.

6) Pratirodhak Kshamta Badana

Yadi humare sharir me pratirodhak kshamta majboot hogi to kai bimariyo se aasani se bachav kar sakte hai. Pratirodhak kshamta badane keliye Vitamin B6 bahut Jaruri hai jo piste me payi jati hai. Yeh rakt ke nirman aur sampurna sharir me rakt ke sancharan me sahayak hai.

7) Swasth Mastishk

Piste me ucch matra me Vitamin B6 paya jata hai jo rakt me hemoglobin ki matra badata hai. Oxygen se samruddh yeh rakt mastishk ko pahuchaya jata hai jo ise adhik sakriya karta hai.

8) Twacha ke Liye

Twacha ko damkane ke liye Piste ka sevan kijiye. Swasth twacha ke liye Vitamin E bahut avashyak hai aur piste me yeh bahut matra mai hota hai.

9) Anti-Aging

Yeh twacha ki badti age ko bhi rokta hai aur aapko jawan dikhne me sahayak hota hai. Isme upasthit tel me prashamak hota hai jo aapki twacha ko moisturize karta hai aur isse sukhe se bachata hai.

10) Cancer se Bachav

Cancer ek janleva bimari hai, jiska upchar aasani se nahi ho pata hai. Lekin yadi aap piste ka niyamit sevan karte hai to aap iss janleva bimari se bachav kar sakte hai.

Upar aapne jane Health Benefits of Pistachios jo ki aapki sehat ke liye bahut hi faydemand hote hai.

To aaj se hi iska niyamit roop se sevan shuru kr dijiye aur swasth rahiye.

Get more update about Pistachio Benefits from Food..