Vrikshasana in Hindi: Jane Tree Pose Ki Vidhi, Labh

Aajkal ke logo ki dincharya itni vyast ho gai ki log pura samay kaam mai hi vyast rehte hai. Kaam ki vyastata, aage badhne ki hod ke chalte tanav ki samasya kafi bad gayi hai.

Pehle tanav sirf vyask vyakti  mai dekhne ko milta tha lekin aajkal bacche bhi iss tanav ka shikar ho gaye hai. Yadi yeh tanav lagatar bana rehta hai to ise avsad ka roop lene mai jyada samay nahi lagta hai.

Tanav to kabhi khatam nahi ho sakta lekin yog ka sahara lekar aap isse hone wali pareshaniyo se bach sakte hai. Yog karne se keval tanav hi dur nahi hota balki yeh aapko kai sari bimariyo se bhi bachata hai tatha ise karne se aap sukhi jeevan pate hai. Isliye sabhi ko apni dincharya mai yog ko jarur shamil karna chahiye

Vrikshasna karte wakt vyakati ki aakrati ped ke saman dikhai deti hai isliye ise Vrikshasna kaha jata hai. Angreji mai ise Tree Pose kaha jata hai. Ise karne se sharir se tanav dur hota hai aur mansik santulan bana rehta hai. Iss aasan ko yadi roj kiya jaye to aap iske kai laabh pa sate hai.  Iski puri jankari pane ke liye padhiye Vrikshasana in Hindi.
 

Vrikshasana in Hindi – Tanav Se Nijat Dilane mai Sahayak

You may also Like:- Butterfly Yoga Benefits in Hindi – Titli Aasan Ke Fayde Janiye

Vrikshasana Steps: Ise Karne Ki Vidhi

Iss aasan ko karne ke liye sabse pehle samtal jameen par savdhan mudra mai khade ho tatha dhyan kendrit karne wale bindu ka chunav kare.

Ab dono pairo ko ek dusre se thoda dur karke khade ho jaye tatha daye pair ko jameen par rakhe aur baye pair ko guthno se modte huye daye pair ke jangho par rakhe. Iske pashchat dono hatho ko namaskar mudra mai rakhkar chaati se lagaye tatha balance banate huye dono hatho ko upar ki taraf le jaye.

Iss prakriya mai sar aur kandhe ko ekdum sidh mai rakhe tatha  dhyan kendrit kare. Iss avstha mai shuruvaat mai 30 second aur dheere dheere samay sima bada kar 1 se 2 minute kar le. Iss aasan ko dono pairo se 2 se 5 bar dohraye.
 

Vrikshasana Benefits in Hindi:  Tree Pose Ke Labh

1. Iss asana ko karne se sharir balshali banta hai.
2. Vrikshasana gardan ke dard se jald nijaat dilta hai.
3. Yeh kulhe tatha kamar ke motape ko dur karta hai.
4. Sharirik dard jaise guthne ke dard mai isse rahat milti hai.
5. Iss aasan ko karne se pairo tatha pet par jami atirikt charbi hat jati hai.
6. Mansik tanav ko dur karne mai bhi vrikshasana bahut madad karta hai.
7. Vrikshasana sharir ko sudol banaye rakhta hai Iss asana ko karne se  peeth tatha sine mai  aaram milta hai.
8. Tree Pose in Yoga ke kai fayde hai. Jab aap iss aasan ko karte hai to aapko sharirik aur mansik dono taraf se labh pahuchta hai, iska fayda pane ke liye subah jaldi uthkar iss aasan ko kare.
9. Jin logo ko chalne ka kaam sabse jyada padta hai unke liye yeh aasan bahut accha hota hai,   kyonki iss aasan ko karne se pairo aur takhno mai lachilapan tatha majbooti aati hai.
10. Jab aap ek jagah dhyan kendrit karte ho to isse aapki ekgrata badti hai tatha yaddasht shakti bhi badti hai. Bacche yadi iss aasan ko karenge to unka padhai mai man lagega aur bado ko nokri aur vayapar mai saflata milegi.

You may also like:- Kapalbhati Benefits: Weight Loss Karne Mai Sahayak

Vrikshasana Precautions: Jane Savdhaniya

Har aasan ko karne ke kuch niyam ka palan karne ke sath savdhaniya ko bhi  dhyan mai rakhna jaruri hota hai, tatha kisi bhi  aasan ko karne se pehle yog guru ya visheshgya ki sahayta lena chahiye . Kyonki galat mudra ka abhyaas aapke sharir par nakaratmakprabhaav dalta hai..

yadi aap aasano ki mudra mai kuch galti karenge to visheshgya aasan ko karne ki sahi salah aapko denge Isliye jab aap iss  aasan ko kare batai ja rahi savdhaniyo ko jarur dhyan mai rakhe.

1. Grabhavati mahilaye ko vrikshasana nahi karna chahiye.
2. Yadi aapko uccha raktchaap ki bimari hai to aap iss aasan ko na kare.
3. Agar aapko anidra ya nind se judi koi bhi samsya hai to yeh aasan aapke liye nahi hai.
4. Yadi aapke pairo mai chout lagi hai to iss  aasan se duri bana le tab tak chout thik nahi ho jati.
5. Yadi aapko sar dard ki pareshani hai to iss asana ko bilkul na kare nahi to yeh mansik tanav dur karne ke bajay tanav bada dega.

 
Upar aapne jana Vrikshasana in Hindi. Yadi aap bhi uprokt labh pana chahte hai to iss aasan ka abhyas jarur kare. Kintu haaIss aasan ko apni shamtanusar kare  kyonki isme pure sharir ka bhaar ek hi pair par hota hai.