Subscribe Whatsapp

Kam Umra Mai Shadi ke Fayde aur Nuksaan

Bharat mai saalo se hi baal vivah hota aa rahahai lekin paschimi sabhyata havi hone par logo ke vicharo mai badlav aaya aur shadi karne ki umra badhi aur samanyataya log 20 se 30 ki umra ke bich mai shadi karne lage hai.

Bharat ke kanun mai vivah ke liye nirdharit umra 18 hai lekin kai ilake aise bhi hai jaha par abhi bhi baal vivah ho rahe hai. Ghar walo ke dabav mai bacche shadi to kar lete hai lekin wo iske liye mansik roop se tayar nahi hote hai. Bhartiya shram kalyan vibhag ne baal vivah ko rokne ke liye kai kadam uthaye hai.

Kam umra mau shadi karne se ladke aur ladkiyo ka uchit vikas nahi ho pata hai saath hi samay se pehle parivar ki jimmedari uthane mai dikkat aati hai jiske liye wo tayar nahi hote hai.

You may also like:- Aapki Girlfriend ka Dil Jitne ke Aasan Tarike

early-marriage-advantages-disadvantages

Kam Umra Mai Shadi ke Fayde

Kam umra mai shadi karne se ladka aur ladki ek dusre ke saath jyada samay vyatit karte hai jisse jivansathi ko samajhne mai aasani hoti hai. Kam umra mai shadi karne se sx ki jarurat ko pura kiya ja sakta hai.

Kam umra mai shadi hone se ladki aasani se apne pati ke ghar mai ghul-mil jati hai aur parivar ke sabhi sadasyo ko janane ka use pura samay mil jata hai. Kam umra mai shadi karne se bacche bhi jaldi paida ho jate hai jisse baccho ke career ko sahi disha di ja sakti hai.

Kam Umra Mai Shadi ke Nuksaan

Kam umra mai shadi karne ke baad aadmi ko apne vyaktitva ke vikas ke liye paryapt samay kam mil pata hai. Aadmi ke kandhe par samay se pehle hi parivarik jimmedari aane ki wajah se wah unka nirvah nahi sakta hai.

You may also like:- Sex Tips in Hindi: Janiye Happy Sexually Relationship Ka Raaj

Kam umra mai shadi karne se education puri nahi pati hai. Parivarik jimmedari hone se ladkiya aksar apni padhai bich mai hi chhod deti hai. Kam umra mai shadi hone ke baad parivarik jimmedari hone se aadmi ya aurat apna pura dhyan career ya vyavsay par nahi laga sakte hai.

Career ka vikas hone se pehle shadi kam umra mai ho jaye to aap pane parivar jarurato ko pura nahi kar pate hai. Mahilaye aur purush dono umra ke saath samajik stithiyo ko samajhne mai adhik paripakwa nahi ho pate hai. Mahilaye jo samay se pehle garbhvati ho jati hai unko kai samasyaye shuru ho jati hai.

Mahilao ko prasuti sambandhit kai rog shuru ho jate hai. Striyo ko kam umra mai hi baccho ko sambhalne ki jimmedari uthani padti hai jiske liye wah tayar nahi hoti hai. Parivarik jarurate na puri hone par gharelu kalah badhte hai jiski wajah se tanav rehta hai.

Gaav mai shiksha ka level bahut kam hai aur shadiya bachpan mai hi ho jati hai. Kam umra mai shadi se aadmi aur aurat dono ki samajh kam hoti hai aur wah family planning par dhyan nahi dete hai jo ki jansankhya mai badotari ka pramukh karan hai.

Upar aapne jane kam umra mai shadi karne ke kuch fayde aur kuch nuksaan. Par aap aaj ki generation ke hisab se jiye. Kam umra mai shadi nahi kare. Aur acchi tarah se apne career ko banaye aur happy rahe.