Home Remedies for Skin Tightening: Twacha Mai Laaye Kasav
Apne vajan ko kam karne ke liye bahut si mahilaye gym jati hai, kasrat aur diet aadi karti hai. Inn sabhi ko karne ke bad mahilao ka vajan kam to ho jata hai lekin unki badhi hui twacha dhili pad jati hai. Iske alava pregnancy ke samay bhi mahilao ka vajan abhut adhik badh jata hai sath hi mahilay moti bhi ho jati hai. Pregnancy ke bad mahilao ka vajan to kam ho jata hai lekin twacha mai dhilapan aa jata hai.
Pet, jaangh aur chehre ki dhili twacha dekhne mai bilkul bhi acchi nahi lagti hai sath hi loose skin kai prakar ke health problems bhi de sakti hai. Aese mai vajan aur motape ko kam karte samay aapko kuch aese upayo ko apnana chahiye jisse aapka vajan to kam ho lekin twacha dhili na pade.
Yaha padhiye Home Remedies for Skin Tightening. Iski madad se aap janenge ki apni dhili twacha mai kasav kaise la sakte hai? Twacha mai massage, uchit phal aur aaharo ka sevan karke mahilaye apne pehle jaisi young twacha ko pas sakti hai. To aaiye padhe twacha mai kasav lane ke upay.
You may also like:- Home Remedies for Blemishes: Daag-Dhabbe Hatane ke Tarike
Home Remedies for Skin Tightening: Gharelu Tariko Se Twacha Mai Laye Kasav
Twacha Ko Exfoliate Kare
Twacha mai kasav lane ke liye twacha ka exfoliate karna bahut jaruri hota hai. Exfoliate karne se ham na keval apni twacha se mrit koshikao ko hata sakte hai balki ise karne se twacha ko kai prakar ke labh milte hai. Twacha ke jiss bhi sthan par exfoliate kiya jata hai uss sthan par rakt ka pravah bahut tej ho jata hai, jisse twacha ko sabhi jaruri poshak tatv aur oxygen ki matra milne lgati hai. Isse twacha mai kasav aata hai aur twacha tajgi bhari lagne lagti hai.
Twacha ka exfoliation karne ke bahut se tarike hote hai to aaiye padhe skin exfoliation methods.
- Exfoliation karne ka sabse aasan tarika twacha mai dry brushing karna hota hai. Ise karne ke liye twacha mai halke aur natural reshe wale brush se brushing kare.
- Twacha mai kasav lane ke liye exfoliation karne ka dusra aur asardarak tarika scrubbing karna hai. Scrubbing karne ke liye aap shahad, sugar aur nimbu ka mishran aadi prakar se scrubbing ka upyog kar sakte hai.
- Iske alava minerals aur salt se bane scrub bhi bahut acche hote hai. Jab bhi aap nahane jaye to apni twacha mai minerals ya fir namak se scrub karna na bhule.
Nahane Mai Sulfate Yukt Product Ka Prayog Na Kare
Yadi aapki twacha dhili pad gayi hai to kabhi bhi sulfate yukt products jaise sabun, shampoo, body wash aadi ko hata de. Aese body wash ka hi prayo kare jisme yeh naa ho.
Twacha Ki Tel Se Malish Kare
Nahane ke baad twacha mai nami ko banaye rakhne ke liye tel ka upyog kiya jata hai. Tel twacha mai nami ko banaye rakhne mai madad karta hai sath hi isse twacha lachili bhi banti hai. Tel se sharir ki malish karne se twcha mai rakt ka sanchar sucharu rup se hone lagta hai sath hi atirikt charbi bhi kam hone lagti hai. To aaiye jane twacha ki malish ke liye koun-koun se tel ka upyog karna chahiye.
- Twacha mai kasav lane ke liye bahut se tel upyog kiye jate hai jaise castor oil ya fir baby oil. Baby oil to aasani se mil bhi jata hai aur sasta bhi hota hai.
- Badam ka tel, twacha mai kasav lane ke sath-sath twacha ke sabhi stretch marks se bhi chutkara dilane mai madad karta hai.
- Iske alava nahane ke pani mai tel ki kuch bundo ko milaye aur fir nahaye. Aesa karne se aapki twacha ko paryapt matra mai tel mil jata hai.
Twacha Mai Cream Ya Lotion Lagaye
Twacha mai kasav lane ke liye aesi creams ya lotion ko lagana chahiye jinme vitamin A, vitamin E aur collagen ki adhik matra ho. Yeh sabhi poshak tatv twacha mai kasav lane mai madad karte hai.
Twacha mai kasav ke liye aap aloe-vera ka bhi prayog kar sakte hai. Aloe-vera ek natural skin tightener hai. Isliye aap aloe-vera se yukt lotion ka prayog bhi kar sakte hai.
Collagen creams sharir ke sabhi ango ki twacha mai kasav lane mai madad karti hai. Lekin iska prayog karne se pehle aapko yeh pata hona chahiye ki yeh aapki twacha ko suite kar raha hai ya nahi.
You may also like:- Home Remedies for Acne: Ab Acne (Muhase) ka Ilaj Ghar Par
Skin-Mask Ka Prayog Kare
Bahut se prakratik aur cosmetic tariko se banaye gaye mask bajar mai uplabdh hote hai. Inn mask ki sahayata se bhi aap apni twacha mai kasav la sakte hai. Skin mask ka prayog jaangho, pet, baanh mai bhi kiya ja sakta hai. Inn mask ke alava aap ghar par bane mask ka bhi prayog kar sakte hai.
Bahut Sara Pani Piye
Pani hamare sharir ke liye bahut jaruri yogik hai. Isliye din mai kam se kam 10 glass pani jarur pina chahiye. Pani hamari twacha mai nami ko banaye rakhne ke sath-sath twacha ko aavashyak sabhi jaruri poshak tatv pradan karne mai madad karta hai. Iske alava sharir mai pani ki purti ke liye aap phalo aur sabjiyo se bane juice ka prayog bhi kar sakte hai.
Phalo aur Sabjiyo Ka Adhik Sevan Kare
Sundar, komal aur kasi hui twacha ki chahat to har kisi ki hoti hai. Aese mai log kai prakar ke aaharo ka sevan karte hai. Lekin hame iss bat ka pata hona chahiye ki hame koun se aaharo ka adhik sevan karna hai? Yeh janne ke liye padhe Fruits For Glowing Skin.
Iske alava yadi aap jyada laabh pana chahte hai to vitamin C se bahrpur sabjiyo ka sevan kar sakte hai. Vitamin C, twacha ke liye bahut faydemand hoti hai. Iska sevan karne se twacha mai kasav bhi aata hai. Sath hi hame matar, palak aadi hari sabjiyo ka sevan bhi karna chahiye.
Sukhe Meve Bhi Hai Labhkari
Twacha mai lachilapan lane ke liye apne aahar mai vitamin C, E aur A ko jarur shamil karna chahiye. Inn vitamins se bharpur aahar ka sevan karne se tawcha mai collagen banne ki prakriya shuru ho jati hai. Isse twacha mai lachilapan aata hai. Sukhe meve mai zinc aur cilium ki bhi adhikta hoti hai jo ki twacha mai kasav lane mai madad karte hai.
Protein Se Bharpur Aahar Le
Protein hamare sharir aur twacha dono ke liye bahut faydemand hota hai. Protein hamari twacha mai lachilapan lane mai madad karta hai. Isliye daal, beans, nuts, paneer jaise aaharo ko apne bhojan mai shamil karna chahiye. Yadi aap non-vegetarian hai to anda, machli aur chicken aadi ko apne aahar mai shamil kar sakte hai. Inn sabhi protein yukt aaharo ke sevan se sharir ki charbi ghatti hai, twacha lachili banti hai sath hi muscles ko dobara banne mai madad bhi milti hai.
Weight Training Ko Aajmaye
Vajan ko kam karne ke liye log bahut se workout karte hai lekin twacha mai kasav lane ke liye muscles toning bhi jaruri hota hai. Isliye apni twacha mai kasav lane ke liye weight training ko apne workout mai jarur shamil kare. Aesa karne se maspeshiya, sharir ke gude, baanh aur jaangho mai majbuti aur kasaav aata hai.
Yoga Bhi Hai Faydemand
Yeh to sabhi jante hai ki yoga se aneko prakar ke rogo se milti hai. Lekin kya aap jante hai ki yoga karne se ham apni dhili twacha mai kasav bhi laa sakte hai? Yoga karne se hamari twacha swasth rehti hai, twacha mai rakt ka pravah sahi se hone lagta hai aur sharir ko majbut aur kasa banane mai bhi madad milti hai. Isliye apne dainik jivan mai yoga ko jarur apnaye aur rahe swasth aur sundar.
Vyayam Bhi Hai Jaruri
Vajan aur motape ko kam karne ke liye log gym jate hai lekin shayad hi aap jante honge ki jo vyayam aap gym mai karte hai we sabhi hamari twacha mai kasav lane mai madad karte hai. Yaha jane twacha mai kasav lane wale mukhya vyayam.
- Apni baaho aur sharir ki sabhi upari hisso ki twacha mai kasav lane ke liye push-up aur pull-up vyayam jarur kare.
- Sit-ups aur squats vyayam, pet ki badhi hui charbi ko kam karne ke sath sath twacha mai kasav lane aur maspeshiyo ko majbut karne ka kam karta hai.
- Jumping jacks aur lunges wale vyayam karne se pair majbut bante hai aur maspeshiyo mai kasav aata hai.
Dhup Se Bache
Surya ki kirne na keval twacha ko jaldi budha karti hai balki twacha ki aantrik sanrachna ko bhi bigad deti hai. Sath hi dhup hamari twacha ke lachilepan ko bhi kharab kar deti hai. Isliye jab bhi bahar jaye apni twacha ko dhup se bachane ke liye cap ka istemal jarur kare.
Upar aapne jana Home Remedies for Skin Tightening. Yadi aap bhi apne sharir ki dhili twacha se pareshan hai to upar diye gaye tariko ko apne dainik jivan mai shamil kare aur rakhe apni twacha ko fit.
