Subscribe Whatsapp

Psoriasis Treatment in Hindi – Twacha Sambandhit Ek Rog

Psoriasis ek twacha sambandhit rog hai, jise charm rog bhi kaha ja sakta hai. Isme twacha ke upper ek moti parat jam jati hai. Twacha ki koshikaye bahut teji se banti hai jo sharir par ya sharir ke kisi vishesh hisse ki chamdi par lal rang ke khurdure dhabbe ban jate hai. Isme bahut adhik khujli hoti hai aur twacha jhadne lagti hai. Sath hi isme ghav bhi ho jate hai.

Yeh ek aisa rog hai jo kisi bhi vyakti ko ho sakta hai. Jiska puri tarah se ilaj behad mushkil hai. Adunik vigyan mai itni pragati hone ke bavjud bhi, aisi koi dawa nahi hai jo iska purn roop se nash kar sake. Kai baar ilaj ke baad ise thik hua samjh liya jata hai, jabki yeh andar se thik nahi hota hai aur punh yeh rog ho jata hai.

Psoriasis se thik hone ke liye isse pidit vyakti ko niyamit dawa lene ke sath sath kuch padartho se parhej aur mansik swasth ko banaye rakhna behad jaruri hai. Aaiye jante hai Psoriasis Treatment in Hindi.

 

Psoriasis Treatment in Hindi: Janiye Iske Lakshan, Karan aur Upchar

 
psoriasis treatment in hindi
 

Bharat ke lagbhag 1 pratishat yani karib 1.2 cr. Log iss rog se pidit hote hai. Yeh samanyatah humari twacha par lal rag ki satah ke roop mai ubharkar aati hai aur sar ke baalo ke niche, hath-pao, hath ki hatheliyo, paw ke talwo, kohni, ghuto aur pith par adhik hoti hai. Iske upcharo ko janane se pahle iske lakshan aur karano ka janana bahut hi jaruri hai.

 

You May Also Like: Home Remedies for Sinus Infection: Isse Bachane Ke Upay

 

Psoriasis Ke Prakar

Yeh rog kai prakar ka hota hai. Waise to adhiktar mamlo mai vyakti ko ek hi prakar ka psoriasis hota hai. Iske thik ho jane par, aap iske anya prakar se bhi pidit ho sakte hai. Aaiye jante hai iske prakar-

  1. Plaque Psoriasis
  2. Guttate Psoriasis
  3. Inverse Psoriasis
  4. Pustular Psoriasis
  5. Erythrodermic Psoriasis
  6. Nail Psoriasis
  7. Psoriasis Arthritis

 

Psoriasis Causes: Jane Iske Karan

Psoriasis ke mukhya karan ka pata aaj tak nhi lag paya hai. Ek research ke anusar, iske 10 pratishat mamlo mai pariwar me kisi rog rahta hai. Ise vanshanugat bimari bhi mana jata hai. Iske alawa koi aur karan bhi ho sakte hai auto immune aur asantulit aahar.

Samanyatah humare sharir ki twacha ek mahine ke antral mai badal jati hai. Har maah dhire-dhire twacha ka upri star nikal kar nayi chamdi aa jati hai, lekin isse pidit vyakti mai yeh prakriya 4 se 5 din mai hoti hai. Isi karan aparipakk twacha tyyar hokar chamdi par chamkili parat jam jati hai.

Kuch anya karano ki wajah se bhi Psoriasis ka prabhav bad sakta hai, aaiye jante hai Psoriasis Causes

  1. Twacha visheshagyo ke anusar, nirantar tanav ke karan bhi iski sambhavna bad jati hai.
  2. Kuch mamlo mai vishesh roop se baccho mai gale ke streptococcal ke sankraman ka samay par ilaj na hone ki wajah se bhi yeh rog ho sakta hai.
  3. Kai baar twacha par choot wale sthan par ya uske aaspas bhi yeh rog ho sakta hai.
  4. Kabh-kabhi dawao ke side effect ho jane ya dard nashak dawa, malaria ki dawa tatha aadi ke atydhik sevan se bhi yeh twacha ko hani pahuncha sakta hai.
  5. Dhumrapan aur sharab ke niyamit sevan se bhi yeh rog ya iske lakshan utpann ho sakte hai.

Yeh ek aisi bimari hai jo navjaat shishu se lekar adhik aayu ke vyaktiyo tak ko ho sakti hai. Yeh rog 20 se 30 varsh ki aayu mai bahut adhik dekha jata hai. Kuch logo ka yeh manana hai ki yeh choot ki bimari hai, lekin hum yaha aapko bata de ki aisa bilkul bhi nahi hai. Iss rog ke rogi se hath milane ya gale lagne se yeh rog nahi failta hai. Yeh ek aisa rog hai jo ek baar jane par punah ubharkar aa sakta hai. Iske alawa grishma ritu ke apeksha shit ritu mai iska failav adhi dekha jata hai.

 

Psoriasis Symptoms: Iske Lakshan

Psoriasis ko pahchanana waise to aasan hota hai, phir bhi hum aapko kuch Psoriasis Symptoms bata rahe hai. Jinse aap aasani se ise pahchan sakte hai.

  1. Iss rog se pidit vyakti ki twacha ka prakratik roop badal jata hai aur twacha rukhi-sukhi, fati huyi, moti aur chamakvihin ho jati hai.
  2. Iskae dusra sabse bada lakshan hai twacha par atydhik khujli hona tatha twacha ki moti parat nikalne par khoon ka aana.
  3. Iss rog ka saar hath, per aur nakhuno par bhi hota hai. Iske karan hath per ke nakhun vikrat roop le lete hai. Unka rang badal jata hai aur nakhun jad se nikal jate hai.
  4. Iske rogio mai jodo ke dard aur sujan jaise lakshan tatha sar mai yeh rusi ki tarah dikhai deta hai.

 

Psoriasis Causes

 

Home Remedies for Psoriasis: Iske Gharelu Upchar

Jaisa ki humne aapko bataya ki iss rog ki koi nihshit dawa nahi hai, lekin Home Remedies for Psoriasis ke dwara aap iss rog se mukti pa sakte hai. Aaiye jante hai kuch gharelu nuskhe-

 

 

Gwarpatha

Aloe Vera ek aisa aushdhiya poudha hai jo anek prakar se manushya sharir ke liye labhprad sabit hota hai. Twacha rogo ko bhi jad se nast karne mai bhi yeh sahayak hota hai. Gwarpathe ki patti ka ek tukda kaat lijiye, ab is eek taraf se chil lijiye taki iska guda dikhne lage. Iske guda ya gel ko isse prabhavit sthan par din 3 se 4 baar lagana chahiye. Lambe samay tak iske istemal se aap iss rog se purn roop se thik ho sakte hai.

 

Patta-gobhi

  1. Pattagobhi bhi ess rog mai asardar prabhav dikhata hai. Iska upper ka patta lijiye aur ise pani se dho le. Ab hatheli se dabakar sidha kar le. Ab ise halka sa garb karke prabhavit sthan par lagaye aur upper se suti kapda bandh lijiye. Yeh upchar ko din mai 2 se 3 baar kare bahut jaldi fayda milega.
  2. Iske alawa iska sup banakar niyamit subah shaam lene se bhi iss rog mai aaram milta hai.

 

Haldi

Yeh to sabhi jante hai ki haldi ghavo aur sankraman ko dur karne ke liye istemal ki jati hai. Yeh twacha rogo ko bahut jaldi thik karti hai. Haldi powder ko pani mai milakar lep bana le aur raat ke samay mai prabhavit sthan par ise lagaye tatha usbah tak laga rahne de aur subah ise pani se dho lena chahiye. Ise lambe samay tak karne se psoriasis rog thik ho jata hai.

 

You May Also Like: Haldi Benefits in Hindi: Janiye Turmeric ke Anmol Fayde

 

Baking Soda

Iske liye 1 liter pani mai 2 chammach baking soda mila lijiye aur ise toliye mai dubokar prabhavit sthan ko halke hatho se saaf karna chahiye. Isse bhi psoriasis mai labh milta hai.

 

Badam

Badam bhi iss rog mai accha parinaam deta hai. Aap 10 badam ko acchi tarah pis lijiye au rise ubal lijiye. Psoriasis se prabhavit stan par ise lagaye aur raatbhar laga rahne de, subah ke samay ise pani se dho le.

 

Chandan, Gulab Jal aur Shakkar

Chandam power ki 1 chammach matra au rise aadha liter pani mai ubal lijiye. Iska tisra hissa rah jane par ise utar le. Ab isme thoda thoda gulabjal aur shakkar mila le. Iss dawa ko din mai 2 baar sevan kare.

Iske alawa nimbu ke ras mai thoda sa pani milakar rog wale jagah par lagaye se bhi sukun milta hai. Sath hi nimbu ka ras har 3 ghnte ke antral mai din mai 5 baar pine se bhi twacha mai aaram pahunchata hai.

 

Balanced Diet

Iss rog se pidit vyaktiyo ko apne danik aahar mai hari pattedar sabjiya, phal, anaj aadi ka samavesh karna chahiye. Atydhik tala huya, masaledar, tikha bhojan nahi karna chahiye. Ayurved ke anusar, virudh ann lene se psoriasis hota hai jaise dudh aur phal sath mai khane se, dudh aur machali sath khane se aadi.

 

Pratidin Snan Kare

Iss rog se pidit vyakti ko din mai 2 baar halke garm pani se snas karna chahiye. Aisa karne se jami huyi chamdi ki parat nikalne mai aasani hoti hai aur twacha ka rukhapan kam hone lagta hai. Lekin dhyan rakhe snan karte samay adhik garm pani ya kisi bhi prakar ke chemical ka upyog nahi karna chahiye. Sath hi rogi ko apne towel aur rumal aadi ko alag rakhna chahiye.

 

Machli Ka Tel

Machli ke tel mai omega 3 fatty acid hota hai, jisse twacha ka rukhapan dur ho jata hai aur twacha mai nami ban jati hai. Yadi aap psoriasis ki bimari se pidit hai to prabhavit hisse pe iss tel ko halke hatho se lagaye. Aap chahe to fish oil se bani hui dawai ka bhi sevan kar sakte hai.
 

Arandi Ka Tel

Arandi ka tel ghavo ko bharne mai saksham hota hai, isi ke sath yeh twacha ko sudharne mai bhi madad karta hai. 1 chhoti chammach arandi ka tel le aur isme thoda sa baking powder milakar misharan bana le. Ab iss mishran ko prabhavit hisse par lagaye.
 

Nariyal Ka Tel

Nariyal ke tel ke istemal se twacha mai nami bani rehti hai aur twacha ka dryness khatam ho jata hai. Aap nariyal ka tel nahane ke 5 minute pehle lagaye aur bad mai naha le.
 

Psoriasis ki bimari se pure vishva mai 125 million log prabhavit hote hai.


Jivan Par Iska Prabhav Pratishat
Khud Ko Napasand Karte Hai 75% Log
Avsad Ke Shikar Ho Jate Hai 54%
Aarthik Pareshani 31%
Ghar mai Kam Karne Se Manai 8%

 

Aaj humne aapko Psoriasis Treatment in Hindi, ko vistar se bataya hai, taki aap bhi iss rog se parichit hokar tatha iske lakshan aur karano ko jankar tatha inn gharelu upcharo ko apnakar iss rog se bach sake. Yadi aap iss rog se pidit hai to aapko twacha rog chikitsak se bhi paramarsha jarur lena chahiye, kyoki har twacha rog psoriasis nahi hota hai. Isliye pahle rog ke bare mai acche se jaan lene ke baad hi uska upchar karna chahiye.