Baal hamari khubsurti ko badhate hai iss baat mai to koi shak nahi hai. Baalo ke khubsurat dikhne ke liye na keval unka kala aur silky hona jaruri hai balki ghana hona bhi jaruri hai. Aap khud hi sochiye ek dam kam baalo ke sath kya koi bhi hairstyle jamti hai?

Yadi aap chahte hai ki aap baalo ke liye alag alag hair styles rakhe ya fir baalo ko khulle hi kyo na rakhe. Iske liye aapke baalo mai volume ka hona jaruri hai. Lekin baalo ke jhadne ke karan baal bahut kam ho jate hai.

Yadi ham iss baat par gaur kare to dekhenge ki pehle ke samay mai patle baalo ki samasya bahut umra ho jane ke bad hoti thi. Jaise ki 40 ya 45 ki umra ke baad baalo ka jhadna shuru hota tha. Lekin aaj ke samay mai to 20 ki umra se hi baalo ke jhadne ki shuruwat ho jati hai.

Yadi aapke sath bhi yahi pareshani hai to koi baat nahi, ham aapko bata rahe hai kuch Home Remedies for Hair Loss in Hindi, jise aap try karke apne baalo ko jhadne se rok sakti hai.
 

Home Remedies for Hair Loss in Hindi: Jhadte Baalo Se Paye Nijat

 
Home Remedies for Hair Loss in Hindi:
 
Kisi bhi gharelu upcharo ko batane se pehle ham aapko bata de ki tanav ke chalte bhi aapke baal jhadte hai isliye tanav lene ki aadat se bache. Aap aesa nahi kar pa rahe hai to meditation ka sahara le isse aapko madad milegi.
 

Methi

  • Methi ki madad se aap apne baalo ko jhadne ki samasya ko dur kar sakte hai. Darahsal methi mai protein paya jata hai jo baalo ko badhane mai madad karta hai.
  • Methi mai antecedents naam ka ek hormone paya jata hai jo aapke baalo ke rom ko thik karta hai sath hi baalo ka volume bhi badhata hai.
  • Prayog ke liye methi ko raat bhar ke liye bhiga kar rakhe. Aur subha uska paste bana le.
  • Subah iss paste ko apne baalo par laga le aur kam se kam aadha ghante ke liye rehne de.
  • Iss upchar ko mahine ki har subah kare.

 

Nariyal Tel

  • Coconut Oil for Hair se behtar kuch nahi hai. Baalo ke upchar ke liye iska istemal kaafi lambe samay se kiya ja raha hai.
  • Prayog ke liye nariyal tel ko garm kare. Aur baalo mai acchi tarah se dalakar baalo ki malish kare.
  • Nariyal tel ke faydo ko pane ke liye ise kam se kam ek raat rakhe aur agle din subah baal dho le.
  • Isse naa keval baalo ka volume badhta hai, balki baal mulyam aur lambe bhi hote hai.

 

Lehsun

  • Baalo ko badhne ke liye jin aushdhiyo ka istemal kiya jata hai, unme lehsun ka naam bhi shamil hai.
  • Isme acchi matra mai sulphur paya jata hai, jo baalo mai collagen ki matra ko badhata hai, aur isse baal badhte hai.
  • Prayog ke liye lehsun ki kuch kaliya chhil le. Isme nariya tel milaye tatha tel ko kuch der ke liye ubale. Taki lehsun ka ark tel mai aa jaye.
  • Iss tel se sir ki malish kare aur use aadhe ghante ke liye chod de. Iske bad sir dho le.
  • Aap iss prayog ko 15 din mai 3 bar tak kar sakte hai. Yeh ek bahut accha Hair Fall Solution
  • hai.

 

Aloe vera

  • Aloevera aapko aapke aaspas aasani se mil jayega. Yadi aapko yeh nahi mil raha hai to ise apne ghar mai laga le. Thodi si mitti mai yeh bahut sara lag jata hai.
  • Aloe vera mai aese enzyme paye jate hai jo aapke baalo ki growth mai madadgar hote hai.
  • Yadi aap sar mai khujali aur jalan ki samasya hai to wo bhi isse dur ho jati hai.
  • Prayog ke liye taja aloe vera jel ya juice koi bhi ek chiz lele.
  • Ise apne baalo aur scalp par lagaye aur ek ghante ke liye chhod de. Baad mai gungune pani se baal dho le.
  • Iss prayog ko aap har hafte do bar kar sakte hai. Isse aapke baal silky bhi hote jate hai.

 
Upar aapne jana Home Remedies for Hair Loss in Hindi. Aap bhi inn gharelu upcharo ko apnakar apne baalo ka jhadna rok sakte hai. Baalo ke acche swasthya ke liye aap apne aahar mai jyada se jyada phalo aur sabjiyo ko shamil kare. Sath hi vyayam ko apni dincharya ka hissa bana le.