Subscribe Whatsapp

How to Curl Your Hair in Hindi: Baal Ghungrale Karne Ke Tarike

Aajkal har ladki apne baalo ko naya style dena chahti hai kyonki baalo ka style badalne par unke look mai bhi parivartan dekhne ko milta hai. Curl kiye huye baal hamesha fashion mai rehte hai sath hi yeh natural bhi lagte hai..

Kai ladkiya apne baalo ko ghungrale karne karne ke liye heat machine ka istemal karti hai, jisse baal kuch der to acche dikhte hai parantu bad mai wo rukhe tatha damage ho jate hai. Heat machine ka istemal karna aapke baalo ke liye bilkul bhi accha nahi hai.

Isliye aaj hum aapko aese natural tips batayenge jinko karne se aap natural curly hair pa sakti hai aur aapke baal bhi kharab nahi honge. Aaiye jante hai How to Curl Your Hair in Hindi.
 

Ghungrale Baalo Ke Liye Jane How to Curl Your Hair in Hindi

 
How to Curl Your Hair in Hindi
 

Baalo Ko Curl Karne Ke Liye – Curl Enhancing Gel

  • Iss gel ko lagane se pehle baalo ko khichkar bandh le, aur unn par clip ya clutch laga le. Iske bad baalo ke upar gel lagaye.
  • Iss gel ko lagane ke bad ise sukhne ke liye chhod de tatha jab bhi bahar jana ho baalo ko khula chhod de.
  • Aap baalo ko curl karne ke liye gel ka istemal kare parantu dhyaan rakhe chemical gel ki bajay herbal gel ka istemal kare, kyonki chemical gel aapke baalo ko nuksan pahuchate hai, jisse baal jhadne lagte hai.

 

Choti Ko Guth Ke Banaye

  • Gile baalo ke do hisse kar le aur dono bhag ke thode thode baalo ko lekar kai sari choti banale.
  • Choti ke aakhri hisse par clip ya fir rubber laga le aur rat bhar choti ko rehne de.
  • Acche curl pane ke liye chotiyo ko sahi tarike se khole kyonki baalo mai khanghi ya brush lagane par curl kharab ho sakte hai.
  • Yeh bahut hi Easy Way to Curl Hair hai.

 

Baalo mai Roller Lagaye

  • Aapko roller bajar mai aasani se mil jate hai, yadi aap bade roller lenge to bade curls aur chhote roller se chhote chhote curls banege.
  • Sabse pehle baalo ko kahghe ki sahayata se acche se sidha kar le aur dhyan rakhe aapke baalo mai uljhane na ho.
  • Iske bad baalo ko aadhe bhag mai baat le aur aur thode thode baalo ko lekar unme roller lagaye, iss tarah sare baal mai roller lag jayenge.
  • Roller ko karib 3 se 4 ghante tak lagaye rakhe, iske bad roller ko baalo se nikal de, aesa karne par aapko khubsurat curly baal mil jayenge.
  • Yadi aap inn khubsurat baal ke sath acchi si hairstyle bhi chahti hai to dekhe Hairstyles for Curly Hair in Hindi.

 

Kapde Ki Sahayata Se Kare Baalo Ko Curl

  • Sabse pehle kisi cotton ke kapde ki patli patli strip ko kenchi ki sahayta se kat le.
  • Ab baalo mai kanghi kar le, tatha chhote chhote baalo ke hisse kar le.
  • Iske bad baalo ka ek hissa le aur usme kapde ki patti ko baalo ke upar rakhte huye use baalo ke sath upar ki taraf moude.
  • Jab baal upar tak mud jaye to kapde ki ganth bande le aur baaki bache huye baalo ko bhi issi tarah kar le.
  • Baalo ko kuch ghante ke liye aisa hi chhod de tatha jab aapko party mai jana ho tab baalo ko khole iss tarah aapko natural curly baal mil jayenge.

 

Baalo mai Waves Ke Liye 

  • Yadi aap aapke baalo mai halka sa waves chahti hai aur How to Get Wavy Hair jaise question talash rahi hai, to yeh tarika aapke liye faydemand hai.
  • Iske liye baalo par spray ki sahayata se pani chidke.
  • Ab baalo ko kanghi se suljha le aur unhe sidha kar le tatha baalo ko do hisse mai baant le.
  • Iske bad dono hisso mai baalo ko acche se twist kar le taaki wo khule na.
  • Ab twist kiye hue baalo ka dono taraf se bun banaye aur unhe puri rat ke liye chhod de.
  • Subah uthkar baalo ka bana bun khole aap aapke baalo mai halke waves payegi jo aap chahti thi.

 

Baalo mai Twist Curl Paye

  • Baalo ko acche se wash kar le aur towel se sukha le.
  • Ab baalo ko kanghe se acche se suljha le tatha unhe do hisse mai bant le.
  • Iske baad baalo ko twist karte huye sar ke upar ki taraf bun bana kar unn par clip laga le.
  • Isi tarah dusri taraf bhi baalo ka bun bana le dhyan rakhe baalo ka bun tight hona chahiye.
  • Inn bun ko karib 4 se 6 ghante ke liye rehne de ya fir puri raat rehne de.
  • Ab baalo ko khole, isse aap aapke baalo mai twist curl payegi jaisa aap chahti thi.

 
Upar aapne jana How to Curl Your Hair in Hindi. Inn hairstyle ka upyog karke aap har roj naya look paa sakti hai. Iske alawa inn naye look ke sath aapke college aur party mai sabse alag aur aakarshak dikhai dengi.