Subscribe Whatsapp

Summer Beauty Tips in Hindi: Garmiyo Mai Aese Kare Dekhbal

Garmiyo ke din aa rahe hai aur iss mosam mai hame apni twacha aur balo ki dekhbal par aur bhi jyada dhyan dene ki jarurat padhti hai. Inn dino mai chalchalati dhup aur dhul pasina, mitti ki wajeh se hamare chehre ki twacha aur baal kharab ho jate hai.  Suraj se nikalne wali hanikarak kirne hamari twacha ko kala aur rukha bana deti hai. Isliye garmiyo mai suraj ki kirno se khud ka bachav karne ki bahut jarurat hoti hai.

Darahsal garmiypo mai tapman bahut adhik badh jata hai. Isliye hamne apne baalo aur twacha ki dekhbhal ke liye kuch alag tips aur nuskho ko apnana chahiye. Yaha padhiye Summer Beauty Tips in Hindi, iski madad se aap apne baalo aur twacha ki acchi tarah se dekhbhal kar sakte hai.

Garmiyo ki tej dhoop aur dhul mitti se aap apni twacha ko bacha to nahi sakti hai lekin diye gaye beauty tips ki sahayta se aap apne chehre aur baalo ko suraksha kavach to de sakte hai. Isme ham aapko kuch aese nuskho ke bare mai batayenge jinki madad se aap apne aap ko cool dikha sakte hai. Iske alava yeh nuskhe aapko kudarati aur prabhavi nikhar dekar aapki twacha ki acchi tarah se dekhbhal kar sakte hai.
 

Summer Beauty Tips in Hindi: Baal Aur Twacha Ki Kare Dekhbhal

 
Summer Beauty Tips in Hindi
 

Hydrate Rahe

Garmiyo ke dino mai twacha ki behtar dekhbhal ke liye sabse jyada jaruri hota hai hamesha hydrate rehna. Aaspas ke vatavaran ka sharir se adhik tapman hone ki wajeh se sharir ka pani jaldi sukh jata hai jisse twacha aur baal rukhe aur bejan se ho jate hai. Isliye garmiyo mai rojana kam se kam 12 se 18 glass pani jarur pina chahiye. Jisse sharir ki twacha aur baalo ko pani ki kami mehsus na hone paye.
 

Jab Tak Twacha Saaf Na Ho Tab Tak Nahaye

Garmiyo mai dhup se aane ke bad sharir mai bahut sa pasina aur dhul mitti ke kan chipke huye hote hai jo ki baal aur twacha ko nuksan bhi pahucha sakte hai. Isliye kahi se aane ke bad sharir ko puri tarah se saaf karne ke liye nahana bahut jaruri hota hai. Nahane se sharir aur baalo se saari gandagi aur twacha ka tel, pasina dur ho jata hai aur twacha aur baal bhi chamakdar bante hai.
 

Sweat Proof Makeup Kare

Yadi aap makeup karna bahut pasand karti hai to aap sweat proof makeup ko apne daily routine mai shamil kar sakti hai. Aese products, sharir mai pasina aane ke bad bhi jaldi nahi hatta aur din bhar aapki sundarta ko banaye rakhne mai madad karta hai.
 

You May Also Like:- Orange Peel Face Pack in Hindi – Rakhe Aapki Twacha Ka Khayal

 

Sun Screen Lagaye

Garmiyo mai twacha ko sabse jyada nuksan surya ki kirno se hota hai. Isliye twacha ki dekhbhal ke liye hame ghar se nikalte samay twacha par sun screen lagakar nikalna chahiye. Sunscreen hamari twacha ko cover kar surya ki hanikarak kirno aur tanning se bhi suraksha pradan karta hai.
 

Fresh Juice

Apni twacha ki behtar dekhbhal ke liye phalo ke ras ka bhi istemal kiya ja sakta hai. Phalo ka ras twacha ko kharab aur damage hone se bachata hai. Isliye aap kisi bhi phal ke ras ko raat mai sote samay laga sakte hai aur subah uthte hi dho sakte hai. Isse aapke chehre ki twacha healthy aur sundar bani rahegi.
 

Baalo Ki Kare Sahi Dekhbhal

Garmiyo mai hame apne baalo ko rojana dhulne ki jarurat hoti hai. Inn dino bahar ki dhup, pasina aur dhul-mitti ki wajeh se baal rukhe se ho jate hai. Isliye baalo ko rojana natural aur chemical free shampoo ke istemaal se dhona chahiye. Iske alava garmiyo mai hame apne baalo mai conditioner ke istemal se bachna chahiye kyonki conditioner hamare baalo ko aur bhi chipchipa bana deta hai.

Iske alava aap apne baalo ko rukha hone se bachane ke liye aloe-vera, pyaj ka juice, ande ka safed bhag ya fir heena ke products se bane kisi bhi prakar ke hair mask ka istemal kar sakti hai. Iske sath hi baalo ki dekhbahl ke liye kisi bhi freeze serums ka istemal kar sakti hai.
 

Baalo Ki Brushing Karna

Nahane ke bad apne baalo ko saaf suthre towel se sukhana bahut jaruri hota hai. Geele baalo mai kabhi bhi comb ka istemal nahi karna chahiye. Kyoki geele baalo mai comb karne se baal jaldi tutte hai.
 

Summer Beauty Tips in Hindi: Inn Nuskho ko Bhi Apnaye

  1. Garmiyo ke dino mai twacha par all purpose creams ka istemal karna chahiye.
  2. Yadi aapko dhup mai jyada samay tak rehna padta hai to adhik se adhik nimbu pani piye.
  3. Garmiyo mai dhup se bachne ke liye nimbu ka ras aur alsi ka tel barabar matra mai milakar chehre par 15 minute tak lagaye.
  4. Sarso, badam, rogan ya fir jetun ke tel se sharir ki malish kare. Aesa karne se sharir ki khushki dur ho jati hai.
  5. Baalo ki dekhbhal ke liye avocado, anda ya fir tel ke tel se bane hair mask ka istemal kare. Inme upasthit vitamin E aur faty acid baalo ko poshan dene ka kam karta hai.
  6. Garmiyo ke dino mai swimming pool mai nahane se pehle swimming cap jarur pehnna chahiye. Isse baalo ko chlorine ke asar se bachaye ja sakta hai.

Upar aapne jana Summer Beauty Tips in hindi. Yadi aap bhi garmiyo mai apne baalo aur twacha ki sahi se dekhbhal karna chahti hai to diye gaye tipso ko apnaye aur dikhe sundar.