Subscribe Whatsapp

After Breakup Tips in Hindi – Kya Kare aur Kya Na Kare?

Jindagi mai ek samay aisa aata hai. Jab aap kisi ko bahut pasand karne lagte hai. Aur dhire dhire yeh pasand pyar mai tabdeel ho jati hai. Jab ek dusre ke prati sneh adhik badh jata hai to pyar mai pade vyakti samne wale ke sath puri jindagi bitane ka sochne lagte hai.

Lekin har bar stithi ek si nahi rehti hai. Jindgi mai kai bar rishto ko lekar badlav aate hai. Kuch badlav unn logo ko lekar bhi aate hai, jinko aap apni jindgi mai bahut tvajjo dete hai. Bhale hi do logo ne pyar ki shuruwat mai sath jine marne ki kasme kahyi ho lekin yeh pyar aakhri tak bane rahe hai, aesa har bar nahi hota. Bahut bar yeh rishte tut bhi jate hai, aur ise hi breakup kaha jata hai.

Ham mai se kai log kabhi na kabhi breakup ki paristithi se gujarte hai. Jab aapka rishta tutta hai to aap bilkul tut jate hai. Aese mai khud ko sambhal pana bahut mushkil hota hai. Iss paristhiti mai bahut jaruri hai ki koi apna aapke pass ho aur aap uss dukh ko kisi bhi tarah apne andar se bhahar nikal sake.

Pyar mai padne ke bad aapko har samay us vyakti ki aadat pad jati hai. Aapke patner ke bina aapka man nahi lagta hai. Yadi ham kahe ki breakup sabse dukhdai lamha hai to yeh kehna galat nahi hoga. Kyuki dil ka tutna sharirik dard se jyada dardnaak hota hai. Jaha aapka mansik santulan prabhavit hota hai. lekin jo beet gaya use jane de. Breakup ke dukh ko apne upar haavi na hone de. Samaya ke sath dhire dhire breakup ke ghav bhi bhar jayenge. Aaiye iss paristhiti se nipatne ke liye vistar se jane After Breakup Tips in Hindi.
 

After Breakup Tips in Hindi: Dukh Ko Kahe Alvida

 
After Breakup Tips in Hindi
 

Dukh Ko Apne Andar Na Rakhe

Breakup ke bad kai log apne dukh ko bahar nahi nikalne deta hai. Weh andar hi andar usko lekar pareshan hote rehte hai. Lekin yeh galat hai aapko apne dukh ko kisi na kisi madhyam se bahar nikalna chahiye. Aap ro kar ya takiye ko lat ghusa markar apne gusse ko bahar nikale. Isse aap apne andar accha mesus karenge.

Aur akele rehne ke bajay apne dosto ke sath ghume. Aap chahte to apne karibi dost ko apne man ki baat batakar apna man bhi halka kar sakte hai. Isse ho sakta hai wo aapko inn sab se bahar nikalne mai madad kare.
 

Apne Premi Se Bat Na Kare

Yadi aapka breakup ho gaya hai to iske piche sirf ek hi wajah hai ki samne wala ab aapke sath koi rishta nahi rakhna chahta hai. Isliye breakup hone ke bad aap unse bat karne ki koshish nahi kare. Na hi unhe fir call karne ki koshish kare ya aise bat kare jaise kuch hua hi na ho. Unhe aap se fir se pyar karne ke liye majbur karna sahi nahi hai. Aisa karne se aapka ex aapse aur dur bhagne ki koshish karega jisse aapko accha nahi lagega. Aur aap jin bhavanao ko apne se dur karna chahte hai, vo aur jayda aakramak ho jayegi.
 

You may also like:- Love Marriage vs Arranged Marriage in Hindi: Rishte Zindagi Ke

 

Khud Se Pyar Kare

Jab kabhi aap aesi stithi mai ho to apne aap se jyada pyar kare. Shopping ke liye jaye. Apne aapko pamper kare, naye naye kapdo ko pehankar apne aapko aur khubsoorati ke sath sanware. Aisa karne se aap mai aatmvishvas badhega. Iske atirikt naye dost banaye, unke sath outing kare, movie dekhne jaye. Iss tarah jab aapne aapko vyast rakhenge aapko unka khyal bhi nahi aayega.
 

Social Media Sites Par Na Ho Connection

Yadi aap apne ex se facebook ya fir internet ke kisi anya madhyam se jude hai to usse alag hat jaye. Relationship Advice ke anusar aisa karne se aapka dhyaan unke photo aur status par jayega. Jisse aap unki taraf aur aakrshit honge. Aur ye sab baten aapki yado ko taja karti hai. Isliye aapko khud par sanyam rakhna hoga. Agar aise samay mai aapko aapke ex ko block bhi karna pade to bina hichke unhe block kar de.

Aapki jindagi mai aaye iss akelepan ko kisi ke sath bate. Agar man kare to acche video dekhe. Apne aap ko kisi na kisi tarah vayst rakhne ki koshish kare. Iss tarah apni jindgi mai chhoti chhoti aadto ke dwara badlav laye.
 

Khud mai Parivartan Na laye

Kai bar dekha gaya hai log breakup ke bad apni style change kar lete hai. Jisse wo apne aap mai parivartan mehsus karte hai. Jaise ki wo apni hair style, dressing sense badalna, ya fir tattoo gudwa lete hai. Aisa karne se wo apne aapko ek parivartit vayakti ke rup mai ubhar kar aate hai, jiska ex boyfriend ya girlfriend se koi sambandh na ho.

Yeh aapko sakaratmak urja deta hai. Lekin ye tab tak hi kare jab tak yeh galat na ho. Kyoki kai log itna badal jate hai ki wo apni pehchan hi kho dete hai. Inn sab ko karne se accha hai aap apne andar badlav ko lakar sab kuch bhulkar aage bade. Thodi kathnai jarur hogi par aapko aage badne mai jarur madad milegi.
 
How to Deal With Break Up
 

Acche Mitro Ke Sath Rahe

Breakup ke bad dosto ke sath wakt bitana accha hota hai. Apne andar ki bhavnao ko kisi na kisi dost ke sath share jarur kare. Jo mitra aapko samjhte ho tatha jo aapko iss paristhiti se bhahar nikalne mai acche se madad kar paye. Agar aapke mitra aapko satvana dete hai to unhe dene de. Isse aap unn pehluo par bhi sochenge jin pehlu ki taraf aapka dhayan nahi ja raha ho. Isse aap kaafi had tak accha mehsus karenge. Aisa karne se aap apne mitro ke aur karib bhi aa jayenge.

Agar aapke mitra aapko kahi na kahi vyast rakhte hai. To unhe aisa karne se na roke. Kyuki agar wo aapke sacche mitra hai to wo aapko kahi na kahi vyast rakhne ki koshish jarur karenge. Iss mushkil samay se nikalne ke liye unn par nirbhar rahe.

Aapke mitra aapko sakaratamak soch ki taraf le jayenge. Jab bhi aap purani bato ko sochkar adhik bhavuk hone lagenge to aapko ehasaas karwaenge ki duniya kitni haseen hai. Aapka wo rishta itna hassen nahi tha jitna aap usko bana rahe hai. Aapko aapke mitra vartman vastvikta se rubaru karne mai madad karenge. Yeh sabse acchi Breakup Advice hai.
 

You may also like:- Relationship Advice in Hindi: Rishto Mai Galti Karne Se Bache

 

Purani Bato Ko Bhulakar Aage Bade

Aap purani bate tab tak nahi bhula payenge jab tak aap aapke partner ko maaf na kar de. Har rishte ka prarambh aur antim charan hota hai. Shayada aapki jindgi mai ex sathi ka sath yahi tak hoga. Shayad iss breakup ke liye koi bhi jimmedar nahi hoga.

Har pehlu par soche vo vyakti aapki jindgi mai aane layak tha ya nhi. Jab aap unke dwara kiya gaya vyvahar aur bato ko bhul kar use maaf kar denge.  Aap unko bhulna shuru kar denge. Rishto mai yahi chij hoti hai, jab kisi ke sath bite huye pal dhundhale padte jayenge aapki jindgi mai unka mahatv apne aap hi kam ho jayega. Aur aap sab kuch bhul kar aage badenge.
 

Keval Sakaratmak Soche

Kai bar aapke rishto ke tutne ki wajah se aap khud ko jimmedar mante hai. Bhale hi aapki life mai aapke ex ne aapka sath chhod diya lekin bahut se aise bhi log bhi jo aapki fikra karte hai aur aapse pyar karte hai. Aap unke bare mai soche ki aap unke liye bahut mahatv rakhte hai. Aapko kisi ne chohda iska matlb yeh bilkul nahi hai ki aap mulyhin ho.

Aapki jindgi mai sakaratmak soch ke sath aage bade. Duniya mai aise kai log honge jo aapki muskurahat ko wapis layenge, aur ho sakta hai aap unke sath apke ex sathi se bhi jyada khush rahe. Isse na to keval aap bahut khush rahenge balki agar aapka ex kabhi bhi aapko dekhta hai to use mehsus hoga ki usne aapko chhodkar kise khoya hai.
 
Upar aapne jana After Breakup Tips in Hindi. Aap jitna khush aur sakaratmak rahenge aapke liye chije utni hi aasan hogi aur aap jindgi mai aage badte jayenge. Kyuki nakaratmak soch ke sath aap hamesha unhi bato mai uljhe rahenge. Tatha jindgi ke sakaratmak pehluo se vanchit reh jayenge. Jab kabhi aapke dimag mai yeh khayal aaye aap akele ubb rahe hai. To use apni sakaratmak soch ke sath ye soche ki aap ab vo kar sakte hai, jo aapko accha lagta hai. Yaha aapko koi rokne tokne vala nahi hai.