Subscribe Whatsapp

Mung Bean Benefits in Hindi: Swasth Guno Se Bharpur Daal

Daal hamari sehat ke liye bahut hi faydemand hoti hai. Daalo mai mung daal ko ham sabhi jante hai. Yeh apne vishes guno ke karan swasth ke liye acchi mani jati hai. Mung daal kale, hare, pile aur safed rang ki hoti hai jinme se hari mung ko jyadatar log apne dainik jivan mai istemal karte hai.

Mung daal postik guno aur vitamins se bharpur hoti hai isliye rogiyo ke liye yeh daal sarvashresth mani jati hai. Iske alava poshtik guno ke karan yeh baccho ke sharirik aur dimak ke vikas ke liye upyukt hai. Mung ki daal ko ham kai tariko se prayog kar sakte hai.

Kuch log iske feeke swad ke karan ise khana pasand nahi karte hai. Lekin ham aapko bta de ki ise sabhi daalo ki tarah alag tarike se banakar swadisht banaya ja sakta hai. Iske alava mung ki daal ke chile ,halwa, parathe, papad, badiya aur poshtik laddu bhi banaye jate hai.

Mung ki daal mai calorie ki bahut kam matra hoti hai, shayad aapko pata hoga ki paki hui mung daal mai 100 se bhi kam calorie hoti hai. Yeh daal na srif aapke swasth ke liye acchi hoti hai balki twacha aur baalo ki dekhbhal mai bhi madad karti hai. Iske aur bhi fayde janne ke liye yaha padhe Mung Bean Benefits in Hindi.
 

Mung Bean Benefits in Hindi: Daal Se Milte Hai Aneko Laabh

 
Mung Bean Benefits in Hindi
 

Ucch Raktchap Ko Niyantrit Kare

Uchh raktchap se pidit vyaktiyo ke liye hari mung ki daal bahut hi faydemand hoti hai. Yeh sharir ke cholesterol ke leval ko bhi niyantrit karne mai madad karti hai. Iska sevan karne se sharir se sodium ka prabhav kam ho jata hai jisse blood pressure bahut adhik nahi badh pata hai. Aese mai aapko ek healthy aur active jindagi jeene mai aasani hoti hai.

Iske sath hi yeh hamare blood se cholesterol aur sharkra ki matra ko bhi niyantrit karne mai madad karti hai.
 

Iron Ka Accha Strot Mung Daal

Mung daal mai kai prakar ke yogik hote hai jinme se ek hai Iron. Iron hamare sharir mai khun ki kami ko pura karta hai. Iss wajeh se mung daal ko apne aahar mai jarur shamil karna chahiye. Aamtor par shakahari bhojan karne wale log kam iron yukt bhojan ka sevan karte hai. Iska sevan sharir mai iron ki kami ko pur karne mai madad karta hai jisse ham anemia ke khatre se bach sakte hai.
 

You may also like:- Health Benefits of Pea: Jane Matar Ke Behatrin Swasth Laabh

 

Vajan Kam Karne Mai Madad Kare

Aajkal log apne badhte vajan se bahut pareshan hai aur vajan ko kam karne ke liye kai prakar ke upaye bhi apnate hai. Aese mai mung daal ka sevan vajan ko kam karne mai kargar hai. Mung daal ka sevan sharir se na keval calorie ki matra kam hoti hai balki lambe samay tak bhuk lagna bhi band ho jati hai.

Raat ke samay mai chapati ke sath yadi aap ek katori mung daal khayenge to aapko bharpur poshan milega. Yeh jaldi pach jati hai isliye ise raat mai bhi khaya ja sakta hai. Ankurit mung daal ko aap yadi rojana subah khaye to yeh aapko overeating se bachayega jisse aapko vajan ko kam karne mai madad milegi.
 

Skin Cancer Ke Khatre Ko Kam Kare

Shayad aap jante honge ki mung daal ka sevan karne se ham skin cancer se bach sakte hai. Jab bhi hamari twacha sury ki kirno ya fir paryavaran pradushan ke sampark mai aati hai to kai prakar ke hanikarak free radicals twacha mai pravesh kar jate hai. Jisse hamari twacha ko bahut nuksan pahuchta hai.  Lekin yadi aap apne aahar mai mung daal ko shamil karte hai to isme upasthit anti- oxidant gun ki wajeh se twacha ko inn bahari free radicals se chutkara milta hai. Iss tarah se twacha ko pradushan ke pravah se hone wale skin cancer se bachaya ja sakta hai.
 

Mung Bean Benefits in Hindi: Anya Fayde Inhe Bhi Jane

  1. Chaval aur mung daal ki khichadi kabj aur dast se rahat dilane mai madad karti hai.
  2. Typhoid se pidit vyakti ko bina masaledar mung ki daal ka sevan karna chahiye jisse iss bimari se bacha ja sake.
  3. Mung ki chilke wali daal ko piskar twacha par lagane se daad, khaj- khujali mai aaram milta hai.
  4. Jinn logo ko bahut adhik pasina aata hai unke liye mung ki daal ko piskar bane lape se sharir ki malish karne se jaldi laabh milta hai.
  5. Tej bukhar rehne par yakti ko mung ki daal ka sevan karna chahiye jisse bukhar thik hone mai madad milti hai. Aur sharir ko takat bhi milti hai.
  6. Bachpan, garbhavastha aur stanpan karate samay iska lagatar kiya jane wala sevan poshan pradan karne ke sath-sath swasth rakhne mai bhi madad karta hai.

Upar aapne padha Mung Bean Benefits in Hindi. Yadi aap bhi upar di gayi bimariyo se pareshan hai to aaj se apne khan-pan mai mung daal ka sevan karna prarambh kare aur rahe swasth.