Subscribe Whatsapp

Quinoa in Hindi – Jane Iske Labh aur Vyanjan Banane ki Vidhi

Quinoa lagbhag ek prakar se anaj ki tarah hi hai jaise bajra, makka aadi. lekin yeh anya anaj ki tulna mai adhik labhprad hota hai. Quinoa ko sabhi tarah ke anajo ki maa kaha jata hai. Iss anaj ki kheti takriban 5000 varsho se ki ja rahi hai.

Dakshin America ke mool nivasiyo mai yeh lambe samay se astitav mai hai. Lekin haal ke varsho mai yeh keval ek swastha bhojan ke roop mai adhik lokpriyata hasil kar raha hai. Madhya America ke nivasiyo ke anusar yeh amaranth ke saman hai. Unhone kaha ki yeh Incas aur Aztecs ke khadya padartho mai pradhan hai.

Quinoa in Hindi poshak tatvo, protein, vitamin aur khanij se paripurn hai. Yeh vajan kam karne wale khadya padartho mai ek mahan strot hai. Iss anaj ke atirikt labh bhi hai, yeh las ya mithas se mukt hota hai. Jin logo ko gehu se allergy hai, un logo ke liye yeh ekdum sahi hai. Madhumeh ke rogi ya jo chini ki matra kam khana chahte hai unke liye bhi yeh bahut adhik faydemand hai.

 

Janiye Poshak Tatvo Se Bharpur Health Benefits of Quinoa in Hindi

 

Quinoa in Hindi

 

Jaisa ki humne aapko bataya ki yeh isme anya anajo ki tulna mai adhik matra mai vitamin, antioxidants aur nutrients hote hai. Sath hi yeh thiamin, potassium, niacin, riboflavin and vitamin E se bhi paripurn hota hai, jo hume kai tarah ki bimariyo se bachata hai.

Aaiye jante hai yeh humare sharir ko kaise-kaise labh pahunchata hai aur yeh kitne poshak tatvo se samradh hai. Jante hai Quinoa Health Benefits-

 

Amino Acid Se Bharpur

Isme amino acid hota hai, jo anya anajo mai bahut kam paya jata hai. Yeh ek aisa anaj hai jise hum aasani se apne pratidin ke bhojan mai istemal kar sakte hai. Isme protein ki matra dudh ki apeksha adhik hoti hai. Yeh magnesium ka ek bahut hi accha strot hai, jo humare sharir ke tapmaan ko samanya aur energy ko banaye rakhta hai. Yeh humare danto aur haddiyo ka vikas karta hai aur unhe majboot banata hai.

 

Fiber Ka Uccha Strot

Yeh fiber ka ek accha strot hai, jo blood sugar ke level ko banaye rakhta hai. Isme anti-inflammatory nutrients jaise polysaccharides, vitamin E, phenolic acids hota hai, jo 2 tarah ke diabetes ki sambhavnao ko kam karta hai.

Isme moujud fiber mai bile acide hone ki wajah se yeh badte cholesterol ko kam karta hai, sath hi yeh cholesterol ke level ko banaye rakhne mai bhi madad karta hai.

 

Vitamin B aur Magnesium

Yeh Vitamin B ka ek shaktishali strot hai, jo sharir ki atirikt calories ko jala kar, sharir ko urjavan banata hai. Sath hi yeh pet vasa ya motape ko bhi kam karta hai.

Ek addahyan ke anusar isme magnesium hota hai, jo cardiovascular, metabolism and blood vessel and heart ki prakriya ko samanya banaye rakhta hai. Sath hi isme paryapt matra mai minarls hote hai, jo sharir ki pratirodhak shamta ke liye acche hote hai aur cancer jaisi bimariyo se hame bachate hai.

 

You May Also Like: Home Remedies for Diarrhea: Dast ki Samasya Se Paye Nijad

 

Quinoa Foods: Iski Vyanjan Vidhi

Quinoa vyanjan ki aisi kism hai jo swastha bhojan ka ek strot pradan karta hai. Apne dainik jivan mai iska istemal kar hum apne sharir ko kai fayde pahuncha sakte hai. Isse hum bhojan ya nasta ke vyanjao mai aasani se shamil kar sakte hai. Hum apko Quinoa Recipes ki jankari de rahe hai, jisse aap apne dainik jivan mai pratidin ya kabhi-kabhi istemal kar skate hai.

 

  1. Quinoa, Kishmish aur Blueberry 1 Chammach, 1-4 chammach dalchini, 1 cup soya doodh ya badam ka dudh lijiye. Inhe mix karke tave par garm kare, jab tak taral padarth avshishit na ho jaye. Iske baad aap anand le ek protein yukt nashte ka.
  2. Bina pakaya hua quinoa 1 cup, 2 cup pani ya shorba (broth) aur ¼ chammach namak. In sabhi ko mix karke tave par halka garm kare. Isse tab tak seke jab tak yeh acche se pak na jaye. Inme 111 gram calories, 2 gram fat, 0 gram cholesterol, 4 gram protein aur 2 gram fiber hota hai.

 

Quinoa kai tarah ka hota hai red, white golden aadi lekin yeh sabhi swastha ke liye bahut adhik labhprad hote hai. Pahle yeh kuch simit jagah par hi paya jata tha, magar aaj yeh aapko food stores ya super markets mai aasani se mil jayega. Aap bhi Quinoa in Hindi ka upyog apne samanya bhojan ke sath kar apne sharir ka dhyan rakh sakte hai.