Subscribe Whatsapp

Honeymoon Tips in Hindi – Banaye Iss Wakt Ko Extra Special

Shadi ke bad lagbhag har couple honeymoon manane ke liye bahar jate hai. Duniya ki har ladki chahti hai ki uska honeymoon bahut khas ho. Honeymoon ka matlab uske liye sirf apne pati ke sath kahi jana hi nahi hai balki iss time ko hamesha ke liye yadgar banana hai.

Aapka honeymoon aapki jindagi ka sabse alag anubhav rehta hai, jise aap hamesha yad rakhte hai. Isliye husbands ko ise flight aur hotel book karne tak nahi rakhna chahiye.  Ise khas banane ke liye alag se kuch efforts lagana chahiye.

Yadi aap duniya ka sabse romantic place chun le aur waha baithkar kuch khas hone ka intejar karenge to kuch nahi hoga, siway ek boring din ke. Aapko kuch accha sochna padega, kuch naya sochna padega jisse aapka honeymoon, wakai honeymoon lage.

Yadi aapko nahi samjh aa raha hai ki aapko kya karna chahiye. Kya aapke partner ko pasand aayega kya nahi? To chinta mat kare aaj ham aapke sath share kar rahe hai Honeymoon Tips in Hindi, taki aap us wakt ko romantic bana sake.
 

Honeymoon Tips in Hindi: Happy Palo Ke Liye Khas

 
Honeymoon-Tips
 

Dono Ki Pasand Ki Jagah Ka Chunav Kare

Honeymoon Trip hi aesa wakt hai jaha aap puri tarah se free rahne wale hai. To aapko iss wakt ka bharpur aanand uthana hai, na ki bina planning kare ise spoil karna hai. Honeymoon ki jagah jab bhi aap plan kare to thoda soch kare.

  • Honeymoon ki jagah pati aur patni dono ki pasand ke hisab se decide karni chahiye. Kyoki yeh dono ka honeymoon hai.
  • Waha jakar aap kya kya activity kareng, kaha kaha jayenge, pehle se hi aesi planning kar le.
  • Apne kaam ko shadi ki date aane se pehle khatam kar le, yaki honeymoon ke wakt aapko kaam ka tension na rahe aur aap ise acche se enjoy kar paye.
  • Kisi sadharan jagah ka chunav karne ke bajay aesi jagah ka plan kare jo Honeymoon Destinations

 

Khas Room Ko Book Kare

  • Hotels mai room ki alag alag categories hoti hai. To aap aesa room book karwaye jo aapke honeymoon ke liye khas ho.
  • Yadi hotel mai kuch aesa nahi hai to aap sadharan room ko bhi upgrade karwa sakte hai.
  • Koshish kare ki aese room ka chunav ho jaha se ped, poudhe dikhte ho aur bahar ka najara accha ho.

 

Surprise Plan Kare

  • Honeymoon hi aesa wakt hai jab aap apne partner ko special feel karwa sakte hai. Ek dusre ko acche se jaan sakte hai. Iss time ko aapko thoda romantic banana hoga.
  • Aapko apne jivan sathi ke liye kuch surprises plan karne honge, jaisa ki aap tv mai dekhte aaye hai.
  • Iska matlab yeh nahi hai ki aap gifts se bhara bag laad ke le jaye. Lekin chote mote surprises to bante hai.
  • Wife apne husband ke liye room ko candle light se saja sakti hai. Husband apne wife ke liye chocolate aur flowers kharid sakte hai.

 

Apne Sathi Ke Liye Secretly Kuch Kapde Kharide

  • Aapko sunne mai bhale hi ajib lag raha hoga lekin yeh bhi aapko ek nai shuruwat karne mai madad karte hai.
  • Isliye jab bhi aap apne partner ke sath honeymoon par jate hai to unke liye kuch cloth aur lingerie kharide, jise aapne apne sathi ko nahi dikhaya ho.
  • Yadi aapka sathi naye kapde pehankar khubsurat dikhta hai to aap dono ko hi accha lagta hai.

 

Kuch Tasvire Le

  • Hamesha aapko kaha jata hai ki jab bhi aap ghumne jaye camera se jyada photos khichne ke bajay surrounding ko enjoy kare.
  • Lekin ham aapko suggest karenge ki honeymoon par aapko tasvire leni chahiye. Pati-patni sath mai selfie le. Selfie ke liye makeup accha kare.
  • Isse aapko ek dusre ke paas aane ka mouka bhi milega aur aap in moments ko baad mai enjoy bhi kar payengi.

 

Romantic Dinner

  • Aap dono ne shadi ke bandhan mai bandhkar sath rehne ka faisla kiya hai to ek romantic dinner to banta hai.
  • Husband apni wife ko ghumne kuch iss tarah le jaye jaise boyfriend apni girlfriend ko date par le jata hai.
  • Dono restaurant mai accha sa dinner kare. Khana aesa ho jo dono ke pasand ka ho.
  • Aese restaurant ka chunav kare jaha club bhi ho. Sath mai dance karna ek dusre ke karib aane ka sabse accha tarika hai.

 

Ek Pyar Bhara Hug aur Shayri

Hamare desh mai jyadatar shadiya arrange marriage hoti hai, isliye isme ladkiya husband ke karib jane se sharmati hai. Koi bhi pati apni patni ke sath ekdum jabarjasti naa kare. Pati apni patni ke liye shayri sunaye, uske aalingan kare aur pyar se uska hath pakad kar rakhe. Iss tarah se dhire dhire apni wife ke karib jaye. Yadi aa apne sathi ke sath sex karna chahte hai to behtar hoga yadi aap pehle anumati lenge.
 
Upar aapne jana Honeymoon Tips in Hindi. Yeh tips aapke honeymoon ko accha banane mai madad karegi. To intezar kis baat ka yadi aap bhi apni honeymoon trip ko plan kar rahe hai to thoda effort lagakar use khas banaye.