Subscribe Whatsapp

Home Facial in Hindi: Facial Tips se Nikhare Khubsurti

Cosmetics se aaj pura bazaar bhara pada hai aur har product aapko khubsoorat banane ka wada karta hai. Bazaar mai kayi prakar ki herbal cream, facepack, moisturizer uplabdh hai, lekin yah bahut mahenge hote hai.

To chaliye aaj iss article mai hum aapko batate hai, Homemade Facial in Hindi. Jisse aap aasani se inn tarike dwara apni khubsurti nikhar sakte hai aur hamesha sundar dikh sakte hai.

Hum jo upay aapko bata rahe hai, unse aap apne chehre ko aasani se chamakdar, sundar aur akarshak bana sakte hai vo bhi bina kisi side effects ke.

To der kis baat ki aaiye aur follow kijiye inn Facial tips aur paye damakti twacha. Saath hi inn upay ke dwara aapki skin ko koi side effect bhi nahi hoga.
 

Homemade Facial: Badhaye Apne Chehre ki Sundarta

 
Aapne facial karne ka soch hi liya hai to iski shuruwat aapko cleaning se karni hogi. Cleaning ke liye kaccha dudh sabse accha hai. Ek katore mai kaccha dudh le aur isse malish karle. Kacche dudh ko istemal karne ki khasiyat yeh hai ki isse aapka chehra bhi saaf ho jayega aur aapke chehre ki malish bhi ho jayegi. Iske bad bari aati hai facepack ki, hamne niche aapko kuch facepack bataye hai, aap koi bhi apni jarurat ke hisab se chhun le.
 


Utpad Tatva Fayde
Chocolate Bioactive Yogik Jhulsi Hui Twacha Ko Thik Kar
Strawberry Antioxidant Gun Khoi Chamak Lotaye
Gajar Vitamin A Sensitive Twacha Ke Liye Faydemand
Pyaj Vitamin A,C, E Damage Twacha Ke Liye
Mutlani Mitti Khanij Se Bharpur Muhanso Ko Dur Kare

 

Gulab aur Tulsi Face Pack

Homemade facial Gulab aur Tulsi pack banane ke liye ek bada chamacch multani mitti, ek bade chamacch gulab jal, ek chota chamacch tulsi powder, aadha chota chamacch neem powder, ek chota chamacch malai rahit dahi lekar in sabko ek sath milaye. Iss pack ko lagane se pahle chehra kachhe dudh se saaf karle. Ab tyaar homemade Facial Tips ke pack laga kar 20 min ke baad chehre ko thande pani se dho le. Yah pack hafte mai 2 baar lagane par twacha se muhase, daag aur ghamoriya door ho jati hai.
 

Tamatar Face Pack

Ek tamatar ke ras ko do bade chamacch dudh ke sath mila le. Iss pack ko chehre par lagaye aur 10-15 minute tak chhod de, fir chehra pani se dho le. Iss homemade facial se aapki twacha oil free ho jayegi saath hi dead cells bhi nikal jayege.
 
Homemade-Facial
 

Kheera Face Pack

Homemade Facial  in Hindi mai kheera face pack bahut hi laabhkari hai. Kheere ko chote-chote tukdo mai kat le or grinder mai iska barik paste tayar kar le. Iss paste ko apne chehre par lagakar 15-20 minute ke liye aise hi chhod de. Jab aapka chehra puri tarah se sukh jaaye to thande paani se dho le.
 

Dahi FacePack

Dahi FacePack mai dahi atyant faydemand hai. Dahi fackpack mai dahi aur shahad ka paste tayar kar le. Iss paste ko halke haato se chehre par lagakar 15-20 minute ke liye chhod de. Phir gungune pani se chehra dho le. Isse aapki twacha mai or adhik nikhar aa jayega.
 
You may also like: Makeup Tips in Hindi: Minto Mai Khubsurti Paaye
 

Papita Face Pack

Pake huye papita ko mash karle aur usme jau ka aata or ande ki safedi milakar ek paste tyaar kar le. Iss pack ko sukhne tak rakhe, fir sukhne ke bad thande pani se chehra dho le. Papita face pack ek prakritik scrub bhi hai.
 

Chocolate Face Pack

Chocolate ko face par lagane se chehre ki twacha chamak jati hai, khaskar iska asar jhurriyo par jyada dikhai deta hai. Iske liye aap kisi bhi dark chocolate ko pighlakar chehre tatha gardan par acche se lagaye aur malish kare. Isko chehre tatha gardan ko cotton se saaf karke saaf pani se dho le.
 

Strawberry Face Pack

Strawberry mai antioxidant bharpur matra mai hota hai, iske alawa isme vitamin C bhi hota hai jo twacha ke liye bahut faydemand hote hai. Strawberry mai salicylic acid moujud hota hai jo twacha ko mulayam banata hai. Isliye strawberry ka paste banakar pure chehre par lagakar malish kare tatha kuch der bad chehre ko saaf pani se dho le.
 

Dalchini aur Shahad Ka Face Pack

Dalchini ka powder le aur usme shahad ko milakar paste taiyar kar le. Ab iss paste ko chehre par acche se lagakar massage kare, aesa karne par kil muhanso ki samasya khatam ho jayegi aur chehra chamak jayega.
 

Chandan aur Besan

Twacha ko chamkane ke liye haldi, chandan powder, besan aur doodh ka uptan lagaiye. Isse aapko bahut fayda  milega. Haldi antioxidant ke guno se bharpur hota hai. Jisse aapki twacha mai nikhar aata hai.
 

Gulab aur Haldi Pack

Gulab aur haldi pack banane ke liye ek badi chammach gulab ki taazi pankhudiyo, 14 chhote chammach kacchi haldi ka, ek bund olive oil aur ek badha chammach chandan powder lekar acche se paste bana lijiye. Ab iss paste ko apne chehre par lagaiye par dhyan rahe ki ise lagane se pahle chehre ko gulab jal se saaf kar lijiye. Aur sukhne par saade pani se chehre ko dho lijiye.
 

Avocado Face Pack

Dahi avocado aur shahad ko mix kijiye aur accha gadha paste bana lijiye. Ab iss paste ko apne chehre par lagiye aur sukhne par saade pani se apne chehre ko dho lijiye. Isse aapki skin bahut glow karegi tatha saaf bhi dikhai degi.
 

Multani Mitti Face Pack

Multani mitti, aadha cup dudh, santre ke chhilka ka powder, safed chandan inn sabhi ko ek saath milakar paste bana le. Ab iss paste ko apne chehre par lagaiye aur sukhne par thande pani se apne chehre ko dho lijiye.
 

Homemade Facial se Paiye Bemisaal Khubsurti

 
Home Facial in Hindi
 

Masoor Dal, Haldi aur Chandan

Masoor ki dal, chandan powder aur chutki bhar haldi aur gulabh ki pattiya aur pisi huye loung ko lekar sabko ek saath milkar rakh lijiye aur week mai do baar isse jarur lagaiye. Yeh pack rukhi aur oil dono ke liye faydemnad hota hai. To hum bol sakte hai ki, yeh ek accha Homemade Facial in Hindi hai.
 
You may also like:- Masoor Dal for Skin: Lentil ke Fayde Aapki Twacha ke Liye
 

Carrot Face Pack

Gajar mai Vitamin A ki matra jyada hoti hai. Yeh sensitive skin ke liye bahut faydemand hota hai. Saath hi isse aapke chehre ke daag dhabbe bhi khatam ho jate hai. Ek gajar ko lekar piss lijiye. Usme kuch bunde shahad ki mila lijiye. Ab isme nimbu aur doodh ki kuch matra bhi mila lijiye. Inhe acche se milakar apne chehre par lagaiye tatha sukhne par thande pani se apne chehre ko dho lijiye. Isse aapki twacha ki chamak hamesha ke liye bani rahegi.
 

Aalu Face Pack

Yadi aapki skin dry hai, to aalu ko pis lijiye aur ise apne chehre ki massage kijiye. Fir 10 minutes tak ise aisa hi rahne  de fir sade pani se apne chehre ko dho lijiye. Jisse aapki skin mai ka lag chamak aayegi.
 

Onion Face Pack

Pyaz mai Vitamin A, C aur E paya jata hai, jo twacha ko sun damage se bachata hai aur budhape se bhi bachata hai. Ek katori pyaz mai aadha chammach besan, chandan, dahi aur nimbu ko mila lijiye. Ab iss paste ko apne chehre par lagaiye 10 minutes tak ise aisa hi laga rahne de aur thodi der baad apne chehre ko saade pani se dho lijiye. Isse aapki skin ke saare daag nikal jayenge. Saath hi aapki skin ki chamak bhi badhegi.
 
Upar aapne jane Homemade Facial in Hindi. To bas aaj se hi inn tariko ke dwara apne skin ko khubsoorat aur chamkdar banaiye.