Yeh Kare Yadi Sambhog ke Douran Condom Break ho Jaye
Sex ke douran kai baar Condom Break ho jata hai. Aamtour par aisa tab hota hai jab use ya to sahi prakar se pehna na gaya ho athwa wah expire ho chukka ho. Isse aapko youn sancharit rog hone ka khatra badh jata hai. Saath hi unchahe garbh ki ashanka mai bhi ijafa hota hai. Unchahe Garbh se Chutkara pane ke liye ke liye humesha satarh rahe.
Sex ke douran kai baar condom fat jata hai. Isse bachne ke liye aap sahi dhang ek baar check kar ke hi pehne. Taki aapke partner ko unchaha garbh na ho sake. Isse bachne ke liye aapko kafi satarh rehna hoga.
Yadi aapke saath aisa kuch hota hai to ghabraye nahi aur panic na ho. Iss pareshani ko acche se shant dimaag se solve kare. Durghatnaye hoti rehti hai, ek dusre par dosh lagane ka koi fayda nahi hota hai.
Jarurat iss baat ki hai ki aap sanyam se kaam le aur iss baat ko pehchane ki aakhir aapko iss waqt kya karna chahiye. To aaiye hum aapko aaj batate hai ki iss situation mai aapko kya karna chahiye taki aap unwanted pregnancy se bach sake.
Sex ke Douran Condom Break Ho Gaya Ho to Inn Tariko Ko Apnaye
-
Ruk Jaye:-
Yadi sambhog ke douran Condom fat gaya hai, to sabse pehle sambhog kriya ko rok de. Anyatha isse aapko tatha aapke saathi ko sankramit hone ka khatra kafi badh jata hai. Aapko chahaiye ki sanyam rakhe aur khud ko iss prakriya se foran alag kar le.
-
Shant Rahe:-
Koshish kare ki aap shant rahe. Gusaa karne se kuch nahi hoga. Gussa anyatha asanyam stithi ko sudhar nahi sakta, waran isse paristhitiya aur kharab hoti hai. Jaldbaji na kare isse galat faisle lene ki ashanka badh jati hai.
-
Janch Karaye:-
Yadi sambhog ke douran condom fat gaya hai to 7 dino baad youn rogo ki janch karwaye. Yaid aapko kisi prakar ki samasya ho athwa koi lakshan 7 dino se pehle nazar aa jaye to foran chikisiya sahayata le.
-
Safai Hai Jaruri:-
Sambhog ke douran yadi condom fat jaye to mahila ko sabse pehle apne shronik kshetra ko saaf kar lena chahiye. Isse aapko khud ko sankraman se bachane mai madad milegi. Iss baat ka dhyan rakhe ki youni ko bahar se hi saaf kare. Yadi aap use andar se saaf karne ka prayas karegi to bacteria aur anya sankraman andar ja sakte hai. Isse aapko sankraman ka khatra badh jata hai.
You may also like:- Benefits of Condoms: Nirodh ke Bemisaal Fayde
-
Plan B Apnaye:-
Unchahe garbh se bachne ke liye foran plan b apnaye. Aapko chahiye ki foran garbhnirodhak goliyo ka sevan kare. Isse aapko unchahe garbh ke khatre se mukti milegi. Adhiktar goliyo ka sevan sambhog ke 72 ghante baad tak kiya ja sakta hai, lekin yadi inka sevan pehle 24 ghante mai kar liya jaye to yeh adhiktar karagar hoti hai.
-
Purush Kya Kare:-
Purush ko chahiye ki apne jannango ki acchi tarah safai kar le. Visheshkar ling ki andruni twacha ki safai ki sahi prakar safai ki jani jaruri hoti hai. Yadi safai mai kisi prakar ki kami reh jaye, to aapko youn rog hone ka khatra badh jata hai. Iske saath hi mutra tyaag kare. Isse bhi khatra kafi had tak kam ho jata hai.
-
Guda Sambhog ke Douran:-
Foran sexual activity rok de aur apne saathi se alag ho jaye. Apne jannango ki sahi prakar safai kare. Mutra tyag kare. Atirikt virya bahar nikal aayega aur aapko sankraman ka khatra kam hi jayega.
-
Bhavishya ke Liye Vichar Kare:-
Jab aap aapat stithi se bahar aa jaye, to vichar kare aakhir aisa kyu huya. Jankar kehte hai ki aisi durghatna aasani se nahi hoti hai. Test kare ki aisa kyu huya. Kya aapne condom sahi prakar pehna tha ya uski quality acchi thi athwa nahi. Kya condom purana athwa expire tha. Agar aapko iska karan pata chal jaye, to aapke liye bhavishya mai aisi durghatna se bachna aasan hoga.
Inn sab chizo ko dhyan mai rakhkar aap ek aur chiz ka bahut dhyan rakhe ki aapko sex ka sahi tarika pata hai ya nahi. Yadi pata bhi ho to jarur dekhiye Sex Tips in Hindi aur banaiye apni sex life ko happy.
Upar aapne jane Condom Break ho jane par kya karna chahiye aur kese unchahe garbh se bachna chahiye ke aasan tarike. Inn upay ko humesha yaad rakhe aur apne saathi ke saath sahi tarike se enjoy kare.
