Subscribe Whatsapp

Home Remedies for Blocked Nose: Band Naak ke Liye Upchar

Thandi ka mousam shuru ho chuka hai. Kuch logo ko iss mousam mai hamesha hi naak band ki shikayat rehti hai. Vaise to yeh samasya kisi ko bhi ho sakti hai lekin yeh jyadatar baccho ko hoti hai.

Band naak ko Nasal congestion bhi kaha jata hai. Band naak mai ham thik se saas nahi le pate hai jiske chalte kisi bhi kaam mai man nahi lagta hai. Raat ko nind bhi thik se nahi ho pati jiske chalte pura din kharab jata hai.

Naak ke band hone ke kai karan hai jaise naak ke andar swelling aa jana, kisi allergy ke karan aadi. Yadi ham iss samasya ka upchar jaldi nahi karte hai to isse aur bhi kai samasyae jaise kano mai infection aadi  pareshaniya ho jati hai.

Aapko iske upchar ke liye bajar mai kai dawaiya mil jayegi, lekin ham aapko salah denge ki iske upchar ke liye aap gharelu dawaiyo ka hi sevan kare. Kyoki bajar mai milne wali dawaiya sardi ko jama deti hai na ki use khatam karti hai. Isliye aaj ke lekh mai ham aapko bata rahe hai Home Remedies for Blocked Nose.
 

Home Remedies for Blocked Nose: Band Naak Se Rahat Paye

 
Home Remedies for Blocked Nose
 

Bhap Le

  • Yeh band naak se nijat dilane ke liye sabse purana lekin bahut hi asardari tarika hai. Yeh aapko band naak se tatkal rahat deta hai. Ise aap din mai 2 se 3 baar le sakte hai.
  • Bhap lene se pehle ajwain ko pani mai ubal le. Fir iss garam pani se bhap le. Khud ko garam pani se thoda dur rakhe. Aur apne aur bartan ke upar ek kapda dhak le.
  • Sada pani garam kar le aur usme thodi si vicks dalkar bhaap le. Bhap lete wakt pani ko chamaach se chalate rahe.
  • Chote baccho ke liye yeh prayog sahi nahi hai kyoki isme jalne ka khatra rehta hai. Sath hi garbhavati aur uccha raktchaap se pidhit aurte bhi ise na apnaye.

 

Tulsi Ke Patte Ka Kadha Piye

  • Hamare bharat mai tulsi ka bahut maan hai, yaha tulsi ki puja ki jati hai. Lekin kya aap jante hai ki isme kai aushdhiya gun bhi moujud hai.
  • Tulsi se bana kadha band naak, sardi, jukham sabme faydemand hai. Iske liye tulsi ki kuch pattiya le aur ek bartan mai pani dalkar ubal le.
  • Aapko ise tab tak ubalna hai jab tak mishran ubal kar aadha na ho jaye. Yane ki ek cup kadha banane ke liye aap do cup pani dale.
  • Iss kadhe ko garmagaram piye aur thode der ke liye kambal aud kar so jaye. Din mai do bar aesa kare.
  • Aap chahe to khali pet tulsi ki kuch pattiya bhi kha sakte hai. Isse bhi aapko kafi fayda pahuchega.

 

Lehsun Ki Kaliya Khaye

  • Lehsun se bhi aap Nasal Congestion ki samasya se chutkara pa sakte hai. Darahsal isme antibacterial gun paye jate hai jo bacteria ko khatam kar band naak se nijaat dilate hai.
  • Ya to aap lehsun ki kuch kaliya direct kha le. Ya fir tin kaliyo ko ek cup pani mai ubalkar piye.

 

2-3 Cup Herbal Chai

  • Garam garam herbal chai peene se balgam patli ho jati hai jisse naak band nahi hoti hai. Herbal chai aapke sharir se sare toxins ko bhi bahar nikal deti hai.
  • Yane ki herbal chai peekar aapko do tarah ke fayde milte hai. Aap iss chai ko congestion dur hone tak din mai 2 se 3 baar pee sakte hai.
  • Band naak ko kholne ke liye Peppermint tea sabse asardari mani jati hai.

 

Anya Nuskhe Inhe Bhi Janiye:-

  1. Kya aapko adrak ki chai peena pasand hai? Yeh band naak kholne mai bhi madad karti hai. Aap ise din mai 3 bar tak le sakte hai.
  2. Aapko sunkar thoda ajib lagega lekin theekha khana bhi aapki band naak kholne mai madad karta hai.
  3. Band naak hone par garam pani ka tharmas apne paas rakhe aur din bhar gunguna pani piye. Isse bhi aapko fayda milega.
  4. Thand ke dino mai roj tamatar ka soup peena chahiye. Isme moujud kali mirch aur loung aapke sharir ko garmi deti hai. Isse sardi nahi hoti aur agar ho bhi gayi hai to wapis nahi hoti.
  5. Garam pani ka sek bhi aapko band naak se chutkara dilata hai. Iske liye kadhai mai namak ko sek le aur ek potli mai bandh kar usse naak sek le.
  6. Kabhi kabar naak bahut band ho jati hai. Aese mai garam pani ka shower lene se Clogged Nose khul jati hai. Lekin iss shower ko lene ke baad thandi hawa mai na rahe thodi der kuch aud ke baithe.

 
Upar aapne jana Home Remedies for Blocked Nose in Hindi. Inn bataye gaye upayo ki madad se aapki band naak khul jayegi aur aap rahat mehsus karenge.Yadi aapko inn nuskho se 7 din mai bhi fayda nahi milta hai to aapko chikitsak se sampark kar lena chahiye.