Subscribe Whatsapp

Teeth Whitening Home Remedies: Danto Ka Pilapan Dur Kare

Dant hamare sharir ka ek mahtavpurn hissa hai. Hame swadisht aur accha bhojan karne ke liye majbut danto ki jarurat hamesha hoti hai, aur sath hi ek manmohak hansi ke liye bhi chamkdar danto ka hona jaruri hai.

Safed motiyo se dant har kisi ko acche lagte hai. Lekin yadi aapke dant acche nahi hai to aapki sundarta kam hi jati hai. Yu to umra badhne ke karan danto ka rang apne aap kam hone lagta hai lekin iske alawa khane pine ki kuch chize aur unki theek se safai na hone ke karan bhi inpar peela pan aa jata hai.

Sirf samanya brush karke iss pilepan ko kam nahi kiya ja sakta hai. Vaise to bajar mai iske liye kai mouthwashes aur products ya tarike uplabddha hai. Lekin jab ham ghar par ise thik kar sakte hai to bewajah se paise bahane ka kya fayda. Yadi ham gharelu nusko se ise thik karte hai to naa hi hame vyarth paisa bahana padega aur na hi kisi tarah ke side effects ka khatra hoga.

Pile danto se nijat pane ke liye aap nimbu ke ras me thoda sa baking soda milakar paste banaye aur usse apne danto par brush kare. Isse aapke danto ki gandgi aur pilapan dur ho jayenge sath hi dant chamkane bhi lagenge. Aaiye jane aur bhi kuch Teeth Whitening Home Remedies.
 

Teeth Whitening Home Remedies: Danto Ka Chamkane Ke Tarike

 
Teeth Whitening Home Remedies
 

Nimbu Sabse Faydemand

Jis parakar safed shirt mai sabji ya tel ke dag lag jate hai usi parakar hamare danto mai bhi khana khane ya koi chij khane se dheere dheere dag lagna shuru ho jate hai. in daago ko hi pilapan kehte hai aur yeh umar ke sath din pratidin gehre hote jate hai.

Iss samasya se bachne ke liye roj subh aur raat ko sone se pehle acchi trah brush karke muh me pani bharkar muh ki acche se safai karna chahiye. Iske atrikt yadi aapke dant pile ho chuke hai to nimbu ki madad se aap unhe wapis theek kar sakte hai. Nimbu mai bharpur matra mai vitamin c hota hai jo danto ke swasthya ke liye accha hota hai. Dant ki safai ke liye iska sevan labhprad hai. Aap vitamin c se bharpur anya aahar jaise tarbooj, santre aadi ki bhi madad le sakte hai.
 

Baking Soda aur Namak

Baking soda ki madad se bhi danto ke pile pan ko hataya ja sakta hai. Sabse pehle brush ko baking soda main dale fir brush ke upar thoda sa namak dale aur usse danto par brush kare. Namak mai sodium chloride moujud hota hai jo danto ke pilepan ko hatane mai sahayak hai. Lekin iske jyada istemal se bache kyonki isse enamel ko nuksan hota hai.
 

Antibacterial Guno Se Bharpur Neem

Kai baar muh mai backteria hone ki wahaj se bhi daanto par pilapan chaa jata hai. Neem danto ke iss pilepan ko dur karne mai sahayak hai. Darahsal neem mai antibacterial aur antiseptic gun hota hai. Isliye pratidin neem ke pani se muh dhone se danto ke rog nahi hote hai aur pilapan hat jata hai.
 

You May Also Like:- Home Remedies for Toothache: Paiye Daant Dard Se Chutkara

 

Gunkari Tulsi

Tulsi mai bhi danto ka pilapan hatane shamta pai jati hai. Sath hi tulsi muh ke rogo aur dant ke rogo se bhi bachati hai. Tulsi ka prayog karne ke liye sabse pehle iske patto ko dhoop me sukha le aur pees le. Fir isse brush kare kuch hi dino mai aapke danto ka pilapan samapat ho jayega.

Tulsi ke patto ke sath santre ke chilko ko sukhakar pees le aur usse brush kare. Iske bad  halke halke hatho se masaj karne par bhi danto mai chamak aati hai.
 

Kala Koyla

Koyle ka rang bhale hi kala hota hai. lekin danto ko chamkane mai iska koi jawab nahi hai. Danto ko safed banane ke liye iska istemal kai sadiyo se kiya jata aa raha hai. Yeh ek Natural Teeth Whitening Product hai. Sabse pehle charkol ko peeskar uska churn banaye aur fir isse manjan kare. Iske kan pile padharth ko hatakar danto ko chamaka dete hai.
 

Kele Ka Chhilka

Aapne shayad iss bare mai kabhi nahi suna hoga lekin kele ka chhikla bhi danto ke pilapan hatane ke liye ek labhdayak gharelu aushdhi hai. Jap aap ise aapke danto par ragte hai to yeh us par se pili parat ko hatata hai. Darahsal kele mai uccha matra mai pottasium, magnesium, mangnese moujud hota hai jo daanto se daag hatane mai madad karta hai. Iske liye paka kele ke chhilke ke andruni bhag ko do minute un par ragde. Do tin hafte mai hi aapke dant chamak jayenge.
 

Home Remedies for Teeth Whitening – Anya Upay Inhe Bhi Jane

 
Home Remedies for Teeth Whitening
 

  1. Haldi , sarso ka tel aur namak ko sath mai milakar lagane se danto mai majbuti aur chamak bani rehti hai.
  2. Namak se brush karne ka nuskha sadiyo purana hai. Namak mai charcoal milakar lagane se bhi danto ka pilapan dur hota hai.
  3. Numbu ke ras aur sarso ke tel ko manjan mai milakar lagane se danto mai majbut aur chamak aati hai.
  4. Ek choti chmmach jetun ke tel mai vinegar mila le aur usme brush ko duba kar halke halke hatho se danto par ghumaye. Yeh prakriya tab tak kare jab tak mishran khatam na ho jaye.
  5. Bajar mai milne wali cold drink ko adhik pine se bhi danto par pilapan aa jata hai. Isliye iska sevan karne ke bajay phalo ke ras ka chunab kare.
  6. Khana khane ke bad chewigem ko 20 minute tak chabane se muh mai banana vali lar se muh ke kitanu nashat ho jate hai. Plok main banae vale acids nishkriya ho jate hai.
  7. Din mai keval ek baar brush karna kafi nahi hai. Rat ko khana khane ke bad jab ham sote hai to usse kitanu hamare danto par hamla karte hai. Isliye behatar hoga ki aap raat ko bhi ek baar brush kare isse dant chamkdar aur masude majbut rahenge.

 

You May Also Like:- Home Remedies for Tooth Pain in Hindi: Daanto Ka Ilaj ab Ghar Par

 

Adhuniak Roop Se Danto mai Chamak Laye

Gharelu upchar bahut hi faydemand hote hai lekin yadi aapke paas samay ka abhab hai aur aap jald se jald apne daant safed karna chahte hai to in upayo ko bhi jaan lijiye.

Ghar mai istemal hone vale toothpaste mai carbon maids peroxide hota hai, jo ek bleach ki tarah hota hai. Yeh danto ki upari aur gehari safai karta hai, aur ko saaf safed rakhta hai. Isliye din mai do baar bursh karna hi jaruri hai.
 
Tooth Bleaching: Lekin yadi aapke dant pile ho chuke hai to sirf brushing se yeh thik nahi hoga. Aese mai tooth beaching  kit aapke liye faydemand hoti hai. sath hi Iske atrikt dato ke daag dhabbe ko chupane ke liye tooth srips bhi kargar hote hai. Inke upar peroxide jell laga hota hai. Yeh bahut hi patle hote hai inko lagane par aapke dant sadef dikhai dete hai.
 
Teeth Whitening Toothpaste: Whitening  toothpaste aajkal bajar mai aasani se milte hai. Yeh aapko teeno form jaise ki simple paste, jel , liquid mai milte hai.  Yeh sabhi aapke dato ke pilepan ko hatane mai madadgar hai. Lekin iska bahut jyada prayog karne se bache. Jaise koi special occasion par hoi iska istemal kare. Kyonki jayada whitening paste ka upyog karne se dato ki sanvedanshilta bad jati hai aur bar bar uska prayog krne se dant nile bhi pad sakate hai.
 
Chemical  Bleaching: Chemical Bleaching mai ek prakar ki davai istemal ki jati hai jisse danto k dag dhabbe hataye jate hai. amtaur par yeh prakriya clinic mai hi ki jati hai. iske liye kam se kam 2 se 3 seating li jati hai. Home bleaching ko ghar par hi kiya ja sakta hai, isme ek tray di jati hai, jise rat mai pehna jata hai.Iss prakriya me 6-8 din lag jate hai. aur apke danto ki chamak motiyo jesi ho jayegi

Teeth bleaching ka koi side effect nahi hota hai, na hi danto par koi anukul prabhav padta hai. Par uske baAd kuch bato ka dhyan rakhna jaruri hai. Bleaching ke turant bad dentist dwara di gai cream ko upyog mai laya jana chahiye. Bleaching ke bad kai bar danto mai jhanjnahat bad jati hai, jo ki asthai rup se hoti hai. Bleaching ke kuch din bad tak doctaur ke likhe gaye khane ko hi khana chahiye.
 
Upar aapne jana Teeth Whitening Home Remedies. Dato ka pehla rog hi pilapan hai. Kai bar ye pilapan sirf brush krne se hi saaf nahi hota. Yadi aap gharelu upcharo ki sahayata nahi lena chahte hai to aadhunik tariko ko chunj sakte hai. Lekin bina danto ke visheshagyo ke paramarsh ke bina koi bhi chemical danto par use nahi karna chahiye. Aaj dental chikitsa ne bhut tarakki  kar li hai, whitener aur shiner jaise kai vishesh chemicals se danto mai chamak lai ja sakti hai. Chairside whitening jesi taknik se ek ghante main machine se danto main chamak lai ja sati hai.