Subscribe Whatsapp

Rheumatic Heart Disease Symptoms in Hindi – Karan or Niwaran

Dil ki bimari ho ya hriday ka koi rog yeh humare samuchit karya ko prabhavit karta hai. Dil ki bimari sabse khatarnaak bimario mai se ek hai. Halanki, chikitsako dwara hriday rog se bachne ke liye kai prabhavi upchar aur takniko ki khoj ki hai.

Dil ki bamari se juda ek rog hai jise Rheumatic Heart Disease kahte hai. Iss rog mai vyakti ke hriday ko rheumatic fever ki wajah se shati pahunchti hai. Aamvati bukhar jo gale mai kharash ka karan banta hai. Yeh sthai roop se heart ko damage karta hai, vishesh toor par heart valves ko.

Yeh bimari vyask vyakti mai to hoti hai hi, lakin baccho mai yeh bimari bahut adhik payi jati hai. 5-15 varsh ki aayu mai hriday rog ka sabse mukhya karan yahi hai. Waise to yeh bimari sharir ke kai hisso ko prabhavit karti hai jaise dil, sharir ke jod, twacha, mashtishk aadi, lakin yeh sabse jayada nuksaan humare heart ko pahunchati hai isilye ise Rheumatic Heart Disease kaha jata hai. Ise hindi mai aamvati hriday rog kahte hai.

Baaki desho ke mukable bharat mai yeh samasya bahut adhik hai. Iska anumaan aap isse laga sakte hai ki, asptalo mai hriday rogo ke karan aane wale lagbhag 50% marij isi bimari se pidit hote hai. Yadi iss bimari ka jaldi pata chal jaye to ham jald iska illaj shuru kar sakte hai aaiye jane Rheumatic Heart Disease Symptoms in Hindi.

 

Rheumatic Heart Disease Causes: Pehchaniye Iske Karan

 

Rheumatic Heart Disease Symptoms in Hindi

 

Rheumatic Heart Disease ki shuruvaat samanya gale ke infection ya sankraman se hoti hai, parantu iski prakriya hriday par asar dalti hai, jo bahut jatil hoti hai. Rogi ko pahle bacteria ka sankraman hota hai, jo baad mai gale par asar dalta hai, jo dhire-dhire bukhar mai parivartit ho jata hai. Chuki gale mai sankraman aur bukhar ki kai wajah hoti hai, isliye hum yeh nahi samjh pate hai ki yeh ek tarah ki dil ki bimari se juda bhi ho sakta hai. Halanki jodo mai dard bhi iska ek lakshan hai.

Sharir ke bahari sankraman ko rokne ke liye immune system hota hai. Jo kisi bhi sankraman ke viprit anti-body banata hai. Yeh anti-body sharir mai sankraman karne wale kitanu ko nasht karti hai. Humare sharir mai banane wali anti-body agar bahari sankraman aur sharir ke ansho mai antar ko na samjh paye, to wo humare sharir ke viprit jakar usse bhi nuksan pahunchane lagta hai.

Rheumatic fever bhi iska udahran hai. Streptococcal bacteria ke viprit banane wali anti-body humare sharir ke hisso ko prabhavit karti hai. Jo hai hriday, jodo aur mastishk ke kuch hisse. Hriday ke alawa hone wala nuksan sthai nahi hota hai, lakin dil ke bayi aur paye jane wale valves jo adhik dabav mai kaam karte hai, jaise mitral aur arotic. Agar samay rahte iss bimari ka pata nahi chal pata hai to yeh valves puri tarah nasht ho sakte hai aur vyakti ki jaan bhi ja sakti hai.

 

Rheumatic Heart Disease Ke Lakshan Janiye

Agar hum samay rahte Rheumatic Heart Disease Symptoms in Hindi ko pahchan le to hum iss bimari se bach sakte hai, kyoki sahi samay par ilaj hi iss bimari ka ek matra upay hai. Aaiye jante hai iske lakshan-

 

You May Also Like: Parkinson Disease in Hindi – Janiye Karan, Lakshan Aur Upchar

 

  1. Sine mai dard hona.
  2. Jodo aur Manspeshiyo mai dard aur sujan aana.
  3. Adhik Tej Bukhar.
  4. Gale mai kharash ya adhik khansi hona.
  5. Sharir mai kamjori ya jhatke aana.
  6. Sans lene mai pareshani aana.
  7. Behoshi aana.
  8. Asamanya vyavhaar karna jaise hasne lagna ya rone lagna.

Yeh sabhi wo lakshan hai jiske jariye aap ye pta laga sakte hai ki aapki bimari aakhir hai kya. Agar aap bhi iss tarah ke kisi bhi lakshan ya paristhiti se gujar rahe hai to der na kare, jald se jald hriday rog visheshagya se mile aur iss hriday ghatak bimari se apne sharir ko nasht hone se bachaye.

 

Rheumatic Heart Disease Ke Upchar Tarike

Agar aap chikitsak dwara bataye gaye upchar lete hai to yakinan aap iss bimari se apne sharir ko bacha sakte hai. Jante hai kya hai Rheumatic Heart Disease Treatment

  1. Penicillin Injection.
  2. Antibiotic dawao se sankraman kam kiya ja sakta hai.
  3. Surgery ke dwara heart valves ko thik ya badla ja sakta hai.
  4. Naso ke madhayam se band valves ko kholne ki koshish ki ja sakti hai.