Subscribe Whatsapp

Health Benefits of Pea: Jane Matar Ke Behatrin Swasth Laabh

Thand ka mosam aate hi bajaro mai kai prakar ki sabjiya dekhne ko miti hai. Matar bhi thand ke samay mai milne wali sabse lokpriya sabji hai. Iska prayog log kai prakar ke vyanjano mai bahut shok se karte hai. Log matar ki fali ko khana pasand to karte hai lekin unhe yeh bram rehta hai ki isme swasthvardhak gun hai ya nahi. Lekin ham aapko batana chahte hai ki isme bhi kai sehatmand gun hai to aaiye jante hai Health Benefits of Pea.

Hari matar ki fali 2 se 4 inch ke aakar ki hoti hai. Iske andar ke dano ka prayog hi ham khane ke rup mai karte hai. Inhe kisi bhi tarah se khaya ja sakta hai jaise kaccha, bhunkar, pakakar. Matar hamare sharir aur swasth dono ke liye bahut hi faydemand hoti hai. Dietitian bhi matar ko apne aahar mai shamil karne ki salah dete hai.

Shodo se pata chaka hai ki thand mai milne wali hari matar mai coumestrol hota hai. Coumestrol ek prakar ka phytonutrients hota hai jiski sharir mai santulit matra rehne par sharir ko cancer se ladne mai madad milti hai. Iske alava iska sevan rojana karne se pet mai hone wale cancer ke khatre se mukti milti hai. Iske alava iske aur bhi fayde janne ke liye aage padhe matar ke fayde.
 

Health Benefits of Pea: Inn Bimariyo Ko Dur Kare Matar

 
Health Benefits of Pea
 

Madhumeh Ke Liye Faydemand

Madhumeh rog se pidit vyaktiyo ke liye matar bahut hi faydemand hoti hai. Matar ki fali mai bahut adhik matra mai fiber aur protein paya jata hai jo ki hamare sharir ke khoon mai sharkara ki matra ko niyantrit karne mai madad karta hai, jisse diabetes mai aaram milta hai.
 

Rog Pratirodhak Kshamta Badhaye

Hari matar ki fali mai iron, zinc, manganese, copper ki bhi adhik matra hoti hai ji ki sharir ko kai prakar ki bimariyo se bachane mai madad karta hai. Iske alava isme anti-oxidant ka gun bhi hota hai jo ki sharir ki rog-pratirodhak kshamta ko badhata hai jisse sharir bimariyo se lad sake.
 

Haddiyo Ko Majbut Banaye

Shodho se pata chala hai ki matar mai vitamin K bharpur matra mai upasthit hota hai jo ki sharir ki haddiyo ko majbuti pradan karta hai. Iske alava yeh haddiyo ko hone wale osteoporosis ke khatre se bhi dur rakhta hai. Iska matlab yehi hai ki hari matar haddiyo ki suraksha ke liye power pack ka kam karti hai aur hamari ek healthy life banati hai.
 

Vajan Kam Kare

Vajan ko kam karne ke liye kisi bhi prakar ki mehnat karne ke bajay matar ka sevan karna labhkari hota hai. Isme ucch matra mai fiber hota hai sath hi low calorie aur low fat hota hai jo ki hamare sharir ke vajan ko kam karne mai sahayak hota hai. Subah nashte mai iska sevan karne se, isme upasthti fiber se hame din bhar energy bhara mehsus hota hai.
 

Cholestrol Ke Leval Ko Niyantrit Kare

Aur bhi Health Benefits of Pea hai. Hari matar ka sevan hamare sharir mai cholesterol ke leval ko niyantrit karne mai madad karta hai. Isme aese swasthvardhak gun hote hai jo ki cholesterol ke leval ko badhne nahi deta hai, sath hi yeh sharir se triglycerides ke star ko badhne nahi deta hai. Iske sath hi iske sevan se blood mai cholesterol ka leval santulit rehta hai aur ham kai prakar ki bimariyo se dur rehte hai.
 

You may also like:- Janiye Turai Ki Sabji (Ridge) Se Milne Wale Swasth Laabh

 

Dil Ki Bimariyo Ko Dur Kare

Dil aur hriday ke rog se pidit vyaktiyo ke liye bhi matar ka sevan bahut hi labhkari hota hai. Iske sevan se ham heart ki bimariyo se dur rehte hai. Matar mai anti-inflammatory aur anti-oxidant gun hote hai jisse sharir dil se sambandhit kai prakar ki bimariyo se dur rehta hai. Sath hi ucch raktchap aur heart attack ka khatra bhi kam ho jata hai.
 

Cancer Se Bachaye

Matar mai anti cancer gun bhi hote hai jo ki sharir ko kai prakra ke khatre se bachata hai. Isme upasthti coumestrol, sharir ko cancer se ladne ki shakti deta hai. Isliye har din matar ka sevan karne se sharir se sabhi vishele padarth aur cancer element ko dur karne mai madad karta hai.
 

Chehre Ki Chamak Badhaye

Matar hamare chehre ke liye ek prakratik scrub ki tarah kam karta hai jisse hamari twacha java aur sundar dikhayi deti hai. Iske sath hi isme upasthit phytonutrients, flavonoids, carotene hamare sharir ko janwa aur energy se bharpur banane mai madad karte hai. Matar mai anti-oxidant ka gun sharir ko chust aur durast banane mai madad karta hai.

Chehre ke liye iska prayog karne ke liye matar ki kuch faliyo ko pani mai ubal le fir ise piskar iska lape bana le. Fir iss lape se apne chehre ko ragde aur 15 se 20 minute ke bad chehre ko dho le. Aesa karne se chehre ki khoi hui chamak vapas aati hai aur chehre se dhul, miiti aur gandagi dur hoti hai.

Iske alava dudh mai ubli hui matar aur santre ke chilke ko achhi tarah se piskar ubtan banaye aur chehre par acche se ragde. Isse chehre ka rang saaf hota hai, jhaiya aur daag-dhabbe bhi dur hote hai.
 

Baalo Ke Liye Faydemand

Matar mai upasthit vitamin C balo ko jharne se rokta hai aur rukhe  baalo ki dekhbhal mai madad karta hai. Sath hi isme upasthit vitamin B6, B12 aur folate acid laal rakt koshikao ke nirman mai madad karta hai. Isse oxygen ki matra sar tak pahuch pati hai aur baalo ke badhne ki gati badhti hai jisse baal lambe hote hai aur baalo ka jharna kam hota hai.
 

Health Benefits of Pea: Anya Fayde Inhe Bhi Padhe

  1. Matar ka rojana sevan karne se logo ko jaldi bhulne ki bimari (alzheimer) dur hoti hai.
  2. Matar mai upasthit folic acid, garbhavati mahilao ko poshan deta hai aur bhrun ke vikas mai madad karta hai.
  3. Ubale huye matar ke pani se nahane se sharir ki sujan dur hoti hai. Iske alava jale huye sthan par matar ka paste lagane se jalan dur ho jati hai.
  4. Matar ka sevan karne se mahilao ko hone wali mahvari mai aane wali rukavat dur hoti hai.
  5. Isme upasthit vitamin C shair ki koshikao ko free radicals se bachane mai madad karta hai.

Upar aapne jana  Health Benefits of Pea. Yadi aap bhi upar di gayi samasyao se pareshan hai to aaj se apne aahar mai matar ko shamil kare.