Subscribe Whatsapp

Best Food for Eyes in Hindi – Netra Drshti Badhane Wale Aahar

Swasth rehna, aakarshak sharir pana yeh sab aajkal bahut hi lokpriya shabd hai jo sunne ko mil rahe hai. Lekin kya aap jante hai vajan ghatana, dil ki sehat ka khayal rakhna iske alawa aankho ki dekhbhal bhi behad jaruri hai. Ek swasth jeevansheli ke liye aankhe ka bhi mahatvapurn yogdan hai.

Aankhe aapke sharir ka bahut jaruri ang hai. Isi ke jariye ham is khubsurat duniya ko dekh sakte hai. Yahi nahi yeh aapki khubsurti ko badhane mai bhi kaam aati hai. Khubsurat aankhe aapko ek alag pehchan deti hai.

Aapki aankho ka swasth aap kis tarah ka bhojan karte hai iss par nirbhar karta hai aur iss tathya ko koi jhutla nahi sakta hai. Khadya padartho mai poshak tatvo ka samavesh aapko aankho se sambandhit kai samasyao ko rokne mai madad karta hai. Yaha tak ki sahi poshak tatva lene se aankho par umra ka asar bhi kam hota hai. Aaiye jante hai Best Food for Eyes in Hindi jiski madad se prakratik roop se aankho ki roshni mai vraddhi ki ja sakti hai.
 

Best Food for Eyes in Hindi – Swasth Aakho Ke Liye Khaye

 
Best Food for Eyes in Hindi
 
Prakrati ne hame wo sab kuch diya hai jo hamare swasthya ko sahi rakhne ke liye jaruri hai. Isliye apne aahar ke dwara jyada se jyada lene ki koshish kare. Apne aahar mai jyada se jyada rango ko shamil kare aur antioxidant se bharpur khadya padartho ka sevan kare.

Aapko apne aahar mai aese khadya padartho ko shamil karna hai jisme vitamins, zinc, selenium, omega 3 fatty acid aadi shamil ho. Roj apne khane mai salad ko jarur shamil kare, sath hi sath nashte mai phal khane se behtar aur kuch nahi hai.
 

Shakarkand

  • Aapne hamesha se suna hoga ki aankho ki roshni badhane ke liye gajar ka sevan karna chahiye.
  • Lekin ham aapko bata de ki shakarkand se bhi gajar ki tarah Beta Carotene milta hai.
  • Aap Shakarkand ka sevan apni pasand ke anusar kar sakte hai. Ya to aap ise thode se jaitun ke tel mai tal le. Ya fir ise ubal kar chhilke utar le. Fir dudh aur chini ke sath milakar khaye.
  • Isme Vitamin C aur fiber bhi moujud hota hai jo ki aankho ko damage hone se bachata hai sath hi sath damage cells ko recover bhi karta hai.

 

Taji Salmon Macchali

  • Taji Salmon ya Tuna macchali ka sevan bhi aankho ke liye bahut faydemand hota hai. Darahsal yeh omega 3 fatty acid ke acche strot hai.
  • Yeh aankho ki choti choti rakt wahikao ko majboot bananti hai.
  • Sath hi sath yeh dry eye syndrome aur motiyabind jaise lakshano se bhi bachav karti hai.
  • Isliye hafte mai do bar macchali ka sevan jarur karna chahiye.

 

Sukhe Meve

  • Sukhe meve sehat ke liye bahut faydemand hote hai yeh baat to ham sabhi jante hai. Yeh aankho ke liye bhi faydemand hai.
  • Darahsal sukhe mevo mai vitamin moujud hota hai jo ki cholesterol ko low rakhne mai madad karta hai.
  • Yeh aankho ki vitamin A ki jarurat ko pura karta hai.
  • Sukhe mevo mai kaju, badam, mungphali, akhroth, kishmish, pista sabhi faydemand hai.

 

Broccoli

  • Broccoli mai moujud antioxidants ise vitamin A ka uccha strot banate hai. Isliye yeh aankho ki sehat ke liye bahut accha aahar hai.
  • Eye Health ke liye aap ise ubal kar bhi kha sakte hai, ya to salad ke roop mai bhi kha sakte hai.

 

Gajar

  • Aankho ki roshni badhane ki jab baat aati hai to us suchi mai gajar ka naam sabse upar hai. Yeh Healthy Food for Eye
  • Isme Beta Carotene moujud hota hai jo aankho ki mashpeshi ke patan ko rokne mai bahut aavashyak
  • Gajar ke alawa santre, nimbu aur khatte phal bhi Vitamin B-12 and beta-carotene ke acche strot hai jo aapki aankho ki roshni badhane mai madad karte hai.

 
Aankho ki sehat ke liye aapko har group mai se teen chize apne aahar mai lena chahiye:-


 

Vitamin A Gajar, Shakarkand, Palak, Dairy Utpad, Ande
Vitamin C Khatte Phal, Broccoli, Aalu
Vitamin E Sabut Anaj, Ande, Surajmukhi Ki Beeje
Lutein Ankurit Anja, Palak, Bhutte
Zinc Salmon Macchali, Tuna Macchali, Sabut Anaj, Mas

 
Upar aapne jana Best Food for Eyes in Hindi. Upar diye gaye khadya padartho ko yadi aap apne aaharo mai shamil karte hai to aapki aankho ki roshni mai izafa hoga. Iske sath hi yadi aap aankho ka vyayam bhi karenge to fayda doguna hoga.