Subscribe Whatsapp

How to Quit Tobacco in Hindi – Tambaku Chodne Ke Upay

Yadi ham aaspass dekhe to kai aese log hai jo buri aadato ke shikar hai. Yeh buri aadato ko yadi choda na jaye to yeh aapke liye musibat ka karan ban jati hai. Sirf aaj se nahi balki purane samay se hi logo ko tambaku khana, bidi pina tatha madira ka sevan aadi shouk hai.

Aur badalte dour mai to yeh shouk jyada badh raha hai. Aajkal kam umra ke bacche apne dosto mai khud ko sabit karne ke liye iss buri lat ka shikar ho gaye hai.

Sirf sharab hi nahi tambaku khana bhi ek nasha hai, tatha ise kuch samay lagatar khane se iski lat lag jati hai. Kai baar log iska sevan dukh mai ya dosto ke kehne par shuru kar dete hai aur dhire dhire iski aadat pad jati hai.

Aap iski aadat to aasani se laga lete hai kintu ise chodna aasan nahi hai kyonki jab inhe chodte hai to sharir mai hone wali sharirirk aur mansik pratikriya fir se iska sevan karne par majbur kar deti hai. Aaj ham aapko isko chodne ke tarike bataenge jisse aap iss lat se mukti pa sake. Aaiye jante How to Quit Tobacco in Hindi.
 

How to Quit Tobacco in Hindi – Jane Iske Prabhavi Tarike

 
How to Quit Tobacco in Hindi
 

Upay 1: Sabse Pehle Ise Chodne Ka Nischay Le

  • Tambaku ko chodne ke liye sabse pehle jarurat hai ki aap ise chodne ka nischay le kyonki bina nischay kare aap isme saflta nahi pa sakenge.
  • Ek sath tambaku ko chodna mushkil hota hai, isliye dhire dhire chodne ka prayas kare. Yeh Best Way to Quit Tobacco hai.
  • Jab bhi aapko ise khane ka man karta hai, tab yeh janne ki koshish kare ki aesa kin paristhitiyo mai hota hai. Isse aapko upchar mai madad milegi.
  • Kabhi bhi tambaku chodne ka nirnay kal par na tale warna aap kabhi bhi ise nahi chod payenge. Jab bhi aap chodne ka soche usi samay se shuruwat kare.

 

Upay 2: Swayam Ko Vyast Rakhne Ka Prayas Kare

  • Tambaku chodne ke liye jaruri hai ki aap khud ko kahi na kahi vyast rakhe taaki aapka dhyan ise khane ke taraf na jaye.
  • Swayam ko vyast rakhne ke liye puri dinchrya ko plan kar le taaki aapke pas ise khane ka samay na bache.
  • Aap chahe to subah ki shuruwat yoga, pranayam se shruru kar sakte hai sath hi acche aahar ka bhi sevan kare.

 

Upay 3: Apno Ki Madad Le

  • Tips for Quitting Tobacco ki baat kare to, jab bhi aap tambaku chodne ki yojna bana rahe hai iss bare mai apne parijano tatha dosto ko bhi bataye aur unki madad le.
  • Aap tambaku chodne ki shart bhi apne dosto se laga sakte hai taki shart jitney ke chakkar mai aap tambaku ko chuenge nahi.
  • Aese logo ki sangat mai na baithe jo tambaku ya kisi anya nashe ka sevan karte hai warna aapko iss lat ko chodne mai mushkil aayegi.

 

Upay 4: Nashe Ki Lat Se Chutkara Dilaye Adrak

  • Adrak ek gharelu upay hai jisse nashe ki lat se chutkara paya ja sakta hai.
  • Adrak ke kuch tukde ko nimbu ke ras mai bhigo kar rakh de aur usme thoda sa kala namak tatha ajwain bhi dale.
  • Jab yeh sukh jaye to ek dibbi mai rakh le aur aur har samay apne sath rakhe jab bhi aapko tambaku khane ki iccha ho iska sevan kare.
  • Iska sevan karne se aapka dhyan tambaku ki taraf se hat jata hai tatha kabj ki samasya se bhi rahat milti hai.

 

Upay 5: Elaichi aur Amla Ka Sevan Kare

  • Apne sath hamesha elaichi, amla supari, harad aadi ko rakhe jab bhi aapka tambaku khane ka man kare aap inka sevan kare.
  • Jab bhi aapko dhumrapan karne ka man kare inn sabhi chijo ko danto ke niche daba le aesa karne par nashe ki aadat se chutkara mil jayega.
  • Iske alawa khatti dakar, pet fulna, bhukh na lagna aadi samasya se nijat mil jayegi.

 

Upay 6: Tanav Par Kare Niyantran

  • Kai log dhumrapan isliye karte hai kyoki isme mojud nicotine tanav mai aaram deta hai. Isliye jitna ho sake tanav se duri banaye rakhe.
  • Jab bhi tambaku ko chodte hai tanav dur karne ke liye koi naya tarika apnaye.
  • Tanava ko dur karne ke liye sugandhit tel ka istemal kar sar ki malish kare aur soft music sune.
  • Tambaku chodne ke bad tanav paida karne wali paristithi ko kuch hafte tak talne ka prayas kare.

 

Jane Kuch Anya Upay:-

  1. Apne pas tambaku ya nashe wali koi anya chije na rakhe.
  2. Gungune pani mai nimbu ka ras aur shahad dalkar piye yeh tambaku ki talab ko kam karta hai aur sharir se vishakt padartho ko bahar nikalta hai.
  3. Aadha chammach baking soda powder ko din mai 2 se 3 bar le yeh bhi vishakt padartho ko sharir se bahar karne mai sahayak hota hai.
  4. Jab bhi dhumrapan karne ka man kare usse pehle dudh, gajar aadi khaye kyonki yeh dhumrapan ke dhuye ka swaad parivartit kar bhyanak swad mai badal deta hai. Tatha vyakti cigarette ko fek deta hai.

 
Upar aapne jana How to Quit Tobacco in Hindi. Yadi aap bhi iski buri lat se pareshan hai to upar diye gaye upayo ki sahayata le.