Infidelity in Hindi: Jane Rishto mai Bewafai
Pyar duniya ka sabse khubsurat ehsas hai aur yeh har kisi ki jindagi mai aata hai. Parantu kai baar iss pyar mai hone wale do log ek dusre se kiye huye vado ko bhul jate hai tatha unhe tod dete hai.
Ek vyakti se sambandh hone ke bad bhi kuch log naye logo se sambandh banane se nahi chukte, aur apno ko dhoka dete hai. Iss tarah apne partner ko cheat karna, dhokha dena Infidelity arthat bewafai kehlata hai.
Dhokha dena wale logo ki ham baat kare to isme keval premi-premika hi nahi balki shadi shuda log bhi shamil hote hai. We apne sathi ki parwah kiye bina naye logo ke sath rishte kayam kar lete hai. Inn sabhi chizo ke chalte kai bure parinaam dekhne ko milte hai jaise talak, avsad, suicide aadi. Isse apne rishto ko bachane ke liye jane Infidelity in Hindi.
What is Infidelity – Bewafai Kya Hai?
Jab aap bhvanatamak aur sharirik dono roop se kisi ke sath rishte mai bandhe ho tatha apne apni puri jindagi usi ek vyakti ko samarpit kar di hai. Kintu samne wala vyakti aapke liye puri tarah samarpit na hoke kisi aur ke sath bhi issi tarah ka rishta banaye rakhta hai to yeh bewafai kehlati hai.
- Research ke madhyam se pata chala hai ki aajkal karib 40% log ek se jyada vyaktiyo ke sath rishte mai bandhe hote hai.
- Isi research ke dwara yeh bhi pata chala hai ki karib 18 se 20% pati-patni ka extra Marital Affair hota hai.
- Tatha yeh affair purusho ke dwara jyada kiya jate hai jiska parinaam talak ke roop mai samne aata hai.
- Aap bewafa sathi ka kuch nahi kar sakte parantu aap aapke rishte ko isse prabhavit hone se bacha jarur sakte hai.
Types of Infidelity – Jane Iske Prakar
Sharirik Bewafai
- Sabse jyada bewafai mai dekha gaya hai ki log sharirk rup se behak jate hai aur apne sathi ke sath bewafai kar bethte hai.
- Kai log daaru ke nashe mai hosh kho baithte hai aur kisi aur ke sath sharirik rishte banakar apne sathi ko dhokha de dete hai.
- Kuch log kisi aur ke prati aakarshit hokar bewafai karne par majbur ho jate hai.
Bhavnatmak Bewafai
- Yeh jaruri nahi hai ki log sharirik sambandh bana kar hi apne sathi ko dhokha de. Kai log bhavnatak tour se bhi bewafai kar apne rishte ko kharab kar dete hai.
- Kuch log kai tarah ke jhuthe wade karte hai jisse unke sathi ke man mai avishvas ki bhavna aa jati hai.
- Kuch log apne sathi ko dhokha dete huye kisi aur ke sath rishta bana lete hai. Isse iss Emotional Infidelity ke karan unke bich mai ladai jhagde hokar we log alag alag ho jate hai.
Infidelity Signs – Ise Kaise Pehchane?
Privacy Ki Jarurat Mehsus Hona
Yadi aapke sathi ko achanak se privacy ki jarurat mehsus hone lagi hai aur wo aapse alag rehne lage to yeh sabse mukhya lakshan ho sakta hai ki aapka sathi aapse bewafai kar raha hai.
Bahut Saj Savarkar Rehne Lagna
Agar aapka partner aaine ke samne kaafi wakt bitane lage aur apne aapko har ghadi accha dikhane mai lag jaye to samajh jaye ki wo kisi aur vyakti ko impress karne ki koshish kar raha hai.
Vyavahar mai Achanak se Badlav
Aapke sathi ke vyavhar mai achanak se badlav dikhai dene lage jaise wo apne phone ko lekar kaafi possessive ho rahe hai aur aapke calls ka uttar nahi de raha hai to yeh bhi uspar shak karne ka ek karan ban sakta hai.
Chhup Kar Computers Ka Istemal
Jab aapka sathi computer screen ke samane lagatar betha rahe aur jaise aap jaye laptop ya computer ko band kar de to samjhe ki iske piche jarur kuch karan hai.
Pasand Na Pasand Ka Badalna
Jab koi vyakti apne sathi ko dhokha dene lagta hai na sirf uske vyvhar mai badlaav aata hai balki uski pasand aur napasand mai bhi badlav aata hai.
Kisi aur Ko Bar Bar Paise Dena
Aapke sathi ke pocket mai kisi aur ke bank account mai paise transfer karne wali rasid mile jo aapki jankari mai na ho to yeh bhi ek sign ho sakta hai ki aapka sathi aapko pyar me dhokha de raha hai.
Kisi aur Ke Sath Flirt Karna
Yadi aap dekh rahe hai ki aapka sathi kisi aur ke sath jyada comfortable ho raha hai aur flirt kar raha hai to samjhe ki wo aapko dhokha de raha hai ya dene wala hai.
Khud Kabul Karna
Kai log to bewafai karna galat hi nahi samajhte wo ise chhupate nahi balki aage hokar bata dete hai ki wo bewafa hai.
Upar aapne jana Infidelity in Hindi. Yadi aapko uprokt chize apne sathi mai dikhai de rahi hai to aapko satark rehne ki jarurat hai.
