Subscribe Whatsapp

Lauki Juice in Hindi – Antrik aur Bahari Rogo Mai Labhprad

Humare niyamit bhojan mai hum jo bhi khate hai, wah kisi na kisi tarike se humare swasthya ke liye faydemand hote hai. Isi tarah sabji ke roop mai khayi jane wali lauki humare sharir ko anek rogo se rahat dilate hai. Yah bel par lagti hai aur kuch hi samay mai bahut badi ho jati hai.

Aap mai se bahut se aise log honge jinhe yah bilkul bhi pasand nahi hogi, lekin agar aap iske faydo ko janenge to aap heran ho jayenge. Jane mane yogacharya Baba Ramdev ne bhi logo ko lauki aur iska juice ka sevan karne ki salah di hai.

Unhone ye bhi bataya hai ki, lauki aur karele ko milakar juice nahi banan chahiye kyoki agar lauki kadwi hui to aap use pahchaan nhi payenge. Isliye sirf laiki ke juice ka hi sevan karna chahiye. Unke anusar sardiyo ke mausam mai iska upyog bahut labhkari hota hai.

Isme vishnashak gun hai. Iska juice motapa, ucch-raktchap, aml-pitt, hriday rog aadi mai mahatvpurn bhumika nibhata hai. Aaj hum aapko Bottle Gourd yani lauki ke juice se hone wale sharirik labh ke bare mai batane wale hai. Aaiye jante hai Lauki Juice in Hindi

 

Lauki Juice in Hindi: Janiye Iske Swasthya Labh

 

Lauki Juice in Hindi
 

Lauki jise ghiya ke naam se bhi jana jata hai. Isme 12 pratishat tak pani hota hai. Iska swad anya sabjiyo se alag hota hai. Bajar mai kai prakar ki lauki milti hai jaise hukkum, ghiya, dudhi lauki aadi. Yah upper se hari tatha iski parat mom ki tarah hoti hai. Ise katne par yah andar se safed aur naram hoti hai. Aaiye jante hai Bottle Gourd Juice Benefits in Hindi

 

Lauki Juice for Weight Loss

Agar aap apne badte vajan se pareshan hai, to aapko chahiye exercise ke sath khanpaan ka vishesh dhyan de. Iske liye niyamit workout ke baad aapko pratidin 100gm lauki ka juice pina chahiye. Iss juice ko pine se pet ghanto tak bhara rahta hai, jisse aapka motapa bhi kam hota hai.

Yah bahut kam log jante hai ki Lauki Juice for Weight Loss mai madadgar hota hai. Yah aur dusri chijo ke mukable teji se vajan kam karti hai. Lauki ko ubal kar namak ke sath lene se vajan kuch hi dino mai ghat jata hai. Isme fiber ki matra adhik hoti hai, jisse bhook nahi ladti hai aur pat bhara-bhara sa lagta hai.

 

You May Also Like:- Tips for Lose Weight in Hindi: Vajan Ghatane Ke Behtar Upay

 

Blood Pressure

Agar aap niyamit roop se sirf 1 glass lauki ka ras pite hai to aap kafi had tak blood pressure ki samasya ko ka kar sakte hai. Sath hi khane mai thoda bahut badlav karke iss rog kop urn rrop se mukt kiya ja sakta hai.

 

Shitalta Pradan Kare

Lauki sharir ko shitalta pradan karti hai. Iske ras mai pani ki matra adhik hoti hai, jo sharir ko thanda rakhati hai. Isi liye ise adhiktar garmiyo ke mausam mai sevan kiya jata hai. Garmi ke mausam mai pasina bahut adhik aat hai, iske sevan se pani ki kami sharir mai nahi hoti hai. Lauki Ka Ras pine se paishab ke dauran hone wali jalan kam karne mai bhi madad milti hai.

Garmi ke season mai khire ki tarah ise bhi istemal kar sakte hai. Jisse aap garmiyo ke dauran hydrate rahte hai. Iskar as pine se aapko sodium ki kami, thakan aur atyadhik pyas ka samna nahi karna padta hai.

 

Dil Ko Rakhe Swasth

Aaj kal log apne khan pas par bilkul dhyan nahi dete hai, jis karan lagbhag 70 pratishat logo ko heart disease ka khatra rahta hai. Kuch logo ko yah anuvanshik rahti hai aur kuch logo ki jivan shelly aur anuchit aahar iska karan hoti hai. Apne dil ko swasthya rakhne ke liye anya phalo aur sabjiyo ki tarah lauki ka ras pee sakte hai. Yah raktchap ko niyantrit karte hai aur dil ka prabhavi dhang se dhyan rakhne mai sahayak hote hai. Isme cholesterol ki matra zero hoti hai. Vitamin C aur anti-oxidant se paripurn lauki aapke dil ke liye bahut acchi sabji hai.

Ek research ke anusar, niyamit 90 dino tak subah ke samay khali pat 200ml taji laiki ka ras pine se cholesterol ghat jata hai. Yah blood pressure aur blood sugar ke level ko kam karne mai bhi sahayata karta hai.

 

Tanav Kam Kare

Aaj ke samay mai bacco se lekar bujurg tak har vyakti tanav se grast hai. Agar aap swasth ke liye faydemand aahar nahi lete to sthiti aur bhi kharab ho sakti hai. Lauki mai pani ki matra adhik hone ki wajah se sharir par cooling effect padta hai. Jisse tanav mai rahat milti hai. Iske diuretic, sedative aur anti-bilious gun aapke sharir ko behtar mehsus karane aur aapko tanav mukt rakhne mai madadgar hota hai.

Lauki ke ras mai ek neurotransmitter choline bahut adhik matra mai paya jata hai. Yah mashtishk ki koshikao ko thik se kaam karne mai sahayata karta hai.

 

Baalo Ka Jhdna Aur Safed Hona

Agar aap baalo ke jhadne aur jaldi safed hone ki samasya se pareshan hai to aap lauki ke juice ka upyog karke dekhe, aapko avashya labh milega. Lauki ke ras mai til ka tel milakar baalo ki jado mai acchi tarah lagane se baalo ka jhadna aur ganjapan bilkul dur ho jata hai. Ayurved mai yah safed baalo se bachane ke liye bahut accha nuskha mana jata hai.

Iske alawa rusi ke karan aapke sar ki twacha mrit parto se bhar jati hai. Amla aur lauki ke ras ko barabar matra mai milakar pine se rusi kam hoti hai. Sath hi iss mishran se sar par malish kar ne se bhi rusi thik hoti hai.

 

Pachan aur Kabj Se Rahat

Kabj aur pachan sambandhi rog ek samanya samasya ban chuki hai, jo kisi bhi vyakrti ko ho sakti hai. Pratidin subah ke samay lauki ka ras pine ki aadat dale. Isme majud fiber humare pachan tantra ko thik karta hai. Isme electrolytes bhi hote hai, jo sharir mai iske balance ko banakar rakhte hai, jisse loose motion ki samasya bhi nahi hoti hai.

 

Bottle Gourd Juice Benefits

 

Chehre Par Laye Nikhar

Agar aap kam samay mai chehre ko ander aur bahar se nikharna chahte hai. Iske liye aapko niyamit lauki ka sevan karna chahiye. Yah chehre ko saaf, sundar aur akarshak banata hai.

Lauki ka juice pat ki andruni safai karta hai, jisse chehre par dhul, dhoop aur pradushan se hone wale muhase aur daag-dhabbo se chutkara milta hai aur twacha khubsurat aur sudar dikhai dene lagti hai.

 

You May Also Like:- Face Bleaching Benefits – Nikhare Chehre Ka Rang

 

Luki Juice Recipe: Jane Ise Banane Ki Vidhi           

Kisi bhi phal ya sabji ka ras banana ke pahle usse acchi tarah se pani se dho lena chahiye, uske baad hi iska upyog karna chahiye. Ab hum aapko yaha Luki Juice Recipe bata rahe hai-

Iske liye sabse pahle lauki ko saaf pani se dhokar acchi tarah mash kar le. Ab iss mashed ki huyi lauki mai tulsi ke 7 patte aur pudina ki 5 pattiya dalkar acchi tarah mix kar le. Iss ras ki matra kam se kam 150 gm hona chahiye. Ab iss ras mai barabar matra pani milakar 3-4 pisi kali mirch aur thoda sa sendha namak mila le. Ab aap iss juice ka sevan kar sakte hai. Iske alawa aap sirf lauki aur pani ko milakar bhi sadharan ras bana sakte hai.

Yah ras ki bhi dil ke marij ko niyamit roop se din mai 3 baar, subah, dopahar aur shaam ko khane ke baad pilana chahiye. Shuruvati dino mai iske ras ka upyog kam matra mai kare aur jaise-jaise yah acche se pachne lage iski matra ko bada de.

 

Dhyan Rakhne Yogya Baate

  1. Lauki ka juice banana se pahle, iska chota tukda taste karle. Yadi yah kadwa lag raha ho to iska ras na nikale. Yah aapko patchiest aur gas sambandhit samasya de sakta hai.
  2. Lauki ka ras pat ke vikaro ko mal dwara bahar nikalta hai. Jiss karan shuruvaat mai pat mai gadbad ho sakti hai aur andar khalbali mach sakti hai. Agar aisa ho to isse ghabraye nahi, samay ke sath yah apne aap thik ho jayega.
  3. Iss ras ko pine ke sath marij apni dawao ka upyog kar sakte hai.

Aaj aapne jana Lauki Juice in Hindi, waise to adhiktar logo ko yah bilukul bhi pasand nahi aati hai. Iske juice ke alawa aap ise anya tariko se bhi upyog kar sakte hai. Aap iski sabji, parathe, kofte aadi banakar bhi isse hone wale faydo ka labh le sakte hai.

Prakrati dwara prapt sabhi phal aur sabjiya kisi na kisi prakar se humare sharir ko fayda pahunchati hai. Isliye inka sevan hume jarur karna chahiye, kyoki yah hume kai tariko se swasthya labh pahunchati hai.