Subscribe Whatsapp

Homemade Body Scrub in Hindi: Twacha ki Behatar Dekhbal

Pradushan ke chalte hamari twacha par gandagi jamne lagti hai. Jis se hamari twacha ke rom chhidra band ho jate hai. Natijanat twacha ke upar mrit kosikao ki parat jamne lagti hai. Jise ham dead cells kehte hai. Inn dead cells ke karan hamari twacha kali aur gandi dikhai deti hai.

Iss tarah ki twacha ki safai sadharan sabun nahi kar pata. Aesi gandagi ko nikalne ke liye body scrub behatar vikalp hai. Body scrub twacha ki mrit twacha ko door karne mai bahut sahayak hota hai. Iske niyamit istemal se twacha saaf hoti hai aur dhire dhire nikharne lagti hai.

Body scrub kai prakar ke hote hai jo ki bajar mai aasani se uplabdh rehte hai. Lekin bajar mai milne wale product par jyada vishwas karna bhi uchit nahi hota hai. Kyoki kabhi kabhi inme mila hua chemical hamari twacha par bura prabhav bhi dal sakte hai. Isliye ghar par bane scrub ka hi istemaal karna behtar hai. Inhe banana bhi bahut aasan hota hai. Ghar par bane scrub mai prakratik chizo ka istemal kiya jata hai jo ki twacha ke liye bhi faydemand hote hai. Ise banane ke liye yaha padhiye Homemade Body Scrub in Hindi aur jiski madad se aap twacha ko saaf aur nikhra hua bana sakte hai.
 

Homemade Body Scrub: Ghar Par Hi Scrub Banane Ki Vidhiya

 
Homemade Body Scrub in Hindi
 

Chini aur Chocolate Se Bana Scrub

Homemade Chocolate se bana scrub twacha ke liye bahut hi faydemand hota hai. Ise lagane se yeh twacha ko saaf karne ke sath sath chamakdar bhi banata hai. Iska scrub nimn prakar se banaya aur lagaya jata hai.

Vidhi: Ek bartan mai ½ cup chini, ½ cup brown sugar, ½ cup cocoa le lijiye aur mishran taiyar kijiye. Iss mishran mai ½ cup canola tel ko mila le. Iss prakar bane chocolate ke scrub ko sharir par lagakar golai mai massage kare. Kuch der tak aese hi rakhe aur fir naha le. Aesa karne se kali dikh rahi twacha sundar aur chamakdar dikhayi dene lagti hai.

Mung Daal Se Banaye Scrub

Mung ki daal se scrub banane ke liye ise mixi ki sahayata se achhi tarah se pees le. Fir isme shahad (Honey) ko achhi tarah se mila le. Iss prakar bane scrub ko apni twacha par acchi tarah se laga le. Jab yeh scrub sukhne lage to ise kapade se ragadkar nikal le aur naha le.

Nariyal aur Nimbu

Nariyal sardiyo mai rukhi twacha ki dekhbhal kar use nami pradan karta hai. Iske sath nimbu aur chini ka mishran twacha ko exfoliate karne ka kam karta hai. Yeh body scrub ko ham kai prakar se bana sakte hai.

Vidhi: Ek katore mai lagbhag aadha cup nariyal tel le. Isme 2 chammach chini aur 1 chammach nimbu dalkar acchi tarah se mila le. Ise lagane se pehale chehre ko acchi tarah se dho le. Iske bad iss scrub ko apni twacha mai lagakar 10 minute tak golai mai malish kare. Fir ise geele cotton ke kapde se ponch le. Iske bad chehra dho le. Kuch dino bad aapko khud fark dikhne lagega.
 

You May Also Like:- Best Lipstick Shades Se Apne Hontho Ko Banaye Khubsoorat

 

Avocado Se Banaye Scrub

Avocado ki tasir thandi hoti hai. Yeh hamari twacha ko shitalta aur name pradan karta hai. Avacodo ka scrub banane ke liye 1 avocado, ½ cup jaitun ka tel aur chini ki jarurat hoti hai.

Vidhi:  Sabse pehale avocado ko bich se chaku ki madad se kat lijiye. Ab hare bhag ko mixi mai dalkar pees le. Isme jaitun ka tel aur chini ke mishran ko tab tak milaye jab tak iska gadha hare rang ka ghol taiyar na ho jaye. Ab ise thoda thanda hone ke liye freez mai rakh de. Aur fir ise apni twacha par lagaye aur massage kare.

Badam Aur Santare

Badam aur santare ka mishran twacha ke gorepan ke liye bahut upyogi mana jata hai. Iska scrub banane ke liye pise hui 1 mutthi badam mai, 1 santare ke sukhe chhilke ka powder banakar mila lijiye. Ab isme saman matra mai jaitun ke tel ko mila le. Ab iss scrub ko 10 minute tak twacha mai lagakar malish kare. Iske bad thande pani se twacha ko dho le.

Best Body Scrub: Inn Tariko Se Bhi Kare Twacha Ko Saaf

  1. 1 cup chini, ½ cup nariyal tel, samudri namak aur 1 chammach(strawberry, nimbu) ko milaye aur twacha par lga le. Yeh sabse accha face scrub mana gaya hai.
  2. Coffee scrub taiyar karne ke liye coffee ke dane ya fir iske powder mai saman matra mai nariyal tel, chini aur suji ko mila le. Iss mishran ko nahane se pehale apne sharir par ragade fir naha le.
  3. Aap shayad hi jante honge lekin dahi ka prayog bhi scrub ki tarah kiya jata hai. Ise lagane ke liye pehale chehre ko acchi tarah se dho le. Fir dahi ko chehre par lagakar 10 minute tak malish kare. Iske bad chehre ko thande pani se dho le aur ponch le. Hafte mai ek bar iss prayog ko avashya kare.

 

Download our Health Tips in Hindi App to get easy access on Blogs