Subscribe Whatsapp

Diet for Working Women – Kaamkaji Mahilao Ke Liye Jaruri

Aajkal ki mahilaye bahar ke sath sath ghar ke kaam kaaj bhi sambhalti hai. Kaamkaji mahilao ke paas bahut jyada kaam hota hai jaise subah uthkar breakfast taiyar karna, bhojan ki taiyari, office jana aur raat ko wapis se ghar ke kaam. Iss pure vyasht schedule mai roj ke itne kaam bach jate hai ki working karne wali aurte weekends par bhi khud ka khayal nahi rakh paati hai.

Ham sabhi jante hai jo log karya karte hai unke upar bahut si jimmedari hoti hai, projects ko acchi tarah karna, deadlines par kaam karna aadi. To vastvik hai ki chahe purush ho ya stri kaam ka pressure dono par bana hua hota hai.

To ek tarah se dekha jaye to kaamkaji mahilao ko bahar aur ghar ka kaam dono hai. Matlab kaam bhi doguna aur tanav bhi. Isliye mahilao ko khud ko chust tandurust rakhna behad jaruri hai. Jiske liye santulit aahar jaise ki vitamin, protein, calcium, zinc, minerals aadi lena bahut jaruri hai. Aaiye vistar se jante hai Diet for Working Women.
 

Diet for Working Women – Iss Tarah Ka Aahar Hai Jaruri

 
diet-for-working-women

Kaamkaji mahilaye itni vyast hoti hai ki wo thik se apne khan paan ka khayal nahi rakh pati hai. Isliye unhe thakan aur kamjori aana jaisi pareshaniya uthani padhti hai. Isliye bahut jaruri hai ki aap apne khan pan par dhyan de. Nahi to dhire dhire aapka sharir ki urja mai kami aati hai, jiska asar aapke kaam par bhi padhne lagta hai.

Ham jante hai ki subah aapke paas samay ki bahut kami hoti hai jiske chalte aap apna breakfast nahi kar paate. Isliye ham aapko salah denge ki aap raat mai hi breakfast ki taiyari kar le, taki subah kisi chiz ki bhagadoudi na ho. Mahilao ke liye Healthy Diet Plans kya hai aaiye jante hai:-
 

Junk Food Khane Se Bache

Kaam ke bich bhukh lagna swabhavik hai. Aese mai aap yadi fast food lete hai to yeh sahi nahi. Samosa, chips aadi aapki bhukh to mita dete hai lekin isse aapke sharir ko jaruri poshak tatva nahi mil pate. Sath hi yeh aapke sharir mai bura fat jamane ke liye jimmedar hote hai.

  • Bhukh lagne par taje phal aur sukhe mevo ka sevan karna aapke liye faydemand hoga.
  • Sukhe mevo mai khajur, baadam, mungphali aadi se aapko urja milti hai.
  • Garmi ke dino mai santre, tarbooj, mousambi aadi ko lene se sharir mai pani ki aapurti bhi ho jati hai.

 

Subah Ka Nashta Hai Jaruri

Jo aurte subah ke wakt nashta karti hai unka metabolism sahi rehta hai. Aese mai sharir par charbi bhi nahi jamati hai. Isliye rojana nashta jarur kare. Apne nashte mai protein aur carbohydrate ko shamil kare. Subah ke wakt kuch khana aapke liye bahut jaruri hota hai.

  • Apne naste mai yadi aap phalo ko bhi shamil karte hai to isse aapke din ki vitamin aur minerals ki purti ho jati hai.
  • Aap sabut anaj, sabut anaj se bane pan cake, palak-tamatar wale sandwich kha sakte hai.
  • Subah ke wakt ek glass dudh peekar jana bhi bahut faydemand hota hai.
  • Daliya ka sevan karna bhi aapke sharir ko kai fayde pahuchata hai. Aapko mithi daliya pasand na ho to aap namkeen daliya bhi bana sakte hai. Yeh Best Diet to Lose Weight bhi hai.

 

Santulit Bhojan Kare

Kaam kaji mahilao mai khun ki kami hone ka khatra bahut jyada hota hai. Isliye apne lunch ka khayal unhe acche se rakhna chahiye. Lunch mai kabhi kabhi nashta na lekar jaye. Dopahar ka khana bahut hi jaruri hota hai. Isliye apne tifin mai roti sabji lekar jaya kare.

  • Apne dopahar ke aahar mai kam se kam ek pattedar sabji jarur shamil kare.
  • Rojana kakdi, tamatar, chukundar ka salad khayegi to aapka motapa nahi badhega.
  • Office ki canteen se khana lene ke bajay ghar se bana tifin le jaye aur khaye. Yeh sehatmand to hota hai sath hi sath aapki jarurat ke anusar bhi hota hai.

 

Raat Ka Bhojan

Bahut si mahilaye vajan badhne ke dar se raat ka khana chhod deti hai. lekin yeh sahi nahi hai raat ka khana bhi utna hi jaruri hai jitna ki din ka khana. Ha lekin raat ka khana aap halka phulka kar sakti hai. Yadi aap raat ko khana nahi khate hai to agle din subah aapko kamjori mehsus hoti hai.

  • Apne raat ke khane mai junk food jaisi chizo ko shamil naa kare.
  • Sabji roti khane ka man nahi hai to idli sambhar, vada sambhar, dosa jaisi chize kha sakte hai.

Upar aapne jana Diet for Working Women. Yadi aap bhi kaamkaji mahila hai to apne khanpan ka thik se khayal rakhe. Yadi aap apna thik se khayal nahi rakh payegi to ghar walo ka khayal kaise rakhengi.
 
Jab bhi aap office jati hai apne sath ek pani ki bottle jarur rakhe. Din bhar pani pite rehne se yeh aapko dehydration ki samasya se bachata hai. Yadi kaam ke douran aapko bar bar chai, coffee pine ki aadat hai to ise kam kar de. Din ka pura milkar 3 cup se jyada na piye.