Subscribe Whatsapp

Jane Strawberry Benefits in Hindi Aur Rahe Bimariyo Se Dur

Strawberry lal rang ka aur baccho ka pasandida fal hai. Yeh ek rasila fal hota hai aur swad mai bhi accha hota hai. Iska prayo kai rupo mai kiya jata hai sath hi iske flavor ka upyo kai prakar ke sweets banana mai kiya jata hai jaise milkshake, ice-cream, dahi aur jem.

Pehle yeh aasani se kahi nahi milta tha lekin aaj yeh pure bharat desh mai paya jata hai. Aapko yeh jankar ashchary hoga ki strawberry ekmatra aesa fal hai jiska beej bahar ki hota hai. Puri duniya mai iski 600 kism ki prajatiya payi jati hai aur sabhi kismo ka rang aur swad alag hota hai.

Strawberry khane mai jitna swadisht hota hai utna swasth ke liye bhi faydemand hota hai. Isme vitamins, folic acid aur calcium, phosphorous sahit kai prakar ke minerals paye jate hai se jo ki swasth ke sath-sath twacha ke liye bhi faydemand hote hai. Yeh sharir ko cancer aur ucch raktchap sahit kai prakar ki bimariyo se ladne ki kshamta pradan karta hai. Yaha padhiye Strawberry Benefits in Hindi aur jane iske aur bhi fayde.
 

Strawberry Benefits in Hindi: Jane Iske Swasthvardhak Gun

 
Strawberry Benefits in Hindi
 

Haddiyo Ko Majbut Rakhe

Strawberry ka prayog haddiyo ko majbut banane ke liye kiya jata hai. Umra badhne ke sath-sath kuch logo ki haddiya kamjor padne lagti hai,aese mai iss rasbhare fal ka sevan haddiyo ko majbut banane ka kam karta hai. Isme vitamin K, calcium aur magnesium ki uchh matra payi jati hai. Iss wajeh se yeh garbhvati mahilao ke liye bhi faydemand hota hai.
 

Ucch Raktchap Ke Liye

Vitamin C se bharpur hone ke wajeh se sharir ki rog pratirodhak kshamta ko badhane mai madad karta hai. Sath hi ucch raktchap se pidit vyaktiyo ke sharir mai rakt sancharan mai madad karta hai.
 

Cancer Se Bachaye

Strawberry mai upasthit fevonoil, folic aur vitamin C sharir ko cancer jaisi khatarnak bimariyo se bachane mai madad karta hai. Yeh poshak tatv sharir mai cancer ko janm dene wali koshikao ko nasht kar deta hai aur cancer ko badhne se rokta hai.

Folet sharir mai lal rakt koshikao ke nirman mai sahayak hota hai aur strawberry mai upasthit potassium sharir ko heart attack se bachane mai madad karta hai.
 

You May Also Like:- Okra Health Benefits in Hindi: Jane Bhindi Se Milne Wale Labh

 

Vajan Kam Kare

Lal rang ke fal strawberry mai nitrate ki matra bhi hoti hai jo ki rakt ke sath milkar sharir mai oxyzen ke pravah ko niyantrit karta hai. Iss tarah yeh vajan ko kam karne ke sath-sath motapa dur karne mai sahayak hota hai. Iske alawa isme baki sabhi falo ki apeksha fat ki bahut kam matra hoti hai.
 

Balo Ke Liye

Strawberry ke prayog se bal majbut bante hai aur rusi ki samasya se bhi nijad milta hai. Isme upasthit vitamin C balo ko girne se rokta hai aur balo ko majbuti pradan karta hai.

Iska prayog karne ke liye 2 strawberry ko acche se mesh kar le aur isme nariyal ka tel aur shahad milakar ½ hours ke liye rakh de fir iss mishran ko balo par ½ hours tak lagakar balo ko dho le. Aesa hafte mai do bar karne se balo mai asar dekhane ko milne lagega.
 

Twacha Ke Liye

Twacha ko sundar aur gora banane ke liye yeh rasbhara fal bahut hi faydemand hota hai. Isme upasthit alpha-hydroxy acid mrit twacha ko jivit kar twacha ki nayi cells ka nirman karta hai. Sath hi isme salicylic acid aur ellagic acid ki matra bhi hoti hai jo ki twacha ke sabhi dark spots ko hatakar twacha ko saaf aur gora banane ka kam karta hai.

Iska prayo karne ke liye 3 strawberry ko mesh kar le fir usme shahd ko milakar 15 se 20 minute tak ke liye twacha par laga le. Fir halke gungune pani se twacha ko saf kar le.
 

Strawberry Benefits in Hindi: Anya Fayde Inhe Bhi Padhe

  1. Strawberry ka prayo aankho ke liye bhi kiya jata hai. Ise khane se aankho ki roshni tej hoti hai aur motiyabind jaise rogo se nijad milta hai.
  2. Yeh pachan mai sahayak hota hai jisse lever aur pet sambandhi samasya mai aaram milta hai.
  3. Isme upasthit vitamin C daanto ko majbuti pradan kar unhe safed aur chamakdar banata hai.

Upar aapne jana Strawberry Benefits in Hindi. Yadi aap bhi dee gayi bimariyo se pareshan hai to aaj se iss ras bhare fal ka prayog kare aur banaye apne aapko tandrust.