Subscribe Whatsapp

Green Tea Disadvantages – Hari Chai Ke Dushparinam

Ham sab log hamesha se yahi sunte aaye hai ki green tea swasth ke liye bahut faydemand hoti hai. Hari chai ke anek prakar ke swasthvardhak gun hote hai. Jab bhi aap green tea pee rahe hote hai to aapko lagta hai ki iss se jarur aapka vajan kam ho jayega. Iska sevan aapka bal jhadana rok dega. Aapke sharir ki sari gandagi bahar nikal jayegi aur aapka chehra khil uthega.

Par kya aap yeh baat jante hai ki yadi green tea ka sahi tarah se sevan na kiya jaye to yeh aapke swasth ko bigad bhi sakti hai. Iske alawa agar iska jarurat se jyada sevan bhi kiya jaye tab bhi sehat ko nuksan pahuchtan hai. Jaise ki hari chai kabj, dast, ulti, chakkar aur sir dard jaisi samasya bhi paida kar sakti hai.

Darahsal green tea mai caffeine mojud hota hai. Jo ki anidra paida karta hai. To agar aap apna vajan kam karne ya fir apne swasth ka khayal rakhne ki dristi se uska sevan kar rahe hai. To pehle iske sevan ki sahi jankari pata kare, uske baad hi ise apne sevan mai shamil karna hai. To aaiye jante hai Disadvantages of Green Tea aur uss se bachne ke upay.

Disadvantages of Green Tea – Jane Ise Pine Ke Nuksan



Disadvantages of Green Tea

Iron Ki Kami

Anemia se grasit logo ko green tea ka sevan nahi karna chahiye. Green Tea iron ko avshoshit karti hai, jiske chalte sharir mai iron ki kami ho sakti hai. Aap chahe to iss prabhav se bachne ke liye khane ke bich green tea le sakte hai.

Shararik Rog

Kai log ko gadhi chai pine ka shok hota hai. To ek baat par dhyan de ki green tea ko kabhi bhi gadha karke naa piye. Chunki isme jyada matra mai

caffin nahi hota hai lekin iska adhik sevan karne se hriday gati mai aniyamitata, anidra ki samasya, chinta, chidchidapan  jaise lakshan dekhne ko mil sakte hai.

Allergy

Kuch logo mai green tea jyada pine ke karan allergy ke lakshan dekhe ja sakte hai. Yeh lakshan kuch iss prakar ho sakte hai. Jaise saans lene mai takleef, honth va jeebh mai sujan aana.

Gurde Ki Pathri

Green tea mai Oxalic acid prachur matra mai paya jata hai. Jo gurde mai pathri ka karan ho sakta hai. Calcium, Uric acid va amino acid cysteine ke sath phosphate va oxalic acid ke sanyogan se gurde ki pathri ki samasya hoti hai.

Jo log kidni ki samaya, hriday rog, manovegyanic samasya, va pet mai alsat ki samsya se grasit hai. Unhe green tea pine se pehle shavdhani baratni chahiye. Kyoki green tea ka jyada sevan unke sharir ko fayda pahuchane ke avja nuksan pahucha sakta hai.

Acidity Badhaye

Green tea ko sahi tapman ke sath agar naa liya jaye to yeh samasya paida kar sakti hai. Green tea banate samay iss baat ka khayal rakhna behad jaruri hai ki pani ubla hua na ho. Kyoki uble hue pani pe green tea dalkar pine se acidity badhti hai.

You May Also Like:- Acidity Treatment in Hindi, Iss Pareshani se Bachne ke Upay

Cancer

Kuch log chai mai dusri bar pehle istemal ki gai chai  patti ka istemal kar lete hai. Agar usi tarah se green tea mai bhi istemal ki gayi patti ka dobara  istemal kia jaye to uss patti se cancer hone wale padharth panapne lagte hai.

Dudh Ke Sath Na le

Green tea ko hamesha pani mai dalkar hi pina chahiye. Kyonki ise dudh (Milk) ke sath pine se yeh aapke sharir mai calcium ke samavesh ko hone se rok sakti hai.

Green Tea Kab aur Kaise Piye

Hamesha fresh chai pina chahiye, to hi yeh sharir ke liye swasthvardhak hoti hai. Aap ise ya to garam ya thanda pee sakte hai. Lekin iss baat ka yakin ho ki chai ek ghante se jyada purani naa ho. Nahi to yeh fayda karne ke bajay nuksan karti hai. Jyada kholti chai bhi gale ke cancer ko nyota de sakti hai. Isliye kabhi bhi behad garam chai bhi nahi pina chahiye.

Vastav mai agar chai ko jyada der tak rakha jaye to isme bacteria sharan dena shuru kar dete hai. Aur sath hi iske jeevan rodhi gun bhi kam ho jate hai. Isliye jitna ho sake sirf tazee green tea ka hi sevan kare.

Dawai Ke Sath Lene Ki Galti Na Kare

Dawai ya green tea ko sath mai pine se bhi side effects bhi ho sakte hai. Isliye green tea ko kabhi bhi dawai ke sath na le. Dawai ko hamesha pani ya dudh(Doctor ke nirdeshanusar) ke sath hi lena chahiye.

Adhik Matra Mai Na Piye

Sirf  dudh wali chai hi nahi, green tea ka atyadhik sevan bhi nuksan dayak ho sakta hai. Agar aap rojana 2-3 cup se jyada chai pite hai to who nuksan karti hai. Kyoki isme adhik matra mai caffeine hota hai.

Iske alawa green tea ko bhojan se ek ghanta pehle pine se vajan kam hota hai. Ise pine se bhook der se lagti hai. Kyoki yeh hamari bhook ko control karti hai. Green tea ko subah ke wakt bilkul nahi pina chahiye.

Download our Health Tips in Hindi App to get easy access on Blogs