Subscribe Whatsapp

Negative Calorie Foods: Jane Iske Fayde aur Anya Jankari

Aaj internet par dhero articles negative calorie food ki list bata rahe hai. Sath hi kai jagah to aapko iski recipe bhi dekhne ko mil jayegi. Lekin aakhir yeh negative calorie food hai kya? Aur iska swasthya par kya prabhav hai.

Yadi aese sawal aapke man mai bhi uth rahe hai to koi baat nahi hai. Aaj ke lekh mai aapke sare doubts clear ho jayenge. Kyoki aaj ham aapko isse sambandhit purn jankari dene wale hai.

Negative calorie food wo aahar hai jinhe pachne mai kharch hone wali urja, usse milne wali urja se jyada hoti hai. Isliye inko khane se aapko calorie nahi milti hai, yeh calorie free hote hai.

Jab bhi aap vajan ghatane ke liye kuch talash rahe hote hai, to aese aahar dhund pana thoda mushkil hota hai jisse aapka vajan ghate. Lekin negative calorie food isme aapki madad karta hai. Aaiye jante hai Negative Calorie Foods ke bare mai vistarit jankari.
 

Negative Calorie Food Kya Hai aur Isse Kya Fayda Milta Hai?

 
Negative Calorie Foods

Ajwain

  • Ajwain ek behad hi faydemand negative calorie food hai. Isme 75% pani hota hai jabki 25% fiber moujud hota hai. Yadi aap iski sabji khate hai to aapko isse bahut kam calorie milegi, jab ki isko pachane mai jyada calorie kharch hogi.
  • Yeh aapke sharir se calorie to jalati hi hai, sath hi yeh fiber ka uchha strot bhi hai. Jisse aapko bar bar kuch khane wali iccha nahi hoti hai.
  • Ajwain mai kai sare nutrients jaise ki vitamin c, vitamin k, aur vitamin a moujud hote hai. Sath hi iski antioxidant property aapke hriday ki sehat ko sudharti hai.
  • Negative calories food mai phal aur sabjiya dono shamil hai. Isko aap healthy diet plan mai shamil kar sakte hai. Yane ki ab aapke liye vajan ghatana aasan ho jayega.
  • Yeh aapke pachan ko bhi sucharu karta hai. Isliye aapko ise apne aahar mai jarur shamil karna chahiye. Kyoki yeh aapki twacha ke liye bhi faydemand hai.

 

Grape Fruit – Chakotara

  • Grape fruit ek mitha aur khatta phal hai. Isme pura pani aur thoda roughage hota hai, jise phek diya jata hai.
  • Ajwain ki tarah isme bhi 60% jyada pani hota hai aur thoda sa fiber hota hai. Yeh aapke digestion ko sudharta hai tatha isse aapko pet bhara hua bhi mehsus hota hai.
  • Isme moujud fiber ka naam pectin hai. Isse na keval aapka per bharta hai balki yeh aapki dhamniyo ko bhi sakhth nahi hone deta hai. Isse aap dil ki bimariyo se bache rehte hai.
  • Yadi aap niyamit roop se grapefruit khate hai to isske aapka metabolism rate badhta hai. Isse aapke sharir ki charbi teji se jalti hai.
  • Vaise to aap ise din mai kabhi bhi kha sakte hai. Lekin aap subah ke wakt iska sevan karnege to aapko jyada fayda milega.
  • Iss phal mai phytonutrients paye jate hai jise limonoids kehte hai. Yeh pet aur fefdo mai tumor banne se rokta hai.

 

Hari Pattedar Sabjiya

  • Hari pattedar sabjiya aapka vajan ghatane mai isliye madad karti hai. Kyoki yeh adhiktar pani se bani hoti hai.
  • Inme 50 pratishat pani ki matra aur 50 pratishat fiber hota hai. Isse aapko urja milti hai. Isliye yeh aapke mithe khane ki iccha ko kam karti hai.
  • Isliye yadi aapne vajan ghatane ke bare mai soch liya hai to ham yahi kahenge ki aapke liye isse faydemand aur kuch nahi hai.

 

Masale

  • Masale jaise ki laal mirch, laung, adrak, lehsun, pyaj, yeh sabhi bhi negative calorie mai aate hai.
  • Isse aapko swad to milta hi hai sath hi vajan ghatane mai bhi madad milti hai.

 

Negative calorie Food: Jane Iske Fayde Kya Hai

  1. Jo Foods with No Calories hote hai wo aapka vajan ghatane mai madad karte hai.
  2. Yeh tanav aur avsad ko kam karta hai. Sath hi isse aapko acchi nind aane mai madad milti hai.
  3. Yeh aapki urja ko badhati hai sath hi isse bar bar bhukh lagne ki samasya kam hoti hai.
  4. Iss aapki twacha jivant hoti hai, isse aapke baalo mai chamak bhi aati hai.
  5. Yeh rakt mai sharkara ki matra ko santulit rakhti hai. Isliye isse aapka mood bhi sudharta hai.

 
Upar aapne jana Negative Calorie Foods ke bare mai. Yadi aap vajan ghatana bhi chahte hai to sirf bataye gaye kuch chuninda aahar na le. Isse aap kais are jaruri nutrients ko chod denge. Isliye iske sath sath aap dusre aaharo ko bhi apne khanpan mai shamil kare. Kyoki yadi aap wakai vajan ghatana chahti hai to aapko roj santulit aahar lena hoga. Sath hi sath vyayam ko bhi apni dincharya mai shamil karna hoga.

Related Post