Subscribe Whatsapp

Home Remedies for Diarrhea: Dast ki Samasya Se Paye Nijad

Galat khan-pan aur infection ke karan logo ko dast ki shikayat ho jati hai. Dast lagne par vyakti bahut kamjori aur aalas mehsus karne lagta hai. Dast ki samasya hone par vyakti ko bar-bar bathrum mai bhagna padta hai. Jiske chalte vyakti bahut jyada thak jata hai aur use aesa lagta hai jaise usne bahut shararik shram kiya ho.

Darahsal dast lagne se vyakti ke sharir ke andar ka pura pani nikal jata hai, iss wajeh se vyakti bahut kamjor ho jata hai. Isliye aese samay mai jyada tel ke khadya padharth band kar vyakti ko dahi-chaval, kele, mosammi ka juice ya fir glucose ko pani aadi ka sevan karna chahiye.

Dast lagne par insan ki pachan shakti kamjor ho jati hai. Iss wajeh se khaya hua pura aahar puri tarah se pach nahi pata hai jisse mal bandh nahi pata aur dast patla ho jata hai ise hi Diarrhea kaha jata hai. Iss tarah yadi Diarrhea rog bahut dino tak badh jaye to yeh atisar ka rup le leta hai. Diarrhea ka lambe samay tak ilaj na kiya jaye to vyakti ki mrityu bhi ho sakti hai.

Isse bachne ke liye kai tarike hote hai lekin sabhi tariko mai se gharelu upay bahut hi jyada faydemand hote hai. To aaiye yaha padhe Home Remedies for Diarrhea.
 

Home Remedies for Diarrhea: Inn Tariko Se Kare Dast Ka Ilaj

 
Home Remedies for Diarrhea
 
Dast lagne ke bahut se karan hote hai to aaiye yaha padhe Causes of Diarrhea.

  1. Food Poisoning ke karan.
  2. Kisi khane ki cheej ki allergy hone par.
  3. Jyada khana kha lene se.
  4. Pani kam peene se.
  5. Tanav aur chinta bhi iska karan hai.
  6. Kisi dawai ki allergy hona.
  7. Sharab ka adhik sevan
  8. Pachan tantra yadi sahi tarike se kam na kare tab bhi dast lagte hai.

 
Gharelu tariko se dast ke ilaj ke liye aaiye jane kuch Home Remedies ke bare mai.

Shahad Ka Prayog Kare

Shahad ka prayog bahut si bimariyo ko dur karne mai kiya jata hai. Dast lagne par yeh ek aayurved ki tarah kam karta hai. Iska sevan karne ke liye ek glass gungune pani mai 1 chammach shahad ko le ab isme ½ chammach dalchini powder milaye. Ab iss mishran ko subah khali pet le aur din mai bhi 2 se 3 bar le. Aesa karne se sham tak dast mai aaram mil jata hai.
 

Nimbu Bhi Faydemand

Nimbu mai citric acid hota hai. Iss wajeh se yeh pet ki saari gandagi ko acchi tarah se saaf kar sakta hai. Ise upyog mai lane ke liye 1 nimbu ke ras mai 1 chammach namak aur 1 chammach shakkar acchi tarah milaye. Iss mishran ko dast lagne par har aadhe ghante ke andar piye, jald hi aaram mil jayega. Aaram mil jane par ise 2 dino tak din mai 2 bar jarur piye, isse pet puri tarah acche se saf hokar sahi se kam karne lagega.
 

You May Also Like: Iron Deficiency Symptoms in Hindi: Iski Kami Ke Lakshan

 

Chhach(Mattha)

Dast hone par mattha pina bahut hi faydemand hota hai. Hamare bharat mai ise healthy drink bhi kaha jata hai. Ise pine se pet ka pachan tantra sahi se kam karne lagte hai sath hi pet ki bahut si bimariya bhi dur ho jati hai. Chhach mai acid bacteria mojud hote hai jo ki pet ke sabhi roganuo se ladne mai madad karte hai.

Ise pine ke liye 1 glass matthe mai 1 chammach namak, thoda jeera powder, thoda kali mirch ya haldi milaye. Iss prakar bane mishran ko din mai 2 se 3 bar piye isse dast mai jald hi aaram mil jayega.
 

Pudina

Pudina hamare pet mai thandak pahuchane ka kam karta hai. Isme upasthit antibacterial gun bhojan ke pachan mai madad karte hai. Iss tarah pudina pet ki samasyao ke liye ramban ilaj ki tarah kam karta hai. Ise kai tarike se upyog mai la sakte hai jaise pudine ki pattiyo ko chaba le isse pachan accha hota hai ya fir udine ki pattiyo ko piskar uska ras nikal le fir 1 chammach ras mai 1 chammach shahad aur 1 chammach nimbu ka ras mila le. Iss mishran ko din mai 2 se 3 bar le, dast mai jald hi aaram mil jayega.
 

Adrak (Ginger)

Adrak mai upasthit antibacterial aur antifungungal gun pet ke rog aur loos motion ki samasya mai aaram pahuchane mai madad karte hai. Ise upyog mai lane ke liye 1 cup chhach mai ½ chammach sukha adrak ka powder mila le. Ise din mai 2 se 3 bar jarur le, aesa karne se 1 din mai hi fark najar aane lagega.

Home Remedies for Diarrhea: Anya Tarike Inhe Bhi Padhe

  1. Dast lagne par anar bahut fayda karta hai. Din mai 2 anar ya fir anar ka juice piye isse dast mai aaram mil jayega.
  2. 2 chammach bel patti ke powder ko 1 chammach shahad mai milakar din mai 2 se 3 bar lene par dast mai aaram mil jata hai.
  3. ½ chammach rai ke dane ko 1 chammach pani mai 1 ghante tak bhigokar rakhe fir ise dava ki tarah pee le. Aesa din mai 2 se 3 bar karne se dast mai jald hi aaram milta hai.
  4. Dast se jald hi nijad pane ke liye methi ke dane ke 2 chammach powder ko 1 glass pani mai gholkar rat mai rakh de. Aur subah uthte hi piye isse dast lagna jald hi band ho jate hai.
  5. Papite ka sevan karne se dast ki wajeh se hone wali pet ki marod bhi dur ho jati hai sath hi dast lagna bhi band ho jate hai. Ise upyog mai lane ke liye kacche papite ko kis le aur 3 cup pani dalkar 5 minute tak ubal le. Fir ise chankar papita ka pani piye.

Upar aapne jana Home Remedies for Diarrhea. Yadi aap bhi dast ki wajeh se bahut kamjor ho gaye hai aur pareshan hai to upar diye gaye home remedies ko apnaye aur dast se nijad paye.