Subscribe Whatsapp

Poppy Seeds Benefits in Hindi – Khaskhas Ke Fayde Janiye

Poppy seed sukshm aakar ka beej hota hai. Hindi mai ise khaskhas kaha jata hai. Iski kheti kai saalo se ki ja rahi hai. Khaskhas ke dane kaafi chhote chhote hote hai aur inka istemal kai swasdhist pakwan banane ke liye kiya jata hai. Kyonki yeh khane mai bahut swadisht hone ke sath sath inme kai poshtik gun bhi hote hai.

Yeh nashile padharth afim se nikalta hai. Iska poudha Europe mai kaafi lokpriya hai. Darahsal afim ke beejo se khaskhas taiyar kiya jata hai. lekin khaskhas mai afim ki tarah koi bhi side effect nahi hota hai. Khaskhas, calcium aur carbohydrate ka accha strot hai. Isliye aap keh sakte hai ki yeh urja ka accha strot hai.

Khaskhas kai chizo mai faydemand hai jaise bukhar, sujan aur pet mai jalan aadi . Yeh ek dard nivark aushdhi bhi hai. Iske beejo se nikalne wala tel khana banane ke liye bhi upyog kiya jata hai. Iske kai sare fayde hai jinko janne le liye niche padhe Poppy Seeds Benefits in Hindi.
 

Jane Guno Se Bharpur Poppy Seeds Benefits in Hindi

 
Poppy Seeds Benefits in Hindi
 

Poshak Tatvo Se Bharpur

Khaskhas kai poshak tatvo se bharpur hota hai. Jaise isme Carbohydrates ki matra 28.13 g hoti hai. Wahi Protein ki matra 21.22 g hoti hai. Isme minerals bhi acchi matra mai paya jata hai.
 

Minerals

 

Calcium (144%) 1438 mg
Iron (75%) 9.76 mg
Magnesium (98%) 347 mg
Manganese (109%) 2.285 mg
Phosphorus (124%) 870 mg
Potassium (15%) 719 mg
Sodium (2%) 26 mg

 

Dard Nivarak

Khaskhas ko davai ke rup mai bhi liya jata hai kyuki yeh dard ko khatam kar deta hai. Isme opium alkaloids paya jata hai jo kisi bhi tarah ke dard ko dur kar sakta hai.

Khaskar iska istemal maspeshiyo ke dard ko thik karne mai kiya jata hai. Iske atirik iska tel bhi bajar mai uplabdh hai. Khaskhas ke tel se malish karne par dard dur hota hai.
 

You may also like:- Dry Fruits Benefits -Sukhe Meve Se Rakhe Sehat Ka Khayal

 

Anidra mai Faydemand

Khaskhas nind se judi samasye jaise nind naa aana aadi ko dur karta hai. Kyuki iska sevan karne se aapke andar nind aane ki iccha jagrat hoti hai. Yadi aap bhi iss samasya se pareshan hai to sone se pehle khaskhas ke paste ko garam dhudh mai dalkar rojana piye, anidra ki samsya se nijat mil jayegi.
 

Kabj Se Nijat

Khaskhas ke dano mai fiber acchi matra mai hota hai. Yeh fiber aapko mal ko tyagne aur kabj ko dur karne mai madad karta hai.

Rojana 200g khaskhas ka sevan aapke sharir mai fiber ki kami ko pura karta hai. Yeh behtar pachan aur sharir ko urja dene mai madadgar hai. Khaskhas pet mai badi hui garmi ko bhi shant karta hai.
 

Khasi Thik Kare

Khaskhas ke beej mai khasi ko kam kar saans smabhndhi samsyao ko dur karne ke gun hote hai. Shwas se judi koi bhi samasya aur asthma jaisi samsyao mai khaskhas bahut faydemand hai.
 

Antioxidant Ka Bharpur Strot

Khaskhas ke beejo mai atyadhik matra mai antioxidant moujud hota hai. Iske antoxidant free radical se hone wale hamle se uttako ki raksha karte hai. Isliye inn sabhi se bachne ke liye aapke danik khane mai khaskhas ko jarur shamil kare.
 
Poppy Seeds in Hindi
 

Kidney Ki Pathri Ko Hatane mai Sahayak

Khaskhas kidney mai hone wali pathri ko rokne mai madad karta hai. Kyuki khaskhas mai oxalates mojud hota hai jo sharir se atirikat calcium ko avshoshit kar leta hai. Jiske karan kidney mai crystal banne se rokta hai jisse kidney mai pathari hone ki sambhavnaye kam ho jati hai.
 

You May Also Like:- Sesame Seeds in Hindi – Swasth Ke Liye Hai Labhprad 

 

Twacha ke Liye Faydemand

Har koi sundar aur swasth twacha pana chahta hai. Ham aapko batana chahte hai ki Poppy Seed Benefits for Skin bhi hai. Yeh twacha ke liye ek moisturizer ki tarah kaam karta hai. Sath hi twacha mai hone wali jalan aur khujali jaisi samsaya se bhi nijat dilata hai. Iske atirikat isme linoleum acid hota hai jo eczema ke upchaar mai sahayak hota hai.

Iske sevan ke atirikt chehre ko khubsurat banane ke liye khaskhas ko peeskar iska dudh ko face pack ki tarah chehre par lagaya jata hai. Yeh chehre ko nami pradan karta hai jisse chehra khil jata hai.
 

Bad Cholesterol Kam Kare

Isme potassium hota hai jo sharir ki koshikao, dil ki dhadkano ki gati aur rakt chaap ko niyantrit karta hai. Iske atirikat isme manganese hota hai jo antioxidant ka kaam karta hai. Yah bad cholestrol ko kam karta hai tatha acche cholesterol ko badane mai madad karta hai.
 

Cancer Se Bachaye

Yeh cancer jaisi ghatak bimari se ladne mai karagar hai .Kyuki khaskhas mai oleic acid hota hai jo cancer cell ko nasht kar deta hai aur bimari se ladne mai madad karta hai
 

Kuch Anya Fayde Bhi Janiye

  1. Isme calcium acchi matra mai hota hai jo ki garbhvati mahila ke liye bahut faydemand hai.
  2. Isme high carbohydrates hote hai jo sharir ko atydhik matra mai urja pardan karte hai.
  3. Iske tel ka istemal kai prakar ki dawai aur cosmetic utpado mai kiya hai jaise sar ke balm mai aur twacha ke liye moisturizer ke rup mai.
  4. Iske beej ko swaad aur texture ke liye bread, cookies, muffins, cake aur bhi kai khane ki chijo mai isse dala jata hai.

 
Upar aapne jana Poppy Seeds Benefits in Hindi. Iske Faydo ko janne ke baad aap jarur iska istemal karna chahenge. Isliye ham aapkp bata rahe hai isse banne wale ek swadisht vyanjan.
 

Khaskhas Ka Halwa Recipe in Hindi:-

Khaskhas ke dano ka halwa thandiyo mai khane se sharir ko takat milti hai. Ise banane ke liye raat ko bhigo de aur subah pani se nikalar mixer mai pees le. Uske bad peese huye dano ko ghee mai se acche se seke. Jab yeh acche se sik jaye tab usme dudh dale aur use atne de. Iske bad isme shakkar, sukhe meve aur nariyal ka bura lekar isse acche chalaye. Aapka swadisht halwa tyar hai.