Subscribe Whatsapp

Okra Health Benefits in Hindi: Jane Bhindi Se Milne Wale Labh

Okra ek prakar ki hari sabji hai jise ham log bhindi, lady finger aur bamia ke naam se jante hai. Hamare desh mai log bhindi khana bahut pasand karte hai. Bhale hi aap ise sadharan sabji ki tarah khate ho, lekin kya aap jante hai ki yeh hamare swasth ke liye bhi bahut faydemad hai?  To aaiye jane Okra Health Benefits in Hindi.

Bhindi mai kai prakar ke poshak tatv jaise carbohydrate, calcium, phosphorous aadi paye jate hai. Yeh poshak tatv sharir ko kai prakar ki bimariyo jaise madhumeh, hriday rog, netra rog, kabj aur anemia aadi ki roktham karne mai sahayak hote hai.

Bhindi mai andar ki taraf safed beej hote hai aur iska rang hara hota hai. Ise khane ke shokin baccho se lekar bade budho tak hote hai. Bhindi ki sabji ko aap kai prakar se bana sakte hai.

Bhindi mai fiber ka uccha star hota hai jo sharir ke fat ko badhne nahi deta hai. Iske alava isme ziletine hota hai jo pet mai acidity hone par thandak pahuchane ka kam karta hai. Iske sath hi jin logo ko peshab sambandhi samasyae hoti hai unhe bhindi khane ki salah dee jati hai. Iske alava yeh sharir ko kai prakar ke rogo se bhi bachata hai. To aaiye jane iske aur bhi kai fayde.
 

Okra Health Benefits in Hindi: Sharir Ko Bimariyo Se Rakhe Dur

 
Okra Health Benefits in Hindi
 

Madhumeh Mai Faydemand

Madhumeh rog se pidit vyaktiyo ke liye bhindi bahut hi faydemand hoti hai. Bhindi mai fiber ki matra bahut hoti hai jo ki rakt mai sharkra ke star ko badhne se rokti hai. Iss wajeh se bhindi Diabetes se ladne ki shakti deti hai.
 

Garbhvati Mahilao Ke Liye

Bhindi vitamin B se bharpur sabji hai iss wajah se yeh sharir ki nayi koshikao ke nirman aur unki sahi dekhbhal mai madad karti hai. Iske sath hi Vitamin B garbhvati mahilao mai baccho ke janm se pehle aane wali bahut si pareshaniyo ko rokta hai aur baccho ke vikas mai sahayak hota hai. Iske alava bhindi mai mojud Folic acid bhrun ke dimak ke vikas ke liye jaruri hota hai.
 

Anemia

Bhindi mai Iron ki matra hone se  yeh sharir mai hemoglobin ki matra ko badhane mai bhi madad karta hai. Iss wajeh se yeh Anemia jaise khatre se sharir ko bachata hai.

Iske alava isme upasthit Vitamin K sharir mai khun ke thakke banne se rokta hai aur sharir ke anya dravyo ko jamne aur unhe gadha hone mai madad karta hai. Iske sath hi bhindi vitamin E se bharpur hoti hai isliye yeh haddiyo aur dil ko majbut banane mai bhi madad karti hai.
 

Vajan Kam Karne Mai Sahayak

Bhindi, badhte vajan se pareshan vyaktiyo ke liye bhi bahut faydemand hoti hai. Isme upasthit fiber ki matra sharir ki atirikt charbi ko kam kar vajan ko ghatane aur motape ko kam karne mai sahayak hoti hai.
 

Immunity System

Bhindi mai mojud vitamins aur kai prakar ke minerals jaise magnesium, calcium, iron hanikarak free redicals aur khatarnak bimariyo se ladne mai sahayak hote hai. Iske sath hi isme antiseptic gun bhi hote hai jo ki sharir ko sardi, khansi, jukham se ladne aur immunity system ko sucharu roop se chalane mai madad karte hai.
 

You May Also Like:- Kalonji Oil Benefits in Hindi: Jane Iske Bemisal Fayde

 

Dil Ke Liye Faydemand

Dil aur hriday rog se pidit vyaktiyo ke liye bhindi khana bahut hi labhkari hota hai. Bhindi mai mojud ghulansheel fiber, serum cholesterol ko kam kar dil ki bimariyo se ladne ki shakti dete hai. Iske sath-sath yeh cholesterol ke level ko bhi kam karne mai madad karte hai.

Bhindi mai mojud pectin, aanto mai hone wale colon cancer se bachane mai sahayak hote hai aur pet mai hone wali sujan aur kabj se bhi chutkara dilate hai. Shodho se pata chala hai ki niyamit roop se bhindi ka sevan kidney ko damage hone se rokta hai aur usko swasth rakhne mai madad karta hai.
 

Aankho Ke Liye

Bhindi mai mojud Vitamin A aur beta carotene aankho ki roshani ko badhane aur aankh se sambandhit samasyao ko dur karne mai sahayak hota hai. Iske sath-sath bhindi ka sevan motiyabind ko hone se rokta hai aur umra ke sath aankho mai aane wali kamjori ko dur karne mai sahayak hota hai.
 

Balo Ke Liye Faydemand

Okra Benefits for Hair bhi hai. Bhindi ka upyog balo ko lamba aur ghana banane ke liye bhi kiya jata hai. Bhindi ka upyog karne se kharab aur domuhe baalo se mukti milti hai. Iske sath hi yeh rusi ko dur karne mai bhi sahayak hota hai.

Ise lagane ke liye Bhindi ko garm pani mai ubal le aur fir pani ko thanda hone de, Fir iss pani se baalo ko dho le. Aesa karne se rusi aur juo se nijad milta hai aur baal majbut bante hai.
 

Twacha Ke Liye

Twacha ki bat kare to bahut se okra benefits for skin bhi hai. Aajkal har koi apni twacha ko komal aur sundar banana chahta hai. Aese mai bhindi ka sevan bhi twacha ki dekhbhal ke liye kiya jata hai. Bhindi mai upasthit vitamin C, purane uttako ki marammat kar naye uttako ke niraman mai sahayak hota hai jisse twacha nayi jaisi dikhai dene lagti hai.

Iske alava bhindi mai mojud poshak tatv, free radicals se chehre ki raksha kar twacha ko tight banane mai madad karte hai.

Bhindi ka upyog karne ke liye bhindi ko garm pani mai tab tak ubale jab tak bhindi mulayam na ho jaye. Uske baad bhindi ko thandi karne baad acchi tarah se mashal le aur apne chehte par lagaye. Fir 5 minute baad chehre ko dho le. Aesa karne se chehre ki twacha komal aur jawa banti hai.

Aaj aapne jana Okra Health Benefits in Hindi. Yadi aap bhi apne sharir ko kai prakar ki bimariyo se bachana chahte hai to apne aahar mai bhindi ko shamil kare aur rakhe apne aap ko swasth aur sundar.