Surakshit Sambhog – Sex Karne Ke Tarike
Sex Karne Ke Tarike – Rishte shuru hote hai, rishte khatam ho jate hai. Lekin ek rishta aisa hota hai jo waqt ke saath aur gehra ho jata hai. Wo pyar hai aur iss rishte ka naam pyar aur sex ka rishta kehlata hai. Akarshan rishte ka bijaropan to kar deta hai, lekin kitni dur tak lekar jana hai yeh aap par nirbhar karta hai. Aur agar dono apne rishte ko sex tak lekar ja rahe hai, to phir aapko kuch baato ka khayal rakhna jaruri hai. Kyuki baat jab sex ki ho to aap suraksha ko nazarandaaz nahi kar sakte.
Humara kehne ka arth yah nahi ki aap ashlil baate karne lag jaye. Agar aap apne saathi ke saath pehli baar sex karne ja reh hai, to kuch baato par jarur baat kare. Youn rog, youn saathi aur anya baato ke bare mai baat kar lena chahiye. Sex se pehle aap dono ka ek hi dharatal par hona jaruri hai.
Sex Karne Ke Tarike – Sambhog se Pehle Inn Baato ka Jarur Khayal Rakhe
Condom ka Upyog
Chahe aap pehli baar sambhog karne ja rahe ho ya phir aap anubhavi ho, condom suraksha ka sabse bada jariya hai. Yeh na kewal aapko unchahe garbh se bachata hai, balki yeh HIV/Aids aur anya kai youn rogo se bhi aapki suraksha karta hai. Aur haa, ek samay mai ek hi condom pehne, do condom pehanane se aapko nuksaan hi hoga. Janiye Benefits of Condoms aur rahiye swasth.
You may also like:-Yeh Kare Yadi Sambhog ke Douran Condom Break ho Jaye
Lubricated Condom
Sambhog ke liye lubricated condom hi istemaal kare. Lubrication na sirf condom ko fatne se bachata hai, balki isse pehanana aur istemaal karna bhi aasan hota hai. Itna hi nahi adhik lubrication se aapki mahila saathi ko sambhog ka adhik anand aata hai.
Saathi ke Liye Rahe Wafadar
Apne saathi ke prati wafadar rehkar aap youn sancharit rogo ke khatre ko kam kar sakte hai. Yaad rakhe, jab aap kisi saathi ke saath sambhog karte hai, to kahi na kahi aproksh roop se aap unn sab logo ke saath jud jate hai, jinke saath uss vyakti ka sambhandh raha hai. To aise mai behtar hai ki aap apne saathi ke prati wafadar rahe.
Condom Phir Bhi Hai Jaruri
Bhale hi aap kewal apne saathi ke saath hi sambandh bana rahe ho, lekin phir bhi condom ka koi vikalp nahi hai. Aur aap iski andekhi nahi kar sakte hai.
Sharab se Faisle Par Asar
Kai galat faisle sharab aur drugs ke liye prabhav mai liye jate hai. To sexual kriya se pehle aur douran alcohol ya anya nashile padartho ka sevan na kare. Isse aapki sex life par bura asar padta hai aur saath hi aapki viyra ki kshamta bhi kam hoti hai.
Oral Sex se Bache
Oral sex sekai prakar ke sankraman ho sakte hai. Kai aise udaharan bhi samne aaye hai, jab oral sex se vyakti ko cancer hone ki baat samne aayi hai. Isse bachne ka ek hi tarika yeh hai ki oral sex karte huye aap condom ka upyog kare. Bazaar mai aajkal flavor condom uplabdh hai. Haa, sambhog ke liye samanya lubricated condom ka hi istemaal kare.
Jo Na Ho Pasand Wo Na Kare
Sex puri tarah se aapki niji pasand ka mamla hai. Kisi prakar ke dabav mai aakar sex na kare. Jab tak aap puri tarah se asvasth na ho, iss kriya se duri hi rakhe. Surakshit rahe, tabhi aap behtar aur anandayak sex ka ananad utha payege.
Upar aapne jane surakshit sex karne ke tarike. Inn tariko ko apnakar aap apni sex life ko acche se bita sakege aur aap dono swasth rahege.
