Subscribe Whatsapp

Sesame Seeds in Hindi – Swasth Ke Liye Hai Labhprad

Bharat mai do prakar ka til paya jata hai safed aur kala. Yeh chahe safed ho yak ala iske dane-dane mai sehat ki baat hoti hai. Iska humare khan-pan mai bahut mahatv hai. Ayurved mai bhi til ka bada mahatv hai.

Ayurved ke anusar, til mile huye jal se snan, til ke tel se malish karne se, til se yagy mai aahuti dene se, til mishrit jal ko pine se aur bhojan mai til ka prayog karne se punya ki prapti hoti hai aur papo se mukti milti hai.

Sesam ki tasir garm hoti hai, isliye iska sevan sardiyo mai karne se sharir mai urja bani rahti hai. Isme kai tarah ke poshak tatv jaise protein, calcium, B complex, carbohydrate, fiber, zinc, copper aur magnesium aadi prachur matra mai paye jate hai. Jo sehat ke liye faydemand hai. Til ka prayog prachin kal se sehat banaye rakhne ke liye kiya jata raha hai.

Ghar ke vyanjano aur khastor par maker sankranti par til ka prayog laddo banana mai kiya jata hai. Apne khas guno ke karan iske anek fayde hai. Aaiye jante hai Sesame Seeds in Hindi.

 

Sesame Seeds in Hindi: Janiye Iske Swasth Labh

Sesame Seeds in Hindi

 

Sesame Seeds Benefits: Iske Labh

Til mai mono-unsaturated fatty acid hota hai jo sharir mai bad cholesterol ko kam karke good cholesterol ko badane mai madad karta hai. Yeh hriday rog, dil ka doora aur atherosclerosis ki sambhavna ko kam karta hai. Ayurved mai til madhumeh, cough, pitt-karak, ninm-raktchap mai labh, stano mai doodh utpann karne wala, gathiya, malrodhak aur vaat nashak mana jata hai. Aaiye jante hai Sesame Seeds Benefits

 

Baalo Ke Liye

  1. Til ke poudhe ki jad aur patto ko milakar kaada banakar use baalo par lagane se baalo ka rang kala hone lagte hai.
  2. Iske phul aur gokshur ko saman matra mai lekar, shahad ya ghee mai milakar pis le aur lep bana le aur ise sar par lagaye jaha baal kam hai. Aisa karne se ganjapan dur hota hai.
  3. Kaale til ke tel ko saaf karke usse baalo par lagane se baal kabhi safed nhi hote hai.

 

Peshab Adhik Aane Par

Agar aap peshab adhik aane ki samasya se pareshan hai to yeh tarika aajmaye jarur labh milega.

Ek kadai mai safed teil 100gm, ajvain 50 gm, aur khaskhas 50 gm ki matra mai milakar halka gulabi hone tak sek le. Iske baad ise piskar powder bana lijiye. Pratidin 2 chammach din mai 2 baar sevan kare.

 

You May Also Like:- Skin Cancer Symptoms in Hindi: Pehchane Iske Lakshan

 

Cancer Se Bachaye

Til mai sesamin namak antioxidant hota hai. Yeh cancer ko koshikao ko badne se rokta hai aur uske jivit rasayano ko rokne mai bhi madad karta hai. Yeh fefdo ke cancer, breast cancer, pet ke cancer, leukemia aur amashay ke cancer ko rokne mai bahut hi madad karta hai.

 

Tanav aur Mansik Durbalta Dur Kare

Til mai niacin namak vitamin hota hai. Yeh mansik kamjori ko dur karta hai. Jo humare tanav ko kam karne mai madad karta hai. Pratidin bhojan mai ya samanya roop se bhi iska sevan kiya ja sakta hai.

 

Hriday ki Manspeshiyo Ke Liye

Yeh poshak tatvo se paripurn hota hai. Isme jaruri minral jaise calcium, iron, Zink, magnesium aur selenium paya jata hai, jo hriday ki manspeshiyo ko sucharu roop se kaam karne mai madad karta hai aur hriday ko niyantrit antraal mai dhadkne mai madad karta hai.

 

Kamar Dard Mai

  1. Kala til 20 gm aur sukhe huya khajur dono ko milakar chote-chote tukde kar lijiye. Iss mishrant ko 1 glass pani mai ubal le. Acchi tarah ubal jaane ke baad ise chaan lijiye aur 1 chammach desi ghee mila lijiye. Niyamit roop se din mai 1 baar iska sevan karne se kamar dard mai shighra aaram milta hai.
  2. Iske alawa kamar dard aur pith dard dur karne ke liye, hing aur sonth ko milakar garm kare aur ise til ke tel mai milakar dard waale sthan par lagaye bahut jalti labh milega.

 

Twacha Par Lagaye

Til ka upyog chehre aur twacha ko nikharne mai kiya jata hai. Til ko dukh mai milakar paste banakar chehre par lagane se chehre par prakratik chamak aane lagti hai. Iske alawa pratidin til ke tel ki malish karne se twacha ki khushki dur ho jayegi.

Sharir par ghaav ho jaane par ya twacha jal jaane par til ko piskar ghee ya kapoor ke sath lagane se rahat milti hai aur ghav bhi thik ho jate hai.

 

Khansi Mai Faydemand

  1. Safed til aur kali mirch 2 chammach milakar, 1 glass pani mai acchi tarah ubaal le. Jab pani aadha rah jaye to ise chaan le aur halka garm hi peele. Isse khansi mai labh milega.
  2. Sukhi khansi ho jane par 3 se 4 chammach til aur mishri ko milakar pani mai ubal le. Aadha rah jane par ise halka garm hi peele.
  3. Iske alawa til ke tel ko lehsun ke sath halka garm karke kaano mai dalne se kaan ka dard thik hota hai.

 

Shishuo Ke Liye

  1. 100gm til ke andar 18 gm protein hota hai, jo baccho ke vikas aur unki haddiyo ko majboot banana mai madad karta hai.
  2. Ek shodh ke anusar til ke tel se baacho ki malish karne se unki manspeshiya sakth hoti hai aur unhe majboot banati hai. Iske alawa til ke tel ki malish se unhe nind bhi acchi aati hai.
  3. Baccho mai bistar gila karne ki aadat hoti hai, Iske liye 50gm til mai 200gm gud milakar inhe pisle aur pratidin subah-shaam 5 se10 gm ki matra khilaye.

 

Sesame Seeds Benefits

 

Khoon Ki Kami

Ek addhyan ke anusar, yeh ucch rakhchap ko kam karne ke sath-sath iska anti-glycemic prabhav rakt mai glucose ke sttarko 36% tak kam karne mai sahayak hota hai. Jab yeh madhumeh virodhi dawa glibenclamide ke sath milkar kaam karta hai, isliye type -2 madhumeh rogiyo ke liye yeh labhprad sabit hota hai.

 

Khooni Bavasir

Agar aap khooni bavasir se pareshan hai to 10gm kali til ko pani ke sath piskar 1 chammach makkhan milakar khaye. Isme aap mishri ka upyog bhi kar sakte hai aur din mai do baar kha sakte hai.

 

Sujan ya Moch Aane Par  

  1. Moch mai hone wale dard ko dur karne ke liye til ko piskar pani mai milaye aur halka garm-garm moch wale sthan par lagane se labh milega.
  2. Til ka tel 50gm, isme aadha chammach sendha namak milakar garm ka lijiye. Jab yeh tel halka garm eah jaye tab raat mai sone se pahle sujan wale sthan par isse malish kare.

 

Muh Ke Chaale, Muhase aur Fati Adiya

  1. Muh mai taklifdayak chaale ho jane par, til ke tel mai sendha namak milakar chaalo par lagaye.
  2. Chehre par muhase hone par til ko piskar makkhan ke sath milakar lagane se kil-muhase thik ho jate hai.
  3. Agar aap fati huyi adiyo se pareshan hai to ab aapko ghabrane ki jarurat nahi hai. Til ke tel mai thoda sa sendha namak aur mom ko milakar fati adiyo par lagane se yeh jaldi bhar jate hai.

 

You May Also Like:- Janiye Wisdom Teeth ke Bare Mai Adhik Jankari

 

Danto Ke Liye

  1. Til danto ke liye bhi behad faydemand hota hai. Subah-shaam brush karne ke baad chutki bhar til ko chabane se daant majboot hote hai aur sharir mai til calcium ki aapurti bhi bani rahti hai.
  2. Pyria aur daanto ke hilne ki samasya hone par, phir til ke tel ko 10-15 minute tak muh mai rakhe aur phir issi se garare karne chahiye. Aisa karne se daanto ke dard mao bhi aaram milta hai. Garm til ke tel ke sath hing ka bhi prayog kiya ja sakta hai.

 

Anya Labh

  1. Til ke laddu khane se mahilao mai masik dharm ke samay mai hone wali taklif se rahat milti hai.
  2. Jodo ke dard ko dur karne ke liye 1 chammach til ko raat mai pani mai bhigokar rakh de aur subah ise peele. Iske alawa pratidin subah ke samay 1 chammach til ko aadha chammach adarak ke sath milakar churn banakar halke garm dudh ke sath lena chahiye. Aisa karne se jodo ke dard mai jaldi aaram milta hai.
  3. Pachan shakti badane ke liye saman matra mai munakka, papal, nariyal ki giri, aur mava ko acchi tarah mila le. Iss mishran ki barabar matra mai til piskar isme milaye. Isme aap swadanusar mishri bhi mila sakte hai. Subah ke samay khali pet iska sevan karne se sharir mai bal, buddhi aur sfurti mai vradhi hoti hai.
  4. Kabj ko dur karne ke liye til ko barik piskar gud ya mishri ke sath khana khane ke baad khaye pachan shakti badegi aur kabj ki samasya bhi dur hogi.
  5. Til ka tel gada hota hai, iss karan yeh aasani se twacha mai mil jata hai. Jisse yeh twacha ko andar se poshan milta hai. Til ke bane tel se niyamit malish karne se blood circulation ki prakriya bhi thik rahti hai aur shatigrast manspeshiyo ki marammat bhi ho jati hai.

Aaj humne aapko bataye Sesame Seeds in Hindi, se hone wale shariri labh, jo aapko swastha sharir ke sath-sath mansik rrop se bhi majboot banata hai.