Subscribe Whatsapp

Masoor Dal Benefits in Hindi: Jane Lentils Se Milne Wale Labh

Masoor ki daal ka prayog pure bharat mai kiya jata hai. Iski kheti jyadatar sheetal jalvayu wale shetra mai ki jati hai. Yeh daal laal rang ki hoti hai. Masoor ki dal swadisht hone ke sath-sath pachan ki drashti se bhi labhdayak hoti hai. Iss daal mai calcium, phosphorous, sodium, magnesium aur sulfur aadi tatv hote hai jo ki hamare swasth ke liye faydemand hote hai.

Isme upasthit sabhi khanij tatv hamare sharir ko kai prakar ki bimariyo se dur rakhne mai madad karte hai. Masoor ki daal hamare sharir ki sujan dur karne, ghav bharne aur rakt ko badhane aadi mai sahayak hoti hai. Iske alava yeh hamari twacha ke liye bhi bahut faydemand hoti hai.

Bahut se log masoor daal ka prayog apni sundarta ko badhane ke liye bhi karte hai isse bana face scrub twacha ke rom chhidro ko saaf karta hai, jisse hamari skin chamakdar aur sundar dikhayi dene lagti hai.

Iske alava masoor ki daal ke aur bhi faydo ke bare mai janne ke liye yaha padhe Masoor Dal Benefits in Hindi aur rakhe apni sehat aur sundarta ka sahi tarha se khayal.
 

Masoor Dal Benefits in Hindi: Iss Tarah Se Faydemand Hai Yeh Dal

 
Masoor Dal Benefits in Hindi
 
Masoor ki daal hamare swasth ke liye kai tarah se faydemand hoti hai to aaiye jane Masoor Dal Benefits.

Cholestrol Level Kam Kare

Masoor ki daal fiber ka bahut accha strot hota hai jisse yeh hamare sharir mai bahut acche se ghul jata hai aur pitt aadi ko dur karne mai sahayak hota hai. Sath hi yeh sharir ke bad cholesterol ko kam karne mai bhi madad karta hai.
 

Rakt Se Sharkra Level Kam Kare

Masoor daal mai upasthtit ghulanshel fiber, carbohydrate ko trap karne ka kam karta hai jisse hamare khun mai sharkara ki matra nahi badh pati hai. Iss prakar yeh madhumeh se grasit rogiyo ke liye bhi faydemand hoti hai.
 

Stan Cancer Ke Liye

Shodo se pat chala hai ki masoor ki dal kai prakar ke anti-oxidant, anti-bacteria guno se bharpur hoti hai sath hi isme flavonoid ki matra bhi hoti hai. Yeh gun mahilao ko stan cancer se bachane mai madad karta hai.
 

Dil Ke Liye Faydemand

Masoor ki daal mukhya rup se dil ko hone wali kai prakar ki coronary samasyao se chutkara dilane mai madad karti hai.Iss daal mai upasthit fiber, rakt se cholesterol ke level ko kam karta hai. Iske alava yeh dhamaniyo mai rakt ka thakka banne se bhi rokta hai jisse masoor ki dal attack jaisi khatarnak bimariyo se bhi bachane mai madad karta hai.
 

You may also like:- Vitamin E Benefits in Hindi: Swasth Ke Liye Faydemand

 

Masik Dharm

Masoor ki daal hame kai prakar ki bimariyo se bachane ke alava urja bhi pradan karta hai. Yeh hamare energy ke level ko badhati hai sath hi khun ki kami ko bhi pura karne mai madad karti hai. Isme upasthit iron hamare sharir mai khun ki matra ko kam nahi hone deta jisse mahilao ko hone wali mahvari chakra mai bhi dikkat nahi aati hai.
 

Twacha Ke Liye Faydemand

Masoor ki daal hamari twacha ke liye kai tarah se faydemand hai. Janne ke liye yaha padhe Masoor Dal for Skin.

  1. Masoor Dal Ka Face Pack:- Dhuli hui masoor ki dal ko dhudh mai bhigokar rat bhar ke liye rakh de. Ab ise subah pees le. Iss prakar bane ubtan ko apne chehre par lagaye. Aesa rojana karne se sawali padi twacha ka rang gora ho jata hai aur chehra kantimay ho jata hai.
  2. Garmiyo mai masur ki pisi dal ko lekar isme shahad aur dahi ko milaye aur chehre par lagaye. Isse aapko chehe par thandak mehsus hogi aur garmiyo mai hone wale pimples se bhi chutkara milega.
  3. Masoor Dal for Skin bahut hi faydemand hai. Yadi chehre aur peeth par bahut adhik muhase pad gaye hai to masoor ki daal se bana face pack bahut labhkari hota hai. Iske liye masoor ki dal aur chaval ko dardara pees le ab isme chandan powder, multani mitti aur santre ke chilke ko sukhakar pees le. Fir jab bhi aap ise lagana chahe tab 2 chammach khire ka ras milakar chehre par laga le aur fir sukhne ke bad chehra dho le.

 

Masoor Dal Benefits in Hindi: Anya Fayde Inhe Bhi Padhe

  1. Masoor ki dal se bane soup ko pine se aanto se sambandhit pareshaniyo se chutkara milta hai.
  2. Masoor ke aate mai ghee aur dudh ko milakar chehre par lagane se chehre ki jhaiya dur ho jati hai.
  3. Masoor ki dal ko khane se sharir mai khun ki matra badhti hai aur sharir durbal nahi banta hai.

Upar aapne jana Masoor Dal Benefits in Hindi. Yadi aap bhi apne sharir ko swasth aur sundar rakhna chahte hai to aaj se hi masoor ki dal ka sevan kare.