Subscribe Whatsapp

Gond Katira Benefits in Hindi – Iske Prakratik Guno Ko Samjhe

Katira, ped se nikala jane wala gondh hai. Iska kantedar vriksh bharat mai garm pathrile shetro mai aasani se mil jata hai. Iski Chaal aur tahniyo ko katne se jo taral padarth nikalta hai vahi jam kar safed aur pile rang ka ho jata hai. Uske hi ped ko gondh kaha jata hai.

Ped se nikali gondh ke sukh jane par gond katira banta hai. Isme bharpur matra mai protein aur folic acid jaise poshak tatv paye jata hai. Humare sharir se judi kai samasyo se bhi rahat dilwale mai yeh madad karta hai. Iske sevan karne se garmiyo mai lu se bacha ja sakta hai. Iska prayog hum sabhi mosam mai kar sakte hai.

Gondh mai uss vriksh ke aushdhiya gun bhi hota hai, jis ped se yeh nikali gai hai. Ayurvedik dawaiyo mai goli ya vati banana ke liye bhi powder ki binding ke liye gond ka istemal hota hai. Alag-alag vriksh ki gondh ka istemal alag-alag aushdhiya banane mai kiya jata hai.

Katira swad mai fika hota hai aur tasir mai thanda tatha rukha karne wala hota hai. Iska upyog baahay aur antrik dodno roop se dawa ke roop mai kiya ja sakta hai. Baahay roopse iske lep ka upyog kiya jata hai tatha antrik roop se isse 2 se 5 gm ki matra mai istemal kiya ja sakta hai.

Desi katira gond ko English mai Hog-Gum kaha jata hai. Ek aur gond “Gum Tragacanth” ek videshi katira hai. Jo ek anya ped Astragalus gummifer se prapt hota hai. Yeh iran, siria, ruse aadi desho mai paya jata hai.

Desi katira gond ko Cochlosepermum religiosum, Maximilianea gossypium, cotton tree se aadi se prapt kiya jata hai. Aaiye jante hai Gond Katira Benefits in Hindi se sambandhit anya jankari.

 

Gond Katira Benefits in Hindi: Janiye Iske Ayurvedik Gun aur Labh

 

gond katira benefits in Hindi

 

Desi Katira Vriksh ke Anya Naam

Hindi – Pili Kapas

English – Golden Silk Tree, Silk Cotton Tree

Unani – Samagh Katira

Tamil – Tanaku

Katira gond mai bukhar ko kam karne wale vicherak gun hota hai. Iss gond ko kabj, cough, diarrhea, nind na aana aadi pareshani hone par upyog kiya jata hai.

Gond katira ek kantedar vriksh se prapt hota hai, jo swabhav mai bahut thanda hota hai. Yeh aasani se pansari ki shop par mil jata hai. Jinke bacche bazaar ki jelly ka sevan adhik karte hai. To aap apne baccho ko ghar par bhi aisa hi bana kar de sakte hai. 10 se 20 gm desi katira mai mishri milakar 1 se 1.5 liter pani mai bhigo de. Jab pani kam rah jaye aur yeh jelly ki tarah dikhe tab thoda sa gulab jal ya shahad swadanusar milakar khaye. Yeh aapke baccho ko bahut swadisht bhi lagega aur unhe anek bimariyo se bhi bachayega.

 

You may also like:- Acacia Tree in Hindi – Aushdhiya Guno se Paripurn Babool

 

Gond Katira Benefits in Hindi: Janiye Iske Labh

Gond Katira ka sevan karne se hamare sharir ko anek prakar ke labh milte hai aur hum kai prakar ke rogo se bach sakte hai. Aaiye jante hai Gond Katira Benefits for Health

  1. Iska sevan sharir mai ban rahe khoon ko gada karne mai madad karta hai tatha chati aur fefdo ki jakhmo aur aanto ki kharash ko thik karta hai.
  2. Iske sevan se garmi mai luu nahi lagti hai sath hi yeh sharir ko thanda karta hai.
  3. Peshab mai jalan ya peshab ka ruk-ruk kar aane ki samasya ho to iska sevan labhdayak hota hai.
  4. Mahilao ki samasyaye jaise baccha hone ke baad ki kamjori, masik dharm ki gadbadi tatha leucorrhoea (safed pani) se hone wali pareshani ko thik karta hai. Yeh kamjori aur usse hone wali sharirik aniyamittayo ko dur karta hai. Katira gond ko pani mai bhigo de aur isse phool jane par khaye.
  5. Katira gond ko bakri ke dudh ke sath lene se Bleeding disorder ki samasya dur hoti hai.
  6. Hath-pero ya sharir ke kisi bhi hisse mai ho rahi jalan, khujali ya jal jane par katira ko gandhak ke sath milakar lep banakar istemal kare labh milega. Gondh ka lep chehre par lagane se jhaiya thik hoti hai.
  7. Pechis ya dast ho jane par gond ko dahi ke sath lene se aaram milta hai.
  8. Swapandosh se sambandhit rogo ke liye, raat ke samay 6 gm katira gond ko 1 cup pani mai bhigokar rakh de. Raatbhar mai yeh acchi tarah phool jayegi, ab isme 12 gm mishri milakar niyamit 15 se 20 tak sevan karne se nightfall ki samasya se mukti milti hai aur yeh virya ko badane mai bhi madad karta hai.
  9. Hriday sambandhit rogo mai bhi yeh faydemand sabit hota hai.
  10. Sans lene mai taklif ya adhik khansi ho jane par ya adhik pasina aane aur migraine se pidit vyakti ko katira ke sevan se bahut labh milta hai.

 

Gondh Ke Aushdhiya Gun

Jaisa ki humne apko pahle bhi bataya ki alag-alag pedo ki gond ka upyog alag-alag bimariyo aur rogo mai kiya jata hai. Ab hum apko batane wale ki konse vriksh ki gond ko kis rog mai istemal karna chahiye.

 

Neem Ki Gond

Neem ke ped se nikali gond rakt ki gati ko badana wala, sfurtidayak padarth hai. Isse East India Gum bhi kaha jata hai. Isme bhi neem ke aushdhiya gun hote hai.

 

Palash Ki Gond

Palash ki gond ke sevan se haddiyo mai majbuti aati hai. Iski 1 se 3 gm gond ko mishrinuma dudh ya aamle ke ras ko milakar lene se sharirik bal aur virya mai vradhi hoti hai tatha asthi majboot hoti hai. Iski gond ko garm pani mai milakar lene se dast aur sangraniyo mai aaram milta hai.

 

Aam Ki Gond

Iski gond stambhak aur rakt pradarak hai. Iss gond ko garm karke fode-funsiyo par lagane se yeh pakkar pib ko bahar nikal deta hai aur aasai se usse bhar deta hai. Aam ki gond mai nimbu ka ras milakar charm rogo par lagane se aaram milta hai.

 

Semal Ki Gond

Semal ki gond ko mochras kaha jata hai. Yeh Atisar mai 1-3gm mochras churn ko dahi ke sath prayog karte hai. Shwet pradar ki pareshani hone par mochras aur chini ko saman matra mai milakar lene se labh milta hai. Dant manjan banane mai bhi iss muchras ka upyog kiya jata hai.

 

You may also like:- Hing Benefits: Asafoetida se Hone Vale Swasth Laabh

 

Hing

Hing bhi ek prakar ka gond hai, jo pherula kul (Ambeliferi, APAC) ke teen poudho ki jado se nikalne wala yeh sugandhit rejjinanuma hota hai. Hing do kism ki hoti hai ek jo pani mai ghulanshil hoti hai tatha dusri jo tel mai.

Kisan kheto mai poudho ke aaspas ki mitti hatakar uski gajarnuma jad ke upper ek chira laga dete hai. Iss sthan se agle teen mahino take k dudhiya regin nikalta hai. Iss avdhi mai lagbhag 1 kilogram regin nikalta hai. Hawa ke sampark mai aane se yeh sakth ho jata hai. Jo baad mai hing ke roop mai istemal kiya jata hai.

 

Guggul Ki Gond

Yeh ek jhadinuma vriksh hai. Jiske tane aur shakhao mai se gond ka strav hota hai. Jo skand tatha gada hota hai. Yeh jodo ke dard evam agarbatti banane mai istemal hota hai.

 

Gwar Phali

Gwar phalli ke beejo mai galactomannan namak gond hota hai. Iss gond ka upyog dudh se bane padarth jaise ice cream, paneer aadi mai kiya jata hai. Sath hi anya kai vyanjano mai bhi iska istemal kiya jata hai. Iske beejo se banaya jane wala paste bhojan, aushdhi aur udhyogo mai upyog kiya jata hai.

 

Kabit ki Gond

Barish ke mosam ke baad kabit ke vriksh se gond nikalta hai. Jo gunvatta mai babool ke ped ki gond ke saman hota hai. Kikar ya babool ki jad bahut hi poshtik hoti hai.

 

Prapolish

Yeh ped – poudho dwara shravit gond hai jo madhumakhiya ekatra karti hai. Iska upyog dendasembu tatha perabengani kirno se bachne ke liye kiya jata hai.

Iske alawa sahjan, peepal, arjun aadi vriksho se nikalne wali gond bhi humare sharir ke liye bahut hi faydemand hoti hai. Sabhi prakar ke pedo se prapt gond ka istemal ayurvedik dawao ke sath sath anya padartho ko banane mai bhi kiya jata hai.

Ek samay tha jab humara desh lakho karodo variksho se bhara huya tha lekin vakt ke sath unme kami hoti ja rahi hai jiske liye hum log ki jimmedar hai. Har viksh ka apna mahav hota hai wo kisi na kisi prakar se manushya jivan ki raksha aur swasth sharir ke liye upyog mail aye jate rahe hai. Isliye varisho ki sankha mai ho rahi kami ko rokna bahut avashyak hai.

Upper aapne jana Gond Katira in Hindi se hone wale aushdhiya gun aur isse hone wale sharirik labh ke bare mai. Aap bhi pedo se prapt inn aushdhiya gond ka istemal kare aur apne sharir ko swasth banaye.