Subscribe Whatsapp

Face Yoga in Hindi: Chehre Ko Banaye aur Bhi Khubsoorat

Badhti umra, tanav aur dushit vatavaran ki wajah se chehre par jhaiya aur kalapan chane lagta hai. Dhul aur mitti se chehre par keel aur muhase ho jate hai aur inse pade daag aur dhabbo se hamara chehra badsurat dikhai dene lagta hai. Yeh sabhi karano se hamara chehra badsurat dikhai deta hai.

Chehre ki sundarta barkarar rakhne ke liye iski sahi dekhbhal ki jarurat padhti hai. Ham aapko batana chahte hai ki yog ki madad se aap chehre ka kalapan aur umra ke sath aane wale badlav ko kam kar sakte hai. Yog ek aesa madhyam hai jise karne se ham anti-ageing aur chehre ki anya samasya ko thik kar sakte hai.

Yeh to sabhi jante hai ki yoga hamare swasth ko behtar banane mai madad karta hai. Iske alava yeh hamari twacha aur chehre ki khubsoorati ko badhane mai bhi madad karta hai. Yog ke antargat kai aasan aate hai jinse aap apne chehre ki chamak ko badha sakta hai. Inn yogasano ke bare mai janne ke liye aaiye padhe Face Yoga in Hindi aur badhaye apne chehre ki khubsoorati.
 

Face Yoga in Hindi: Chehre Ko Sundar Banane Ke Liye Aasan

 
Face Yoga in Hindi
 
Chehre ko sundar banane ke liye yoga sabse accha tarika hota hai. Face Yoga ek prakar ka yoga hota hai jise karne se hamare chehre mai khun ka sanchar sahi tarah se karta hai. Isse chehre ki twacha mai kasav bhi aata hai. Inn yogasano ko karte samay hamare chehre ki acchi tarah massage hoti hai jisse chehre ki jhurriya thik hone lagti hai.

Face yog karne se hamare gaal, aankh, chin, gal aur mathe mai  rakt sanchar behtar hota hai jisse badhti umra ka prabhav hamare chehre par nahi pad pata hai. To aaiye yaha padhe Yoga for Face.
 

Chehra Banaye Machlinuma

Chehre ki twacha ko sundar banaye rakhne ke liye apne dono galo ko andar ki taraf khinche aur machlinuma bana le. Iss yoga ko rojana karne se chehre se fat kam ho jata hai aur jhurriya dur hoti hai. Sath hi ise karne se hamare chehre ki twacha aur maspeshiyo mai kasav bhi aata hai.
 

Sinhasan – Sher Ki Tarah Chehra

Iss aasan ko karne ke liye sabse pehle apne muh ko khole aur apni jeebh ko puri takat se bahar nikale.  Sath hi sath apni aankho ko bhi puri tarah se taan kar rakhe jaisa sher kiya karta hai. Ab muh mai hava bhar kar use dabaye aur daaye aur baaye ghumaye.
 

You may also like:- Naukasana Benefits in Hindi: Pachan Tantra Ko Majbut Kare

 

Aankho Ka Yog

Apni aankho ke sahare bhi chehre ko khubsoorat banaya ja sakta hai. Ise karne ke liye aankho ki putliyo ko baaye aur daaye taraf kam se kam 30-30 second tak ghumaye. Fir gol-gol ghumaye aur fir upar aur niche taraf eye ball ko ghumaye.

Iske alava apne haatho ki teen ungaliyo ko aankho ke niche rakhkar aur bina koi jor lagaye inse apni aankho ko niche ki taraf khiche. Ise karte samay apni palko ko band karne ki koshis kare. Aesa rojana karne se aankho ke niche aane wali sujan aur jhurriya dur ho jati hai.
 

Jeebh Mudra

Iss mudra ko karne ke liye jeebh ko apni suvidhanusar bahar ki taraf 30 second tak kaskar bahar ki taraf khiche. Ise rojana karne se aankho se judi kai pareshaniya thik ho jati hai aur aankho ko aaram milta hai.
 

Balloon Pose Aasan

Balloon pose aasan mai apne muh mai hava bhar par iss aasan ko kiya jata hai. Aesa karne ke liye apne muh mai 10 second tak hawa bhare aur saans ko rokkar rakhe. Iss avastha mai kuch der tak rahe aur hawa ko muh ke andar idhar udhar karne ki koshis kare. Aesa kam se kam 5 bar jarur kare. Iss yog ko karne se hamare chehre ki twacha mai kasav aata hai.

Ise karne se aur nimn fayde hote hai.

  1. Rojana iss yog ko karne se hamare chehre par jami atirikt charbi kam hoti hai.
  2. Chehre par se muhaso ki samasya kam ho jati hai.
  3. Chehre par khun ka sanchran sahi tarike se hone lagta hai.
  4. Sath hi sath yeh hamare jabde ki haddi ko majbut karne ka kam bhi karta hai.

 

Face Yoga in Hindi: Inn Yogasano Ko Bhi Apnaye

  1. Sabse pehle apne muh se lambi saans khinche aur 1 minute ke liye andar ki taraf rok kar rakhe. Iske baad hava ko dhire-dhire naak se bahar nikal de. Aesa kam se kam 5 bar kare.
  2. Seedha khada hokar apne pairo ko ek feet ki duri mai rakhkar faila de. Ab apne chehre ko hatheliyo se dhak de aur 10 minute bad gehri saans le. Iske bad chehre, aankh aur mathe ko 2 se 3 minute tak ungaliyo se ragde. Fir apni twacha ko unn jangho par halke haatho se ragde aur gehri saans le. Aesa rojana karne se aapko accha labh milega.

Upar aapne padha Face Yoga in Hindi. Yadi aap bhi apne chehre ki khubsoorati ko badhana chahte hai to upar diye gaye yogasano ko jarur apnaye.