Subscribe Whatsapp

Arjun Tree in Hindi – Rakhe Aapke Dil Ka Khayal

Aaj hum baat kar rahe hai Arjun ke vriksha ki. Ise dhawal, kukubh tatha nadisarj naam se bhi jana jata hai. Sadharan bhasha mai ise kahuya aur sadadi bhi kaha jata hai. Iska vanaspatik naam Terminalia Arjuna hai. Yeh ek sadabahar hai, ise alag-alag bhasha aur prant mai alag-alag namo se jana jata hai, jaise sanskrit mai kukubh, hindi mai arjun, bangali mai arjun gaach, telegu mai tellamadid aur English mai arjun tree.

Bharat mai lagbhag yeh sabhi rajyo mai paya jata hai, khaskar Madhya Pradesh, Uttar Pradesh, Bihar, Himalaya ke tarahi wale shetro aur shushk pahadi wale ilako mai, nadi-naalo ke kinare, sadak kinare aur bag bagicho mai yeh adhik paya jata hai. Yaha tak ki delhi mai India gate ke aaspas bhi iske vriksha aasani se dekhe ja sakte hai. Yeh ek aisa ped hai jo sada harit rahta hai.

Arjun 60 se 80 feet uncha hota hai. Iske patte amrud ke patto ke saman hote hai. Yeh dhariyo yukt phale ki wajah se aasani se pahchana ja sakta hai. Iske phal kacchepan mai hare tatha pakne par lal-bhure rang ke hote hai.

Yeh bharat mai hone wala ek aushdhiya vriksha hai. Aushdhiya mahatv mai iski chaal aur phal ka atydhit upyog hota hai. To aaiye jante hai Arjun Tree in Hindi.

Arjun Tree in Hindi: Janiye Iske Aushdhiya Labh

 

Arjun Tree in Hindi

 

Arjun Ki Chaal: Janiye Iske Labh

Arjun ki chaal ka naam to aapne jarur suna hoga. Iss chaal ka hi mukhya roop se aushdhi mai upyog kiya jata hai. Iski chaal ko utaar lene par yeh punah aa jati hai. Iss chaal ko ugne ke liye kam se kam do varsha rituye chahiye hoti hai. Ek ped mai yeh chaal teen saal ke chakr mai milti hai. Yeh bahar se safed, andar chikni, moti tatha halke gulabi rang ki hoti hai. Kai baar iski chaal apne aap nikal kar gir jati hai. Iska swad kasela aur tikha hota hai tatha godne par iske andar se ek prakar ka doodh nikalta hai.

Ab hum aapko bata rahe hai Arjun ki Chaal Benefits. Aaiye jante hai arjun ki chaal kya-kya kare kamal –

 

Hriday Rogo Mai Faydemand

Arjun ki chaal aur jangali pyaj ke kand ko saman matra mai lekar churn bana le. Iss churn ko pratidin aadha chammach doodh ke sath sevan karne se hriday sambandhit rogo mai rahat milti hai.

Hriday rogiyo ke liye arjunarisht ka sevan atydhik faydemand hota hai. Bhojan ke baad 2 bada chammach yani 20 ml arjunarisht aadha cup pani mai dalkar nirantar 2-3 maah tak piye. Iske sath hi iska churn ko kapde se chankar, aadha chota chammach taje pani ke sath subah aur shaam lena chahiye.

 

Khansi Mai Rahat

Iski chaal ko sukha kar acchi tarah piskar churn bana le. Taje hare adusa ke patto ka ras isme milakar isse sukha le. Phir isme adusa ka ras milakar sukha le, yeh prakriya saat baar kare. Ab iss churn ko sukhakar pack shishi mai rakh le. Iss churn ko chota aadha chammach shahad mai milakar chatne se rogi ko khansi mai aaram milta hai.

 

Muh Ke Chhale Thik Kare

Nariyal ke tel mai iski chaal ke churn ko milakar muh ke chalo par lagane se yeh bilkul thik ho jate hai. Iske churn ko gud ke sath lene se bukhar mai kafi aaram milta hai.

 

Cholesterol Ghataye

Bada huya cholesterol ko kam karne ke liye, 1 ½ chammach arjun ki chaal ka powder, 2 glass pani mai tab tak ubale jab tak pani aadha na rah jaye. Iss pani ko chankar thanda kar pratidin subah-shaam 1-2 glass piye. Isse block hui dhamniya khul jayengi aur cholesterol bhi kam ho jayega.

 

You May Also Like:- Basil Seeds in Hindi – Kare Sharirik aur Yon Samsya ka Upchar

     

    Anya Fayde Inhe Bhi Jane:-

    1. Iski chaal ko mehendi mai milakar sar ke balo mai lagane se safed baal kale hone lagte hai.
    2. Iski chaal ki chai bana kar niyamit roop se pine se high blood pressure mai rahat milti hai.
    3. Iski chaal ko raat bhar pani mai bhigokar rakhe, subah isse masal kar phir chankar kada bana kar pine se raktpitt ki samasya dur hoti hai.
    4. Agar sharir ki haddi tut jaye ya chot lag jaye to iski chaal ko doodh ke sath lene se haddi jud jati hai. Iss chaal ka lep bana kar chot wale sthan par lagaya bhi ja sakta hai.
    5. Agar aag se jalkar ghav ho jaye to iski chaal ka churn lagane se ghav turant thik ho jata hai.

     

    Arjun Tree in Hindi humare sharir ko aur bhi kai prakar ke fayde pahunchata hai. Iski chaal ke churn ka niyamit sevan aapko sharir ke antrik hisso mai hone wali bimariyo se bhi bachata hai.